Flaka Olimpike edhe në Rrëshen

Nuk bëhet fjalë për Lojërat Olimpike të Pekinit, por në një lloj përngjasje të tyre, Komiteti Olimpik Shqiptar dhe Ministria e Arsimit, këtë javë e kanë shpallur si Javën Olimpike për nxënësit e shkollave 9 vjeçare të vendit. Pikërisht në kuadër të këtij evenimenti të rëndësishëm sportiv, edhe shkollat e Rrëshenit kanë qenë të përfshira në një veprimtari të bukur ditën e sotme.

Kështu flaka olimpike është përcjellë nëpër stacione të ndryshme të qytetit nga nxënës të shkollës 9 vjecare Pashko Vaso, duke angazhuar dhjetëra nxnënës me prirje sportive. Më pas pishtari olimpik që kaloi rrugëve të qytetit, u drejtua për në qendër të qytetit Rrëshen. E gjithë situata i ka dhënë një pamje krejt të veçantë sheshit “Abat Doçi” të qytetit, pasi ai është pushtuar nga qindra fëmjë të të gjithë shkollave të Rrëshenit. Ndërsa entuziasmi i tyre ka qënë i konsiderueshëm, teksa kanë hyrë vrullshëm në shesh, për tu ndalur përpara godinës së Qëndrës Kulturore “Mirdita”, ku ishin rrjeshtuar të gjithë pjestarët e Departamentit të Kulturës së Bashkisë Rrëshen. Pas kësaj, mbajtësi i Pishtarit, nxënësi i shkollës Olsi Picaku i cili e mbante atë, i shoqëruar nga dy vajza shkolle që mbanin në duar flamurin kombëtar dhe atë të Komunitetit Europian, i është drejtuar grupit të pjestarëve të Departamentit të Kulturës, duke ja lënë në dorë pishtarin e ndezur me flakën olimpike, drejtuesit të këtij departamenti z. Alfred Shtinja. Pas kësaj, për minuta të tëra sheshi ka ushtuar nga brohoritjet e gëzuara të fëmijëve të shkollave. Më tej ata i janë drejtuar ambienteve të shkollës së Pashko Vasa ku edhe janë përfshirë në aktivitete vijuese të programuara për këtë ditë.   

Para se të mbërrihej deri këtu, nxnënësit e shkollave janë përfshirë në një sërë veprimtarishë të ndryshme sportive si volejboll, futboll, tërheqje litari, hedhje gjyle, kërcim së larti dhe së gjati, vrapime etj, ndërsa sot pas mbërritjes së flakës olimpike, janë zhvilluar ndeshjet finale ku janë shpallur dhe fituesit. I gjithë aktiviteti është mbikqyrur rreptë nga drejtuesit e shkollave dhe msuesit sipas klsave përkatese dhe Policia Bashkiake.

19. 05. 08