Homazhe për Mësuesin e merituar Pal Kuka.

  U përcoll për në banesën e fundit një nga figurat më të shquara të arsimit në Mirditë, pajtimtari dhe fjalëurti, Pal Kuka. Është një jetë e lidhur që në fëmijëri me librin,me diturimin,një simbol i arsimdashjes në trevën tonë.

Bashkia Rrëshen dhe Zyra arsimore e rrethit organizuan homazhe në hollin e pallatit të kulturës ku nderuan qindra qytetarë,mësues,nxënës,të afërm të tij. Në emër të bashkisë Rrëshen vendosi një kurorë me lule kryetari i bashkisë Gjon Dedaj dhe shefi i departamentit të kulturës Dod Pepkolaj si dhe në emër të mësuesve dhe nxënësve të Mirditës drejtori i zyrës arsimore Gjon Kola.

Më pas u krye rituali kishtar në një meshë kushtuar Mësuesit të Merituar Pal Kuka,për të vazhduar me ceremonialin mortor tek varrezat e qytetit.

Gjon Kola në përshëndetjen për në banesën e fundit të Pal Kukës, u shpreh se “të gjithë mësuesit, nxënësit dhe kolegët e tij do e kujtojmë për punën pasionante në dhenien e njohurive, në metodat aplikative, ndërtimin e kabineteve dhe mjediseve shkollore ku janë organizuar deri veprimtari kombëtare nga Ministria e Arsimit. Ka qenë një shprehje në mes kolegësh se « ku shkel këmba e Pal Kukës, shkolla merr jetë e dritë ». Nuk mund të mbeten jashtë kujtesës kabinetet ilustruese dhe metodike, veprimtaritë e shumta në shkollë dhe bashkëpunimi i shkëlqyer me komunitetet, për bashkëbisedimin e këndshëm me fëmijët e shkollave dhe një drejtues me takt e inspirues për mesuest e kolegët. Pal Kuka u bë kësisoj simbol i urtësisë në komunikim,respektues i bashkëbiseduesit te cdo moshe, njeriu që jepte mesazhe urtie, mencurie dhe respekt reciprok”.

Kryebashkiaku Gjon Dedaj është shprehur se “si njëri nga ish nxënësit që i ka borxh dijet dhe edukimin mesëuesit të Merituart Pal Kuka, nga shpirti ndjej se sot dhe në këtë çast po përcjellim vetëm fizikisht:

Misionarin e arsimit..!

Misionarin e jetës..!

Misionarin e qytetarisë..!

Birin e denjtë të Shebes dhe të gjithë Mirditës..!

Iluministin që nuk u lodh kurrë të na mësonte urtësinë, komunikimin njerëzor….!!!!

Zoti do t’ja lehtësojë këtë dhe, këtij qyetari që deshi të kontribuojë që Mirdita dhe Rrësheni të mbeteshin ndërtesa sociale ku banon mencuria dhe shqiptarizmi,,,,, përmes:

Vështrimt të historisë  si zhvillim..

Kuvendimit  si pasuri…

Shuarjes së   konflikteve si detyrim…

Mirkuptimit dhe dashurisë për njëri tjetrin, si ilacin superior të paqes sociale.

Të gjithë e dimë se mesues Pali ja kushtoi jetën luftës kundër varfërimit kulturor, dhe na ftoi të punojmë sëbashku në një hapësirë publike përtej diktaturave në gëzim të lirisë, dhe ndërtimit të demokracisë.

Këtij njeriu që përcjellim sot ju desh vetëm toka për të ecur, ndaj nuk kërkoi as podiume politike, as pasuri materiale dhe vendosi të na e kushtojë jetën të gjithëve ne që e njohëm.

Kush e ka njohur atë, dhe të gjithë ne që jemi këtu sot, i kemi borxh mësuesit të të gjithëve, Pal Kuka....”

Pak fjalë për Pal Kukën

Pal Kuka u lind ne fshatin Shebe te Mirdites, ne vitin 1936. Pasi mbaroi shkollen 7-vjecare ne fshatin e tij te lindjes, vazhdoi shkollen e mesme ne fushen e mesuesise. Per shume vite punoj si mësues dhe drejtues arsimor ne shume prej fshatrave te Mirdites e ku puna e tij la shenj të vecantë për tërë strukturën arsimore dhe banorët e zonave të ndryshme.. Per pune te devotshme dhe plot fantazi në lemin pedagogjik me nxenesit, si dhe per vlerat e tij ne drejtim, eshte vleresuar me titullin e larte "Mesues i Merituar".

Mësuesi i Merituar Pal Kuka, nuk reshti së punuari edhe kur doli në pension dhe kjo përkoj me ardhjen e demokracisë, ku krahas anëve të mira dhe c’izolimit nga bota, u shfaq dukuria e gjakmarrjes. Ai jep një kontribut të paepur duke u bërë faktori i rëndësishëm në shuarjen e shumë gjaqeve të vjetra e të reja si dhe në parandalimin e sa e sa konflikteve që mund të gjeneronin gjaqe të reja. Mirdita do t’ia dije për nder kontributin e tij si njeriun që i zuri vend fjala edhe në momentet e ndezura të konflikteve gjakndjellëse mes njerezve të saj.

Pal Kuka ishte anetar i Komitetit Drejtues i Levizjes Shqiptare per Mirkuptim dhe Paqe, mediator "Pilot" i Fondacionit per Zgjidhjen e Konflikteve dhe Mosmarrveshjeve, kryetar i Misionit te Paqes per Qarkun e Lezhes, antar Nderi i Fondacionit per Shuarjen e konflikteve e Mosmarrveshjeve me qender ne Amerike, Danimarke, Hollande, Norvegji etj. Jane keto fondacione, te cilat i kane te shtrire deget e tyre edhe ne Shqiperi. Ne nje vleresim te te huajve, Pal Kuka eshte emertuar "Hero i Shqiperise", nen cilesimin si nje misionar i apasionuar dhe vizionar i shquar.

Ndonese pensionist dhe me përkeqësim në shëndetin e tij ai nuk e la këtë punë të vyer me kontribut të pashoq anëkënd Mirditës dhe Shqipërisë aty ku përgjonte një pushkë vëllavrasëse apo një konflikt i mundshëm për të dhënë mesazhe paqeje duke u kthyer në një tribun popullor për t’i zgjidhur mosmarrëveshjet bazuar në kodin më të mirë të mirditorit e shqiptarit  për të fal edhe në momentin më te dhimbshëm.

Mesazhet e tij bazohen tek fjalët e urtë të odave,dhe ai mundi me i përcjellë fshat më fshat e odë më odë dhe në ditët e sotme duke na i lënë si një pasuri të cmuar për të ardhmen tonë, për bashkëjetesën tonë të përbashkët në harmoni e miqësi. “Gjuha na thoshte Pali, ka për bazë urtinë, për majë mencurinë, për flamur ndershmërinë”.

Përgatiti: Gj.Marku