GRUAJA PËR PROGRES” ME QENDËR NË

 RËSHEN.

email: prog_gr@yahoo.com

         Shoqata”Gruaja për Progres” u krijua në tetor të vitit 2002 nga jë grup mësuesesh.

Në shtator të vitit 2004 shoqata mori formë institucionale,pasi e liçensuam në organet e drejtësisë.

Shoqata u krijua për t’i ardhur në ndihmë komunitetit të grave në rrethin e Mirditës.Në këtë zonë gruaja përbën 50% të popullsisë dhe ndërkohë është shtresa më shumë e prekur nga problemet e kohës si papunësia,varfëria,problemet sociale,mungesa e lirisë dhe e të drejtave etjer. Nisur nga këto dhe nga fakti që gratë nuk ishin të organizuara për të ndihmuar vetveten vendosëm të formojmë këtë shoqatë.

Objekti dhe qëllimi i shoqatës është:Të ndihmojë gratë në tërësi që ato të ndërgjegjësohen për pozicionin që duhet të zënë dhe aktivizimin e tyre në të gjitha nivelet,gruaja si qytetare,si nënë dhe edukatore,si bashkëshorte,pozicioni social i saj si zgjedhëse dhe si e zgjedhur.

Grupi nismëtar që themeloi shoqatën përbëhej nga 8 mësuese.Tani shoqata ka 23 anëtare të mirëfillta ku përfsihen profesione të ndryshme.Veç anëtareve ka  edhe shumë simpatizante që marrin pjesë në aktivitete.

Për realizimin e qëllimit është punuar me këmbëngulje nga të gjitha anëtaret e bordit megjithëse vështirësitë kanë qenë të shumta si ato financiare ashtu dhe ato të që kanë të bëjnë me mentalitetit  e zonës sonë.

Aktivitetet e fillimit kanë qenë të thjeshta  të mbështetura tërësisht në punën dhe kontributin vullnetar të anëtareve të shoqatës.

Në bashkëpunim dhe me aktorë të tjerë janë realizuar veprimtari si:

 -Ndihmë ekonomike për familjet e varfra.

 -Veprimtari me fëmijët jetimë.

 -Ndihmë për zbutjen e varfërisë në ditën botërore të urisë.

 -Trajnim i grave dhe vajzave për problemet që mbart familja e sotme shqiptare.

 -Seminar trejnues:Gruaja si biznesmene.

 -Seminar trejnues:Pozita e grave në jetën publike,politike dhe në vendimmarje.

 -Kemi krijuar lidhje bashkëpunimi me shoqatën CRINALI me qendër në Milano.

Fillimisht kemi shkëmbyer vizita me karakter njohjeje, pastaj CRINALI ka arritur të fitojë project në komunën e Milanos për ta zbatuar në qytetin e Rrëshenit.

Mbas këtij projekti shoqata ka një qendër për gratë(shtëpi) e cila shërben për të bërë takime të ndryshme të anëtareve në tërësi dhe të bordit.Takime e biseda me grupe të caktuara,aktivitete për tema të ndryshme.

Gratë vijnë dhe në mënyrë të lirë konsultohen me njëra tjetrën,me mjeken,me mësuesen për problemet e fëmijëve,dalin në këtë mënyrë nga shtëpia duke zbutur sadopak stresin qe i rrethon.

Në të ardhmen mendojmë që të kërkojmë burime e mundësi për të realizuar objektivat tona.

Synojmë që ta shtrijmë veprimtarinë më shumë në fshat pasi atje problemet tek gratë janë më evidente.

Mendojmë që të organizojmë aktivitete trejnuese ku të trajtohet:

-Dhuna ndaj grave

-Liritë dhe të drejtat e grave.

-Probleme të vetëpunësimit të grave dhe si mund të ngrenë një biznes me prodhimet e fshatit.

-Roli i gruas në familje dhe sidomos në rritjen dhe edukimin e fëmijëve.

-Roli i gruas në zbutjen e hakmarrjes dhe të gjakmarrjes si një fenomen shqetësues në zonën tonë.

-Për problemet që kanë të bëjnë me shëndetin në tërësi të gruas dhe në veçanti ato të shëndetit riprodhues.

-Për këto probleme mendojmë që ta shtrijmë veprimtarinë edhe me adoleshentet.

