Kryetari i Bashkisë z. Gjon Dedaj, priti administratorin e ARCO ESPRESS z. Roberto Zaglia. Hidhen hapat e para të bashkëpunimit mes kompanisë italiane dhe Bashkisë Rrëshen.

 Emigrantët shqiptarë në jo pak raste kanë shërbyer edhe si urë lidhëse mes vëndit pritës ku kanë lidhur jetësen e tyre dhe vëndit të origjinës, Mirditës. I nxitur nga emigrantët shqiptarë të cilëve nuk iu mungon dëshira e madhe për të ndihmuar vendlindjen dhe nga natyra tërheqese dhe resurset e shumta natyrore, Z. Roberto Zagli administrator i Kompanisë ARCO ESPRESS F.lli ZAGLIA, një kompani e cila  është e specializuar në sistemimin e kanalizimeve të ndryshme, i shoqëruar nga emigranti Viktor Topollaj,  bëri një vizitë në qytetin e Rrëshenit dhe në ambientet e Bashkisë.

Z. Zaglia është pritur nga kryetari i Bashkisë z. Dedaj i cili e ka falenderuar mikun italian për vizitën e tij në qytetin e Rrëshenit. Z. Dedaj duke vlerësuar kontributin e emigrantëve si ura bashkimi mes kombeve të ndryshme e ka uruar atë të kalojë një ditë të bukur në qytetin e traditave, njëkohësisht e njohu Z. Roberto me qytetin tonë. Ai shpjegoi se qyteti i Rrëshenit është prej 15 mijë banorësh dhe se ky qytet bashkon zonat rurale me ato urbane. Ky qytet është i ri pasi është formuar nga mesi i shekullit të kaluar edhe pse trojet e tij janë të vjetra dhe dëshira për të ndryshuar dhe për tu zhvilluar është e madhe.

Ai u shpreh se bashkia është qendër e Rrethit të Mirditës që mundet të jetë pse jo më e madhe për shkak të kufinjëve të saj etnokulturorë dhe një ndër qëllimet e saj kryesore është afrimi i saj me simotrat e saj në perëndim. Ne po përpiqemi të bashkojmë kapacitetet humane me ato njerëzorë u shpreh ai. 

Ai shpjegoi se nuk kemi akoma termat e një zhvillimi të qëndrueshëm por kemi dëshirën për të përfituar nga qdo eksperiencë pozitive. Qyteti i Rrëshenit është një ndër qytetet më të pastra në Shqipëri. Duke bashkuar njerëzit, kapitalet ne mund të bëjmë më të mirën pë këtë qytet.

Z. Gjon Dedaj e njohu Z. Zaglia me një projekt mjaft të rëndësishëm dhe i spjegoi se Bashkia ka koordinuar veprimet për të ndërtuar një vend grumbullimi mbeturinash i cili do të mundësojë pastrimin e qytetit.  Ne kemi dëshirë të kalojmë nga një vend grumbullimi në një vend përpunimi sqaroi ai.

Po vazhdojmë tratativa bashkëpunimi, komunikimi dhe marreveshje për të parë se si mund të realizojmë përpunimin e mbetjeve. Kemi një kompani me të cilën bashkëpunojmë për pastrimin e qytetit. Jemi të hapur për bashkëpunime, apo ndihmesë të donatorëvë. Bashkia Rrëshen është e gatshme të operojë në terma marrëveshje, memorandum dhe kontratë konform legjislacioneve të përbashkëta. Ne kemi nevojë të të forcojme ligjin por edhe opinionin publik. Uroj ky qytet të ketë zgjuar sadopak interesin tuaj përfundoi Z. Dedaj.

Z. Roberto Zaglia u shpreh se e vlerësonte qytetin e Rrëshenit për pastertinë e tij, per pozicionin gjeografik dhe resurset shumë të favorshme natyrore. Ai u shpreh optimist për një projekt të ardhshëm në këtë qytet. Ai theksoi se ekologjia  është një nga pikat më të forta dhe më të rëndësishmë të një vendi. Ai kërkoi informacion për numrin e banorëve, të pallateve, planimetri dhe të dhëna të tjera për qytetin Rrëshen. Ai u shpeh pozitivisht për nje ndihmesë të mundshme dhe serioze.  

Gjon Dedaj, duke e falenderuar u shpreh se qyteti i Rrëshenit përvec tradites, vlerave e kulturës, ofron oksigjen, uje të pandotur dhe pastërti. Ai shtoi se banorët e Mirditës e dinë mjaft mirë se dera ku duhet të trokasin është Europa por kerkoi pikërisht ndihmën e miqve për të trokitur në derën e duhur pasi tashmë nuk ka më kohë të presim gjatë.

Më tej, miku italian ka vizituar rrugët dhe sheshet e qytetit të Rrëshenit ku edhe ka ndjekur nga afër vendndodhjen e kazanëve të mbeturianave, si edhe procesin e demolimit të tyre.

A. Gega, Z. M. Jashtë.