Dy fshatrat më të mëdha në Bashkinë Rrëshen, Nderfushaz dhe Kodër Rrëshen së shpejti me rrugë të asfaltuara.

Prej disa ditësh në dy fshatrat më të mëdha dhe me popullsi të konsiderueshme në Bashkinë Rrëshen,  po punohet me intensitet të plotë për lidhjen e tyre më rrugë të asfaltuar. Bëhet fjalë për fshatrat Ndërfushaz dhe Kodër-Rrëshen, fshatra të cilat pas pak muajsh do të kenë një komunikim konfort me qytetin e Rrëshenit.

Për objektin “Sistemim-Asfaltim,rruga Rreshen–Nderfushaz” ka qënë  Operatori Ekonomik “Uleza Ndertim Shpk & GPG Company shpk” me nënshkrues kontrate z. Nikolin Shpani, e cila ka pas një procesi të gjatë gare mes operatorëve ekonomikë, ka fituar tenderin me vlerë prej 48 686 670 lekë.

Puna ka nisur me intensitet të plotë, dhe ndonëse punimet janë në fillimet e tyre segmeti rrugor ka filluar të pësojë ndryshimet e para. Segmenti fillon në urën degëzuese pranë varrezave publike në të hyrë të qytetit të Rrëshenit, dhe vijon në urën e cila ka qënë ndërtuar për kalimin e trenit hekurudhor. Pikërisht këtu është filluar me zgjerimin e trasës dhe me zbutjen e ngjitjes për në urë. Ndërkohë punimet vijojnë disa qindra metra më tej, në fillim të fshatit.

Sipas drejtuesit ligjor të “Ulza Ndërtim” z. Nikolin Shpani, fillimisht po punohet me ndërtimin e veprave të artit dhe disiplinimin përfundimtar të vendkalimit të ujrave. Po vihen tombina të mëdha në përputhje me kriteret teknike të kërkuara, dhe po realizohet betonimi i pjesëve anësore të rrugës. Z. Shpani ka konfirmuar se do të punohet me cilësi të lartë, dhe do të zbatohen me përpikmëri të gjitha kushtet inxhinierike e teknike të kërkuara.

Po ashtu po punohet edhe në fshatin Kodër Rrëshen. Këtu po  zbatohet faza e IV-t e ndërtimit të rrugës që lidh qytetin Rrëshen, me qëndrën e këtij fshati.

Sipërmarrës i punimeve është “Genti-shpk” me drejtues ligjor znj. Drane Boci. Fodi i vënë në dispozicion nga ivestitori Bashkia Rrëshen është në masën  21794028 lekë, dhe afati i përfundimit të punimeve është 90 ditë. Puna ka fillur në të hyrë të fshatit Kodër Rrëshen, dhe do të përfundojë në ekstremin tjetër të fshatit, pranë Kishës.  Ndërkohë përveq këtij segmenti, pjesë e këtij projekti do të jetë edhe një segment tjetër nga lagjia Kodër, e cila lidhet me rrugën kryesore.

Punimet në këto dy segmente rrugore që lidh dy fshatra të rëndësishme të Bashkisë Rrëshen janë ndjekur nw mwnyrw periodike edhe nga kryetari i Bashkisë z. Ndue Gega. Në kontakt me drejtuesit teknikë dhe ligjorë të dy operatorëve ekonomikë z. Gega ka lërkuar cilësi të lartë në punime dhe zbatimin me përpikmëri të kushteve teknike të investimeve përkatëse.

A.   Ndoja

8 shtator 11