-Do të organizojmë veprimtari masive me karakter argëtues si mbrëmje dhe ekskursione për tu krijuar mundësi grave shtëpiake që të integrohen në shoqëri.

 Rrëshen,më 12.12.2006

cel.0692458549

posta elektronike:prog_gr@yahoo.com

SHOQATA”GRUAJA PËR PROGRES”

RRËSHËN

 INFORMACION MBI AKTIVITETET E KRYERA NGA SHOQATA”GRUAJA PËR PROGRES”NË KUADËR TË PROJEKTIT:NJË SHTËPI PËR TË DREJTAT, PËR SHËNDETIN DHE PUNËN E GRAVE NË MIRDITË,SHQIPËRI.

                        (Zbatuar nga shoqata “Gruaja për Progres”)

Projekti në fjalë i fituar në komunën e Milanos nisi të zbatohet në Mirditë në prill të vitit 2006.

Në sajë të projektit shoqatës”Gruaja për Progres”iu krijua mundësia që të ketë një qendër(shtëpi)për gratë.Qendra është mobiluar me mjetet e domosdoshme si:karriga,tavolina,divan,bufe,etazhe,mjet ngrohës,telefon,kompjutër.

Qendra administrohet nga bordi i shoqatës.Prania e saj në qytetin e Rrëshenit ka ndikuar mjaft pozitivisht në rritjen e aktivitetit të shoqatës,në popullaritetin e saj.gratë mblidhen aty për të organizuar aktivitete të ndryshme,për tu konsultuar,për të biseduar me njëra tjetrën dhe për të larguar kështu stresin.

Aktivitete trajnuese janë organizuar në tri sezone:

-Në prill 2006 grupi i grave të CRINALIT i përbërë nga katër përfaqësuese,për një javë rrjesht punoi për trejnimin e grave të shoqatës sonë.Trejnimi u realizua nëpërmjet focus- grupeve.Të tilla u realizuan katër ku morën pjesë nga 15 gra në secilin.Në këto focus-grupe u bashkëbisedua për shumë proleme që shqetësojnë komunitetin tonë si:

-Liria dhe të drejtat e grave, sa dhe si respektohen ato.

-Probleme të papunësisë duke e parë atë si burim të shumë fenomeneve të tjera negative

-.Probleme të mentalitetit të zonës.

-Probleme të dhunës në familje.

-U shkëmbyen dhe u volën mendime rreth mënyrës dhe mundësive të funksionimit të shoqatës,etjer.

-Në gusht 2006 një grup tjetër erdhi nga CRINALI për të trajtuar me gratë mirditore probleme të shëndetit riprodhues.U organizuan 5 seanca trejnuese ku në secilën prej tyre morën pjesë nga 25 gra.Grupet u ndërtuan vetëm me personel të shëndetësisë dhe pastaj me profesione të ndryeshme.Në këto seanca u bënë shpjegime nga ana e mjekes gjinekologe,u bënë pyetje,u shkëmbyen mendime,u bënë të njohura vështirësitë që ekzistojnë në zonën tonë në këtë fushë.

Një seancë e veçantë iu kushtu problemeve të organizimit dhe funksionimit dhe të gjetjes së mundësive për mbijetësën e një shoqate.

-Në tetor 2006 u organizua faza e tretë e trejnimit që përbën edhe përfundimin e këtij projekti.U zhvilluan gjithësej katër seanca ku morën pjesë nga 20 gra në secilën,një prej tyre u zhvillua në fshat.Edhe këtë herë u trajtuan probleme të shëndetit të gruas në formën e leksionit, të bashkëbisedimit dhe u veprua dhe në mënyrë konkrete pasi doktoresha kishte sjëllë me vete një sasi preparatesh për të bërë analizën  paptest.

U organizua edhe një takim masiv festiv në mbyllje të projektit,ku morën pjesë një numër i madh grashë,mundësi kjo që nuk u krijohet shpesh grave të qytetit tonë.

Efektet e projektit:

-U krijua mundësia për të patur një qendër grashë.

-Me anë të aktiviteteve të zhvilluara u promovua më tej shoqata dhe roli i saj,kjo bëri që shumë gra që më parë e shikonin shoqatën me mosbesim dhe pa ndonjë vlerë,të vinin dhe të bëheshin pjesë aktive e veprimtarive.

