Koncert Festiv me urimin: Gëzuar 7 Marsin,

 festën e mësuesve.

7 Marsi festa e mësuesit, ka bërë që në orët e para të ditës, në rrugët e Rrëshenit të vërshojnë qindra nxënës me lule shumëngjyrëshe në duar. Ata janë paraqitur në klasat e tyre me urimin për mësuesit dhe edukatorët, ndërsa lulet kanë mbushur klasat duke i dhënë kësaj feste një ngjyrim të veqantë.

Ndërsa urimin më sinjifikativ e ka dhënë Qëndra Kulturore e fëmijëve të Rrëshenit, e cila u ka dhuruar mësuesve dhe nxënësve një buqetë me këngë e valle, duke e bërë këtë festë edhe më të bukur. Është një punë këmbëngulëse e kësaj qëndre kulturore që drejtohet nga mësuesi  Gjon Çoku. Ndërsa dy specialistët me përvojë, Kol Picaku në fushën e muzikës dhe Fran Gjergji në koreografi, kanë bërë që kjo qëndër të jetë një nëdër qëndrat më të spiktura në vëndin tonë, për sa i përket vazhdimësisë së brezave.

Në ora 11.00 salla e Qëndrës Kulturore të Rrëshenit ka qënë tejmbushur me mësues, prindër e nxënës. Të pranishëm kanë qënë Kryetari i Bashkisë z. Gjon Dedaj, Drejtori i Arsimit z. Bardhok Filopati, si dhe mësues veteran që tashmë janë në pension.

Për më shumë se një orë, skena është pushtuar nga kënga dhe vallja. Grupi i valleve që drejtohet nga Fran Gjergji,  ka shpalosur një performancë për tu admiruar, me numra koreografikë nga më të arrirët. Ndërkohë grupi i instrumentistëve i drejtuar nga mjeshtri Kol Picaku, ka realizuar numra muzikore, por edhe këngëtarja tashmë e njohur Eliona Kola, ka bërë që salla të shpërthejë gjatë gjithë kohës në duartrokitje.

Një grup nxënësish janë shpërndarë nëpër sallë duke u dhuruar nga një tufë mimozash të freskëta, të gjithë mësuesve dhe ish mësuesve të shkollave të Mirditës.

Ndërkohë që në skenë është ngjitur për të përshëndetur mësuesi veteran tashmë në pension, z. Mark Kaçorri. Ai i përket asaj plejade mësuesish të cilët në kushte shumë të vështira, pa lapsa e fletore, pa çati mbi kokë e mbi të gjitha me kushte shumë të vështira ekonomike, kur shkollën e kishin disa km larg, kanë bërë të pa mundurën për të zhdukur analfabetizmin dhe injorancën. Pikërisht këtë është munduar të paraqesë para të pranishmëve mësuesi Mark Kaçorri, i cili ndër të tjera tha se, çdo njeri e ka të lehtë të krahasojë kushtet e para viteve 90-të, me kushtet e sotme. Ai vlerësoi tekstet alternative, programet më të avancuara, dyfishimin e rrogës, kalimin e natyrshën nga shkolla e mesme në të lartën etj. Duke përfunduar, mësuesi Mark Kaçorri i ka uruar mësuesit dhe nxënësit për një vit të suksesshmë shkollor.

Më tej ka përshëndetur drejtori i Arsimit në Mirditë z. Bardhok Filopati i cili në përshëndetjen e tij ka thënë:

Te dashur mesues!

Te dashur nxenes!

Te dashur prinder dhe te ftuar!

Eshtë në traditë që mësuesit të marrin urime të ngrohta për festën e tyre, e në këtë aspekt ka shumë mënyra për ta marrë, por sot është kënaqësi e veçantë  që këtë urim ta marrim nga nxënesit mirditore, me këngët dhe valët mirditore, prandaj ju ftoj ta gëzojme këtë ditë sëbashku.

Gëzuar Festen të dashur kolege!.

Ne këtë ditë të shënuar për arsimin shqiptar, dua të ndaloj në ato gjëra që janë më të sukseshsme, në atë që na jep krenari në arritjet dhe synimet  tona, në ato ndryshime dhe reforma që po e lartësojnë shkollën tonë, që po lartësojne mesuesin  në vendin që i takon, si në statusin social, edhe në atë shoqëror

Mësuesi sot e sheh  veten më të respektuar se disa vite me parë.

Sot mësuesi ka pagese më të mirë, ka liri më shume si në përzgjedhjen e teksteve ashtu edhe në pjesë të programit. Sot ka kushte më të mira të mësimdhënies, ka informacion me shumë. Ka kompjutera më shumë, por ajo që është me rëndesishmja ka nxenës me më shumë objektiva dhe synime.

Matura shtetërore dhe së fundmi edhe provimet e lirimit, janë pjesë e matjes se performancës së mësuesit, janë një shtysë për të punuar me shumë. Janë qendra ku marrin jetë ëndrrat e femijvë tanë, janë rruga më sigurt për te ardhmen.

Nuk mund te lëmë pa përmendur mësuesit tanë në vite, ata që i kanë dhënë shumë arsimit mirditor, si Mark Legisi, Kol Picaku, Preng Filopati, Gegë Bardhoku, Nikoll Përgjetani, Gjelina Shkurti, Gjon Lleshi Ndue Gjoka, Simon Prendi etj. Nje urim ne kete dite per familjet e tyre, le ta vazhdojme rrugen e tyre ne brezi me i ri.

Nje falenderim per Qendren Kulturore dhe për Bashkine Rrëshen , që pa praninë  e tyre, kjo ditë nuk do të ishte kaq e bukur.

