Recital i ansamblit francez COULEUR VOCALE ne Rreshen

  Ambasada franceze në tour-in artistik në katër rajone të vendit ka përfshirë dhe bashkinë e Rrëshenit, dhe ku katër tenorë të ansamblit të njohur Couleur Vocale, kanë dhënë recitalin e tyre në një prej sallave të katedrales Rrëshen. Recitali po jepet në Lezhë, Beral dhe Katedralen S. Paul në Tiranë.

  Tenorët shoqëroheshin nga këshilltare e kulturës në ambasadën franceze Eloise Le Petit. Fillimisht grupi kultural francez është pritur nga kryebashkiaku i Rrëshenit Gjon Dedaj,i cili,duke uruar miqve mirseardhjen, ka shpalosur një panoramë të përgjithëshme ekonomike,kulturore dhe sociale të bashkisë që ai drejton. Dedaj theksoj se ka një traditë të bukur të shkëmbimeve kulturore në mes Mirditës dhe Francës me rrënjë të thella,duke shtuar se kultura për ne është element i fortë i ringjalljes për t’u bërë anëtarë të denjë të familjes europiane.

  Grupi kuluror francez ka patur gjithashtu një takim me një grup nxënësish frankofon të shkollës së mesme Rrëshen, për të bërë një bisedë të lirshme dhe shumë miqësore.

  Koncerti recital ishte momenti më i bukur i kësaj vizite dhe është ndjekur më kërshëri nga të pranishmit. Ansambli Couleur Vocale mbështetet në repertoret e gjera të këngëve profane dhe të shenjta,të cilat shtrihen nga Mesjeta e deri në ditët e sotme, për të folur për jetën e njeriut,e cila si dhe rrjedha e stinëve,lind,ndërpritet dhe rifillon përjetësisht.

  Programi i moderuar nga këshilltarja kulturore e ambasadës franceze në Toiranë Le Petit, ishte i pasur nga krijimtari të autorëve të njohur,e që i dedikohej lindjes,zgjimit,lumturise,dhimbjes,dhe ringajlljes,të interpretuara me një vocal të bukur,të ëmbël dhe virtuoz nga Odile Civet, Christine Chevalier, Isabelle Diologent dhe Ghislaine Lelelux.

  Momenti më impreionues në këtë recital ishte kur katër tenoret franceze kënduar në perfeksion LULEBORË në shqip duke ftuar  dhe sallën për të kënduar e gëzuar së bashku. Ndërkaq tenorët dhanë dhuarata në shenjë mirenjohje për bashkinë Rrëshen e Rubik, si dhe për organizatorë të tjerë duke falenderuar pjesëmarrësit, dioqezën, dhe Bankën Popullore si sponsor. Në recital mori pjesë dhe ambasdori austriak dhe autoritete të tjera vendore.

  Më pas grupi kulturral francez bëri një vizitë në muzeun historik të rrethit ku është njohur me historinë në relike të krahinës së Mirditës,për të përmbyllur në një vizitë në pallatin e kulturës,ku janë pritur në mënyrë tradicionale në një sofër bujare mirditore dhe ku janë njohur me historikun e ansamblit Mirdita, ndërsa gjithcka ka kaluar përmes një bashkëbisedimi të lirë dhe këngëve të kënduar në mënyrë spontane dhe të shoqëruara dhe me instrumentin e ciftelisë si dhe dekustimin e pijeve dhe ushqimeve bio të krahinës.

  Më pas grupi kultural ka shtëgtuar në drejtim të Rubikut nën drejtimin e kryebashkiakut të Rubikut Mark Ruci, bashki e cila ka krijuar një traditë bashkëpunimi kulturor me ambasadën franceze prej vitesh.

     Gj. Marku

A.    Ndoja