-U trejnua në fushën e shëndetit riprodhues një numër i madh grashë.Aty u morën njohuri që nuk ishin ditur më parë ,ose diheshin dhe zbatoheshin pak.

-Në gjithë rrethin e Mirditës ka një mjek gjinekolog ndërkohë që numëri i grave shkon në 15000.Kjo e vështirëson mjaft punën dhe krijon mangësi në sensibilizimin e grave në ruajtje të shëndetit të tyre.Prandaj e theksojmë se zbatimi i këtij projekti qe me mjaft vlera se në radhë të parë gratë hoqën një mentalitet të gabuar  dhe kuptuan se për shëndetin e tyre duhet të kujdesen në mënyrë sistematike dhe jo vetëm në lindje.

-Personeli mjekësor mësoi se si duhej të punonte me masën e grave në mënyrë që t’i ndërgjegjësonte ato për përdorimin e mjeteve mbrojtëse dhe medikamenteve që parandalojnë shatzaninë e padëshiruar.

-Gratë mama mësuan se si duhet të punojnë me vajzat adoleshente për problemet e moshës.

-Të gjitha gratë që morën pjesë në aktivitete kuptuan se duke qenë të organizuara do të mund ta ndihmojnë më mirë njëra tjetrën.

-Bordi drejtues i shoqatës mësoi se si të gjejë mënyra vetfinancimi,si të organizojë aktivitete në mënyrë që ta tërheqë masën e grave.

Si të organizohet dhe të ngre zërin për të drejtat e grave në të gjitha instancat shtetërore.

-Pas realizimit të projektit e ndjejmë veten më të sigurtë në realizimin e objektivave tona.

-Në planet tona të afërta kemi parashikuar që të bëjmë takime me gratë në zonat më të thella të rrethit,atje ku jeta e vështirë e grave është më e pranishme se në qytet.

Në këto takime si trejnuese do të shërbejnë mësueset dhe mjeket anëtare të shoqatës,të cilat do të ofrojnë në mënyrë vullnetare punën e tyre.

-Takimi me zonjat e shoqatës CRINALI ka qenë një eksperiencë dhe një shkollë e vërtetë.

                                                                           BORDI I SHOQATËS

                                                             ”GRUAJA PËR PROGRES”

“Gruaja për progres” në progresin e saj.

Flet presidentja e shoqatës “Gruaja për progres”, znj. Marie Dodaj.

-Një nismë me vlerë

      Në tetor të vitit 2002 një grup grash intelektuale të qytetit u mblodhën dhe menduan të formojnë një shoqatë. Deri në atë kohë shumë shoqata ishin formuar,por gratë nuk kishin arritur që të organizoheshin.Themelimi i shoqatës erdhi si një domosdoshmëri

.Komuniteti ynë ka shumë probleme shqetësuese,e në veçanti tek komuniteti i grave këto janë më të dukshme.Papunësia është e pranishme tek 70% e numrit të grave.problemet sociale dhe ekonomike më shumë prekin  ato,pozita e saj në familje dhe në shoqëri nuk është e konsoliduar sa duhet.Roli i gruas për vetemancipimin dhe i shoqërisë për emancipimin e saj janë në rënie.Të gjitha këto fakte ekzistuese qenë një shtysë e fuqishme për këtë grup grashë nismëtare, për formimin e shoqatës.U punua vullnetarisht dhe me shumë përkushtim për hartimin e dokumentacionit të nevojshëm dhe u arrit legalizimi dhe njohja e kësaj organizate nga organet e drejtësisë.

-Veprimtari dhe bashkëpunime.