Tani tek nje ëndërr ...

Së shpejti do të kemi edhe internet, ky është projekti me ambicioz i MASH për shkollat tona.

Një urim shkon edhe për nënat motrat tona.

Gezuar 8 Marsin

Ndërsa Kryetari i Bashkisë z. Gjon Dedaj në përshëndetjen e tij për të gjithë mësimdhënsit tha:

Te nderuar e të respektuar mësues !

Te nderuar prinder !  Te dashur nxenes !

Gezuar 7 Marsin !

7 marsi eshte  Dita e Mësuesve, ditë në të cilën të gjithë arsimtarët shqiptarë marrin urimet më të përzemërta nga nxënësit e tyre dhe mbarë shoqëria. Bashkia Rreshen dhe Zyra Arsimore organizojne kete takim  ne vend te nje  minutazhi   telefonate,  apo dhurimi te nje luleje,  në nderim për  punën e kontributin tuaj te madh qe keni dhene, jepni, e do te jepni  Rreshenit dhe Mirditën tonë të dashur .

Në këtë ditë feste, ne sjellim ndërmend të gjithë ata mësues të dashur që kemi patur në vite, mirditore ose jo , qe banojne ne Mirdite ose jashte saj, prej të cilëve kemi mësuar jashtë mase shumë, më shume se sa ne mundemi t’ju kthejme drejtperdrejte.

7 Marsi është dita për ti kujtuar, falenderuar dhe respektuar pasi ata janë pjesë e pandarë e jetës dhe suksesit tonë. Sebashku dhe ne kerkim  te një solidaritet themelor midis brezave jo thjesht për disa ndjenja respekti , mirënjohjeje apo dashurie  ( ndjenja të cilat asnjë lloj modeli ekonomiko-politik, sado pervers qoftë, nuk i çrrënjos dot) ne nderojme sot mesuesit e kesaj treve ose me sakte  kontigjentin qe ka kontribuar me shume per kete bashkjetese !

Te dashur kolegë !

Edhe se kujdesi i sotem, perfshi  sistemin i pagave, pensioneve dhe i trashëgëmisë, dukshëm paraqesin  probleme të cilat u ngjajnë  atyre             « bombave që shpërthejnë me vonesë » , ne mundet te jemi sebashku te bisedojme e nderojme sot njeri tjetrin  duke parandaluar  cdo lloji  rreziku  që vë në pikëpyetje stabilitetin shoqëror.

Natyrshem qyetari  i mençur përllogarit , që sot , të ardhmen pasi   asgjë e lumtur e paparashikuar nuk do të mund ti  vijë në ndihmë ,  ndaj  ne duhet  te ndertojme mardhenie te ligjshme dhe te drejta  dhe pikërisht per kete duhet  të negociohet   me shtetin, me komunitetin , me brezin më të ri, duke shmangur shprehjet e «moskokëçarjes» sonë kolektive dhe   një presion efektiv i shoqërisë mbi zyrat dhe burokracinë e sotme te mos lejoje qe gjërat serioze ti mbulon heshtja.

Edhe se heshtja juaj flet   më shumë se fjala ,  duhet ikur  nga biseda «të ditës» pa peshë, për gjërat që mendohet se «i di qeveria»  dhe te te prire nga  pesha e aktualitetit duhet te perfitojme nga rrethanat lehtësuese të sotme  te cilat  mbase nuk do të veprojnë më pas njëzet a me shume vjetësh.

Ne duhet ti thirrim mendjes sot per te ikur nga grindjet pa fund , per te minimizuar  rrefimet mbi te kaluaren, per te ndalur dhe braktisur  korrupsionin, bakshishet a cic-micet e dites se keshtu do ta kemi  me te lehte te bindim e ndihmojme nje brez që sot ndonëse mundet nuk do, nje brez i cili  nesër do të dojë por  nuk do të mundet.

Padyshim qe 7 Mars-et e ardhshem nuk do te sjellin fatalitet,  por sebashku na duhet sa me pare te  ndryshojme  katërcipërisht deformimet e modelit të djeshem dhe te sotëm , dhe nevojitet te gjejme zgjidhjet e mundshme permes nje  diskutimi te hapur dhe te panderprere .

Sejcili nga ne ka ne zemer monumentin e mesuesit te tij te preferuar, te cilit i falet me mirenjohje ndaj  me cilesine e Kryetarit te Bashkia Rreshen ( te mbeshtetur e zgjedhur nga Ju ) me lejoni  te shpalle sot se nje mbeshtetje te financiare do ti adresohet mesuesit me te mire te vitit.

Perzgjedhja  e mesuesit me te mire le te jete tager e komunitetit te mesuesve me monitorim te Zyres  Arsimore dhe Keshilli bashkiak  le te vendose masen financiar te shperblimit ne momentin e duhur.

Mirdita i ka nderuar dhe  i nderon sot te gjithe mesuesit e saj , bije gjenetik ose jo , te vdekur dhe te gjalle ,  kudo jane ! Nderim e mirnjohje per jete !

Lutem pranoni urimin me te perzemert të dashur mesuese dhe mësues !

Gezuar 7 Marsin !

 Faleminderit për gjithçka!

Koncerti i fëmijëve ka vijuar për më shumë se dy orë, ndërkohë që ëshyë mbyllur me vallen « O sa mirë me qënë shqiptar » me koreografi të Fran Gjergjit.

Aktiviteti është mbyllur me një koktej festiv ku të gjithë mesuesit janë përshendetur dhe uruar nga drejtuesit te Bashkisë dhe të Drejtorisë Arsimore.

Pergatiti : A. Ndoja.