FUQIZIMI I GRAVE NE SHQIPERI – STRATEGJI PER ZHVILLIMIN GJITHEPERFSHIRES

Në kuadrin e seminareve dhe konferencave të shumta të bëra nga Shoqata Refleksion dhe USAID mbi "Dhunën në Familje" dhe Barazinë Gjinore, me Datën 28 Tetor u organizua Konferenca Kombetare.

Fuqizimi i Grave ne Shqipëri - Strategji për Zhvillim gjithëpërfshirës.

Në këtë Konferencë Kombëtare morën pjesë personalite te politikës dhe të shoqërisë civile, ku ndër to mund te përmendim:

Presidenti I Republikës së Shqipërisë z.Bamir Topi, znj. Valentina Leskaj anëtare e Parlamentit, znj. Roberta Mahoney Drejtoresha e USAID ne Shqipëri. znj. Matt Thimm Drejtoreshe e USAID FORECAST Program World Learning. Moderatore znj. Eglantina Gjermeni anëtare e Parlamentit, z. Artan Shkembi, Kryetari i Bashkise Pogradec.

Zv. Ministria znj. Tabaku theksoi se  Progres- Raporti  i 2009 ne lidhje me te drejtat e grave shenon progres.

Kjo vihet re dhe ne parlament ku nga 7 deputete tani perfaqsohemi nga 23 gra deputete dhe kjo përbën një hap të rëndësishëm. Ajo pohoj që është ngritur dhe strehëza e parë në Tiranë në mbrojtje te grave ndaj dhunës.

Znj. Valentina Leskaj, pasi përshëndeti organizatorët dhe pjesemarrësit, theksoi se ka një mungesë të një debati serioz në lidhje me barazinë gjinore. Ajo u shpreh se kemi bërë hapa përpara pasi është miratuar ligji i Barazisë gjinore, por duhet thënë se prespektiva gjinore ne legjislacion është deficitare. Kur një ligj nuk ka aktet nënligjore mbetet vetëm një nje ligj i bëre e asgjë më tepër. Përsa i përket ligjit te Barazisë gjinore na mbetet si arritje  vetëm ajo e plotësimit te kuotave ne parlament.

Unë kam qënë dhe do vazhdoj të jem një suportuese dhe e angazhuar në problemet gjinore dhe dhunës në familje.

Z. Bamir Topi duke e pershendetur konferencen nder te tjera tha:

Të nderuar zotërinj që keni ardhur këtu të respektoni jo thjesht formalisht një aktivitet të zonjave, por besoj që keni kryer një akt të qenësishëm për të marrë pjesë në evenimente shumë sinjifikative për vazhdimin e linjës së emancipimit dhe asaj që flitet çdo ditë - barazisë gjinore. Unë kam qenë natyrisht pjesëmarrës në shumë takime të kësaj natyre dhe më duket sikur sot kemi një zhvillim të ri lidhur me këtë lloj aktiviteti. Kjo duket që në titull: ‘Strategji për zhvillim gjithëpërfshirës’. Duket sikur këto tema, duke vlerësuar retrospektivën janë konsumuar brenda auditoreve dhe nuk kanë pasur shansin që të avancojnë deri aty ku ne dëshirojmë: në vendimmarrje të rëndësishme. Por nuk mund të themi që gjërat nuk kanë avancuar. Sot Shqipëria është në vitin e 17-të mbas fillimit të tranzicionit dhe me kurajo dhe guxim qytetar duhet të themi që janë bërë shumë gjëra , janë realizuar shumë progrese në të gjitha fushat, por askush nuk mund të thotë që në Shqipëri tranzicioni konsiderohet i mbyllur.

Dimensionet e rëndësishme janë familja, shoqëria, politika. Une, u shpreh ai, nuk jam për kuota barazinë gjinore, kam qënë kundër në kodet elektorale. Dimensionet e emancipimit duhet të jetë, jo vetëm në qëndër të Tiranës, por në gjithë territorin e Shqipërisë. “ Gratë duhet te jenë vizionare me fytyrën e nënë Terezes”. Na keni bërë më të përgjegjshëm  dhe projektet për zhvillim duhen bërë të menduara mirë.

Në sesionin e dytë të kësaj Konference Kombëtare të moderuar nga znj. Eglantina Gjermeni pati pyetje dhe diskutime nga të ftuarit në sallë ku doli në pah se gratë janë më të kujdesshme në familje, janë më pak të kompromentuara dhe më afër problemeve në shoqëri, dhe ky sesion u mbyll me një dokumentar  per dy zonja që kishin fituar pavaresi si pasoje e këmbënguljes së tyre.

Konferenca u mbyll me një punë të bërë nga grupet e ndara, sipas tematikes së shëndetësisë, arsimit, ekonomise, dhe të ndryshmë, ku cdo grup shpalosi mendimet dhe se si e ku problemet e barazisë gjinore dhe dhunës në familje duhen adresuar ne instancat përkatëse dhe te mos jemi indiferent ndaj tyre e te bëjmë të gjithë me aq sa kemi hapesira për të mos mbetur në kuadrin e promovimit por dhe të bëhen konkrete.