Rrëshen, një kopësht i ri për fëmijët.

Ezaurohen përfundimisht problemet me kërkesat e qytetarëve.

                                                                                          Mund të quhet i ezauruar problemi i kopështit për fëmijë, një problem gangrenë prej disa vitesh për të plotësuar kërkesat e banorëve të këtij qyteti për shkollimin parashkollor të fëmijëve. Ky ka qënë një problem mjaft i prekshëm prej disa vitesh, ndërkohë që në programin elektoral të kryetarit të Bashkisë z. Gjon Dedaj, kjo ishte një ndër çështjet e premtuara. Ashtu si edhe shumë cështje të tjera të premtuara, edhe kjo është zgjidhur përfundimisht brënda vitit të dytë të mandatit. E gjitha ka ardhur pas përshtatjes së mjediseve të katit të parë të ish-degës së mobilizimit ushtarak për mjedise të edukimit dhe argëtimit të fëmijëve parashkollorë. Falë një mirëkuptimi me padër Winsauer, ambjentet që përdoreshin për kategorinë e të sëmurëve me probleme mendore, është bërë e mundur lirimi i tyre dhe dhënia për fëmijët e kopshtit. Ndërkohë që kategorisë e parë i është mundësuar një mjedis tjetër për të cilin ka financuar Caritasi austriak.

Në një kohë fare të shkurtër edukatorët e kopshtit, kanë rregulluar gjithçka duke krijuar mjedise të këndshme për fëmijët. Është lyer tërë sipërfaqja, janë pajisur tre dhoma-klasa me të gjitha mjetet didaktike, tavolina, etj, dhe është plotësuar më së miri ana figurative si në klasa apo koridore e gjetkë. Ka mjedise shërbimi, anekse të tjera, si dhe një mjedis të jashtëm të mrekullueshëm, ku po punohet për sistemimin e një lulishteje dhe vendosjen e një këndi lojërash. Në këto ambjente funksionojnë 3 grupe të fëmijëve; një grup me 20 fëmijë të moshës 3-4 vjec dhe 2 grupe të tjerë me nga 25 fëmijë të moshës 5-6 vjec.

Ditën e akomodimit të 70 fëmijëve në këto mjedise të reja, pa ndonjë protokoll zyrtar, në këto mjedise për të uruar fëmijët dhe edukatorët ka qenë dhe kryebashkiaku Gjon Dedaj, i cili ka falenderuar humanistët austtriak dhe veçmas padër Winsauer për mirëkuptimin e treguar dhe investimin serioz që ka realizuar para disa vitesh këtu, po ashtu mësuesit dhe prindërit që kanë ndihmuar në krijimin kaq të shpejtë të këtyre mjedisvee shumë të bukura. Ai i ka takuar fëmijët në të gjitha grupet duke u premtuar kujdes të vazhdueshëm të bashkisë për krijimin e kushteve për mirërritjen e tyre, ndërsa ka thënë se këto mjedise janë një shembull sesi duhet të ecë e tërë bashkia dhe komuniteti në shfrytëzimin e plot resurseve që i kemi por që duhet t’i vëmë në shfrytëzim e t’i mirëmbajmë.

Më përshtatjen e këtyre mjediseve të reja komode bëhet e mundur zgjidhja e problemit të akomodimit të fëmijëve edhe tek cerdhja e qytetit, pasi atje është liruar një mjedis që kishte zënë kopshti, ndërsa merr frymëmarrje kopshti ekzistues, ku gjenden 250 fëmijë, nga këto 100 fëmijë me drekë. Ndërkohë që kërkesat janë edhe për një grup tjetër me drekë dhe sipas kryebashkiakut, kjo kërkesë e familjarëve do të plotësohet duke bërë azhornimet përkatëse në faturat financiare, duke paraqitur një projekt të detajuar për miratim në këshill.

Me krijimin e këtyre ambjenteve mundësohet realizimi më së miri dhe i programit mësimor të kopshtit ku po punohet me standartet e përmbajtjes dhe të arritjes, përmes metodikës së përvetësimit të koncepteve të fëmijëve nëpërmjet lojës. 2. nentor 08

A.Ndoja