     Nga koha e themelimit e në vazhdimësi një seri aktivitetesh ka zhvilluar shoqata. Është kuptuar se gratë në komunitetin tonë më shumë nevojë kanë për ndërgjegjësim,prandaj veprimtaritë tona janë fokusuar në këtë drejtim.Kemi organizuar seminare me temë:Gruaja në vendimmarrje,Roli i grave në biznes,Roli i gruas në familje etje.Këto janë realizuar edhe me bashkëpunime me shoqata të tjera grashë në vend.Edhe problemi i varfërisë është patur në qendër të vemendjes.Veprimtari në këtë drejtim janë zhvilluar me forca të brendëshme mbi baza krejt vullnetare ku janë trajtuar fëmijët jetimë me dhurata,familjet shumë të varfëra me ushqime dhe veshëmbathje.Por në konceptin tonë nuk është kjo zgjidhja.Gratë duhet të bëhen një pjesë aktive në familje dhe në shoqëri,të përdorin të gjitha mundësitë për ta arritur këtë,prandaj synojmë edukimin e tyre në këtë drejtim dhe ndihmën për të gjetur rrugë realizimi.Në këtë mënyrë ajo do të mund të zgjidhë edhe shumë probleme të tjera sociale që burojnë prej varfërisë dhe papunësisë.

Bashkëpunimi më i mirë ka qenë me një shoqatë grashë në Milano.Këmbëngulja e patriotes sonë Dava Gjoka ,e cila megjithëse ka vite që jeton në emigrim,për asnjë moment nuk e ka shkëputur vemendjen nga vendlindja e saj,bëri të mundur lidhjen me shoqatën CRINALI.

Në prill 2004 një grup grashë nga kjo shoqatë erdhën në qytetin tonë.U njohën me qëllimin e shoqatës sonë dhe me problemet që ka gruaja në këtë zonë.Vendosmëria dhe dashamirësia e Davës dhe e mikeshave italiane për të bërë diçka për këtë komunitet,bëri që lidhjet të forcoheshin.U mundësua pas një viti(maj 2005) vajtja në Milano e një grupi grash nga shoqata jonë.Atje u organizuan shumë takime pune edhe me shumë shoqata të tjera,ku u prezantua objekti i punës sonë dhe i nevojave që kemi për ta realizuar atë.Këto lidhje janë shumë të rëndësishme për të krijuar njohje reale.Ne nuk kemi vetëm halle dhe probleme,por kemi edhe vlera.Për këtë të huajt krijojnë bindje sa here që takojnë grupe të ndryshme shoqërore.

-Mikeshat italiane përsëri në Rrëshen

      Në muajin prill 2006 disa përfaqësuese të shoqatës CRINALI vizituan përsëri qytetin tonë.Këtë radhë me objektiva më të qarta.Pas shumë përpjekjeve kanë bërë të mundur realizimin e një projekti në ndihmë të shoqatës sonë.Projekti konsiston në hapjen e një qendre për shoqatën në shërbim të realizimt të objektivave të saj.

-Për disa ditë Chiara dhe Anita organizuan me gratë tona aktivitete në formën e fokus- grupit ku u trajtuan probleme,u rrahën mendime,u paraqitën nevoja dhe premtimet e tyre ishin se shumë projekte të tjera do të vijojnë  në shërbim të komunitetit në Mirditë.Është me interest ë thuhet se impenjimi i grave tona në këto takime qe i madh dhe ajo më pozitivja është se për herë të parë pas shumë vitesh u bashkuan gratë e të gjitha ngjyrave për të trajtuar probleme që na përkasin të gjithave.

 -Projekte për të ardhmen.

 -Së shpejti në dispozicion do të kemi një mjedis që do të shërbejë si qendër e shoqatës.Gratë do të kenë mundësi të mblidhen,të diskutojnë probleme,të shkëmbejnë mendime,të marrin pjesë në trejnime të ndryshme,të japin dhe të kërkojnë ndihmë.

-Përsëri me ndihmën e CRINALIT shpresojmë që së shpejti të realizojmë një projekt që ka të bëjë me mbrojtjen e shëndetit të gruas.

Do të organizohen seanca trejnimi me praninë e psikologut.

 -Synojmë të shtojmë anëtarësinë duke krijuar degë edhe në komuna,pasi atje problemet janë edhe më të theksuara dhe rritja e rolit të gruas bëhet një domosdoshmëri më e madhe.

-Jemi në prag të zgjedhjeve për pushtetin lokal.Do të bëjmë të gjitha përpjekjet në instancat përkatëse që të respektohen raportet e përcaktuara  për përfaqësimin e grave në vendimmarrje  në nivele të ndryshme.

-Do të mundësojmë lidhje e bashkëpunime të tjera për të mbajtur gjallë veprimtarinë e shoqatës.