Berisha dhe Erdogan presin shiritin në rrugën Rrëshen-Kalimash.

 Mijëra qytetarë shqiptarë të mbërritur nga të katër anët e vëndit, nga Kosova e Maqedonia kanë tejmbushur luginën sipër qytetit Rrëshen, ku është kalon traseja e autostradës Rrëshen-Kalimash. Vargu i gjatë për mbi katër km i makinave, për më shumë se dy orë ka bllokuar të gjitha trafikun në segmentin e vjetër rrugor në drejtim të Kukësit e Kosovës. Festa për inagurimit të një segmenti të kësaj rruge, që fillon në Rrëshen dhe përfundon në Kalimash ka nisur rreth orës 11 paradite. Grupe të njohura të muzikës shqiptare kanë përformuar me këngë dhe valle në trasenë e rrugës, në pritje të mbërritjes së dy kryeministrave atij shqiptar Sali Berisha, dhe kryeministrit turk Erdogan.  Ndonëse në temperatura jo shumë të larta, shumë qyteraë janë asfiksuar nga pritja këmbëngulëse në trasenë e rrugës, por forcat e sigurisë kanë ndërhyrë menjëherë duke u ardhur në ndihmë këtyre njerzve që megjithëse në kushte jo të mira shëndetësore, kanë sfiduar vështirësitë për të marrë pjesë në këtë ceremoni.

Rreth orës 13.00 mbi autostradë ka fluturuar një helikopter dhe vetëm pak minuta në pas në hyrje të rreth rrotullimit të Rrëshenit janë shfaqur dy kryemistrat Berisha dhe Erdogan. Pasi ata kanë prerë shiritin e inagurimit të këtij segmenti rrugor, janë përshëndetur me punonjësit dhe drejtuesit e Bechtel-Enka që ishin vënë në rrjesht në nderim të dy kryemistrave. I gjithë sheshi ishte i tejmbushur me flamuj të PD-së, flamuj shqiptare, turq dhe të KE-së. Entuziasmi është ndezur menjëherë sapo dyshja Berisha-Erdogan kanë hypur në tribunën e ngritur enkas për këtë inagurim. Më përparë këtu kishin mbërritur pothuajse të gjithë ministrat e kabinetit qeveritar, si edhe kryetarja e kuvëndit të Shqipërisë znj. Jozefina Topalli.

I pari e ka marrë fjalëm kryeministri i Shqipërisë z. Sali Berisha i cili i ësdhtë drejtuar fillimisht kryeministrit Erdogan, e më pas znj. Jozefina Topalli.  Më tej z. Sali Berisha e ka konsideruar ditën e sotme si një ditë  historike, inagurimin e autostradës Durrës- Kukës- Morinë. Ai e quajti autostradën si korridori i miqësisë dhe i bashkëpunimit. “Sot inaguroj korridorin e kombit. Inaguroj autostradën Rrëshen Kalimash e cila, përbën veprën më të madhe pas anëtaresimit të Shqipërisë në NATO dhe pavarësisë së Kosovës për mbarë kombin shqiptar”- tha kryeministri Berisha në fjalën e tij në podiumin e ngritur në hyrje të një mbikalimi të autostradës.

Ai i shprehu mirënjohje të thellë homologut turk, Rexhep Taip Erdogan për pranimin e ftesës e cila është shenjë e solidaritetit dhe miqësisë mes dy vendeve. Tuneli- tha Berisha- do të shndërrohet në faktor të madh të bashkëpunimit dhe integrimit rajonal. “Qytetarë të Kosovës ju sot merrni një shpërblim të madh për luftrat tuaja për liri dhe dinjitet kombëtar. Korridoi i kombit është dëshmia e madhe e madhështisë së lirisë e ndërtuar këtu në terrenin ndofta më të vështirë të planetit nga njëri prej kombeve që prej 15 vitesh renditej ndër më të varfrit në botë.” Kryeministri turk Erdogan nga ana e tij tha se autostrada është një kryevepër, një nismë e madhe insfrastrukturore e ndërtuar nga një firmë turke, Bechtel Enka.“Kjo rrugë është e rëndësishme dhe kryevepër shumë e madhe. “Jemi krenarë që është realizuar një vepër e tillë në një terren të tillë malore në Shqipërinë tonë mike e alate”- tha Erdogan gjatë fjalës së tij përshëndetëse. Kryeministri turk u shpreh i bindur se parteriteti mes dy vende do të vazhdonte dhe do të forcohej më shumë ndërsa ftonte investitorët turq të hapnin biznese ne Shqipëri.

“Ne jemi të gatshëm te bëjmë cdo gjë për dhe të ndihmojmë për mirëqënien dhe stabilitetin e Shqipërisë dhe të Kosovës”.

Më pas mijërat e të pranishmëve janë shpërndarë nëpër drejtime të ndryshme, ndërkohë që dhjetra makina janë nisur në drejtim të tunelit të Kalimashit për të shuar kureshtjen me këtë vepër të rrallë në ballkan.

A. Ndoja