Një ditë në autostradën Rrëshen-Kalimash. Punimet inspektohen nga Kryetarja e Parlamentit znj. Jozefina Topalli.

“Projekti i autostradës në Shqipëri parashikon ndërtimin e një autostrade prej 61 km, me katër korsi, e cila fillon në Rrëshen, në Shqipërinë qëndrore dhe zgjatet në verilindje deri në Kalimash, afër kufirit me Kosovën.”

  Një pasazh i tillë është i publikuar në mijëra fletë-palosje që të dhurohen menjëherë sa prek në territorin e “pushtuar” nga firma prestigjoze ndërkombëtare “Bechtel-Enka”

Ndërkohë që punimet në tunelin Thirrë – Kalimash kanë mbërritur në gjysmën e tyre, Kryetarja e Parlametit Shqiptar Jozefina Topalli ka mbërritur për herë të parë në këtë sektor, për të parë nga afër punën që bëhet aty. Ajo është shoqëruar nga një grup deputetësh të parlamentit, ndër to Lajla Përnasaka, Leonard Demi, Gjovalin Prenga, Gjok Vuksani, Pal Dajci etj. Me të mbërritur në Rrëshen, kryetarja e parlametit dhe grupi i deputeëtvë janë pritur në Bashkinë e Rrëshenit nga Kryetari i Bashkisë z. Gjon Dedaj dhe autoritete të tjera vendore. Ndalesat e para të deputetëve kanë filluar që në metrat e para të segmentit katër korsish që fillon në Rrëshen, dhe përfundon në Kalimash të Kukësit. I gjithë ky segmet është kthyer në një kantier gjigand ndërtimi dhe kudo që duket dora e Bechtel – Enka, puna ka ritme të jashtëzakonshme. Puna në luginën e Fanit është në kulmin e saj dhe kudo ka filluar që të marrë formë rruga më e re e cila do të lidhë Shqipërinë me Kosovën, e më tej me vënde të tjera të Ballkanit. Në informacionet e ditës së sotme zëdhënsja e kësaj firme Iva Zagar, konfirmon se puna në tunelin më të madh në rajon ka mbërritur në 50 përqint të saj. Aktualisht po punohet në të dy drejtimet, në dy korsi njëkohësisht.

Nga pikpamja teknike autostrada është e ndarë në tre segmente:

Rrëshen-Reps 19. 5 km.

Reps-Thirrë 26.5 km

Thirrë – Kalimash 14. 8 km

Segmenti i tretë Rrëshen-Kalimash përfshin tunelin që është me një gjatësi 5. 5 km që kalon nëpër nëtokën e Malit të Kumbullës. Ky tunel do të jetë ndër më të gjatët në rajonin e Ballkanit. Gjatësia totale e rrugës nga Rrësheni në Kalimash është 60. 8 kmme një gjerësi 26 metra. Në këtë segmet po ndërtohen 27 ura gjigande me nëj gatësi prej 4 km. Gërmimet kubikale janë në masën 20 milion m3. Mesatarja ditore. 90 mijë m3 në ditë është mesatrja e gërmimeve në të gjithë segmentin. 120 mijë m3 beton janë hedhur deri tani në struktura dhe në ura në të gjithë pjesën që po punohet. Urat janë mjaft të larta dhe disa prej tyre shkojnë mbi 30 metra lartësi. grupi i deputetëve janë ndaluar në disa prej tyre duke shijuar edhe bukuritë e rralla që ofron gryka e Fanit të Vogël ku shtrihet rruga më e re autstradale.

Me të mbërritur në Reps, znj. Topalli është ndalur në kamingun më të madh me rreth 2000 punëtorë. Ajo është pritur nga Drejtuesi i punimeve të firmës Bechtel-Enka z. Majk dhe kryetari i komunës së Oroshit z. Aleksandër Lala. Këtu znj. Topalli është njohur me punimet që po kryhen në këtë segment rrugor. Sipas drejtuesve të punimeve, puna po ecën me ritme të kënaqshme. Më pas znj. Topalli është përshendetur me punonjësit dhe ka hyrë në mensë për të parë kushtet tepër komode me të cilat trajtohen punonjësit. Rruga ka vijuar përmes grykave të thepisuara, deri tek hyrja e tumnelit. Edhe aty po punohej intensivisht. Topalli dhe gupi i deputetëve ka përshkuar gjithë gjatësinë e tunelit deri në vëndin ku po gërmohej. Znj. Topalli ka dhënë një deklaratë për mediat në të cilën ka thënë se:

Sot jemi këtu në gjatësin 50.2 % të gjitha gjatësisë së tunelit, ndërsa menaxheri i tuneleve që po bën këtë mrekulli inxhienrike konfirmon se po bëhen rreth 20 metra shpim në ditë. Kjo do të thotë se vetëm gjatë muajit të fundit ata kanë bërë rreth 500 metra shpim. Duke punuar me këtë ritëm, ne shumë shpejt do ta shohim të përfunduar si pjesën veriore të tunelit ashtu edhe pjesën jugore. Në fakt mua më duket një gjigand që vrapon, një kolos, një projekt inxhinierik i pa besueshëm. Është një mrekulli e inxhinierisë e arkitekturës, është një vepër që ne nuk mund ta imaxhinonim se mund të bëhej në vitin 2008. unë besoj se kjo është Shqipëria që ne kemi besue se do të bëhej pas 15 vitesh. Në fakt kjo është Shqipëria e sotshme, është Shqipëria europiane, është Shqipëria e projekteve gjigande, është Shqipëria e veprave që kanë prerë malet përgjysëm, dhe sic thonë banorët e kësaj zone, kanë lëvizuar malet nga vëndi. Kjo ka bërë që shqiptarët të jenë më afër me njëri tjetrin, më afër me europianët, që tregjet e europës juglindore të përfarohen me portet dhe rrugë detare të rëndësishme. Personalisht me duket dicka e pabesueshme që për një vit të ndërtohen 27 ura, që për një vit të bëhen dy tunele. Është e pa besueshme. Këtu një nga zonat më të prapambetura në pikpamje infrastrukturore, kthehet në një nga zonat më moderne të rajonit dhe të krahasueshme me tunelet më të mëdha të Europës.

Pas Topallit deputetja Përnaska ka thënë se është një kënaqësi e veqantë që ndodhesh në gjirin e kësaj vepre kaq gjigande. Në këtë rast nuk ka nevojë as për dialog e as për monolog, pasi ky është një gjigand që flet vetë. Në vijim deputeti Leonard Demi ka thënë se kjo është një vepër madhore që do ti shërbejë Shqipërsë dhe gjitha rajonit për vitet që do të vijnë si për ekonominë ashtu edhe për sigurinë.

Në fund deputeti i zonës së Mirditës z. Gjovalin Prenga tha se kjo është një zonë e varfër që me këtë rrugë ka dal nga varfëria. Këta janë në pozitën e kapërcimit të ylberit. Falendëroj kolegët e mij që erdhën në këtë vizitë, dhe shpresoj që së shpejti të vijnë edhe deputetë të tjerë që të shikojnë vetë sa sa punohet këtu. 28. 06. 08

Aleksandër Ndoja