Futbollistët e grupmoshave tour sportiv në Ulqin

Përfundoi në fund të muajit maj kampionati kombëtar i futbollit amator për grupmoshat, ku morën pjesë denjësisht dhe ekipet e “Minatorit”. Skuadrat tona në përfaqësimin e bërë kanë treguar nivel të mirë sportiv, ku vlen të përmendet ekipi i 12 dhe 14 vjecarëve që janë renditur në vende nderi.

Kështu ekipi i 12 vjecarëve u rendit në vendin e tretë mes 10 ekipeve pjesëmarrëse, ndërsa mes po kaq ekipesh ai i moshave 14 vjec zuri vendin e dytë. Mund të shënohen shumë futbollistë të talentuar por në mes tyre vlen të evidentohen:

Për 12 vjecarët:

Oligert Beleshi, Klevis Dushi, Erald Tuci

Për 14 vjecarët:

Olsi Picaku, Denis Dedaj, Eduard Shtjefanaku dhe Erild Ndoj

Me ftesë të klubit “Otranto” nga Ulqini i Malit të Zi ekipet tona të grupmoshave morën pjesë në një turne tre ditorë për ndeshje miqësore me bashkëmoshatarët e tyre ulqinas. Kështu me 2 qershor ekipet arritën në Ulqinin e bukur dhe një ditë më pas u zhvilluan disa ndeshje sipas grupmoshave:

rezultatet:

Për 10 vjecarët

Otranto-Minatori    2: 3

Për 12 vjecarët

Otranto Minatori     3: 3

Për 14 vjecarët

Otranto – Minatori   5 : 2

Lojtarët tanë luajtën mjaft mirë dhe ndeshja solli edhe miqësi në mes lojtarëve.

Në këto takime morën pjesë dhe drejtues të bashkisë Rrëshen, kryebashkiaku Gjon Dedaj dhe shefi i departamentit të kulturës e sportit Alfred Shtinja, shefi i departamentit të shërbimeve Ndok Mrruku si dhe sekretari i klubit “Minatori” Mark Kola.

Gjithashtu në turin e tyre sportiv këta fëmijë u ndoqën dhe nga prindërit e tyre si Gjovalin Ndoj, Pal Tusha, Vlash Gjoci.

Trajnerët e këtyre ekipeve Ded Dedaj dhe Bardhok Dedaj shprehen se me keto elementë kanë besim në përfaqësime dinjitoze të Mirditës, duke dhënë shenja të rilindjes të këtij sporti të bukur edhe në Rrëshen. 10. 06. 08

Gj.M