Të dhëna mbi përbërjen e popullsisë në Bashkinë Rrëshen.

        Në katin e parë të godinës së bashkisë në Rrëshen, ndodhet zyra e Gjendjes Civile. Në këtë zyrë ofrohen të gjitha shërbimet ndaj qytetarëve përmes dy punonnjëseve Angjelina Margjini dhe Adelina Nikolli. Përmes kësaj zyre Bashkia e Rrëshenit i shërben qytetarëve në shumë aspekte si, paisje e shtetasve që janë banorë të bashkisë me dokumentin e identifikimit që deri më tani është çertifikata, rregjistrimet në raste lindje, ç’rregjistrimet në raste vdekje, lidhjet dhe zgjidhjet martesore, transferimin edhe pranimin e lejeve të banimit etj. I gjithë volumi i punës kryhet me dorë, ndërsa kohët e fundit të gjitha të dhënat që përmban dokumentacioni, janë hedhur dhe përpunuar në një kompjuter. Kjo e bën më të shpejtë gjetjen e të dhënave të kërkuara për identitetin e çdo personi, por gjithësesi këto të dhënë hidhen me shkrim dore në çertifikakat që janë të prodhimeve me elemetë të lartë sigurie. Një masë e tillë ka bërë që të shpëtojnë nga dëmtimi i shumë regjistrave që përmbajnë informacionin e shumë viteve. Puna më voluminoze që kryen kjo zyrë, duket se është gjatë kohës së zgjedhjeve të ndryshme elektorale, kur edhe bëhet verefikimi i listave për personat me të drejtë vote. Duke qënë se ende nuk është bërë paisje e shtetasve me dokumentin e identifikimit si është “Pasaporta”, kjo zyrë çdo ditë përballon një fluks të madh kërkesash për paisje me çertifikatë. Megjithatë puna duket se është përballuar me sukses aq sa prej kohësh nuk vërehen radha të gjata qytetarësh pranë kësaj zyre. 

 Disa të dhëna statistikore që praqiten nga zyra e Gjëndjes Civile në bashkinë e Rrëshenit.

     Referuar të dhënave ekzakte, nga evidencat perkatëse të dala nga kjo zyrë, bëhet e qartë se bashkia e Rrëshenit përbëhet nga 14 212 banorë. Nga këto 7117 janë meshkuj, ndërsa pjesa tjetër prej 7095 i përkasin seksit femër. Pra siç shihet, nuk ka ndonjë ndryshim të madh mes numrit që përbëjnë meshkujt me ato femra. Ndërsa referuar moshës mesatare, duket se mosha 15-45 ka nummrin më të madh të banorëve. Ato numërohen në 7294 banorë, të ndarë në 3643 meshkuj dhe 3651 femra. Ndërsa nga mosha 0-5 vjeç, numri i banorëve është 1034 persona të ndarë në 536 meshkuj dhe 498 femra. Mosha 6-15 vjeç përbëhet nga 2537 pesona të ndarë në 1270 meshkuj dhe 1267 femra. Mosha 45-65 vjeç ka 2325 banorë të ndarë në 1197 meshkuj dhe 1128 femra. Ndërsa mosha e tretë mbi 65 vjeç është në numër më të reduktuar, në 1022 persona, nga këto 482 meshkuj dhe 540 femra.

Në bashkinë eRrëshenit, në qytet banojnë 7903 persona ndërsa në fshat banojnë 6309 të tillë.   

Gjatë vitit 2006 pati 194 lindje gjithësej, nga këto 113 meshkuj dhe 81 femra.

Gjatë vitit 2006 pati 69 vdekje gjithësej, nga këto 38 meshkuj dhe 31 femra.

Si përshkruhet mekanizmi i kontrollit të lëvizjes se popullsisë?

      Lëvizja e popullsisë përshkruhet në bazë të evidencës e cila bëhet publike ç’do muaj ku pasqyrohen:

a-     popullsia banuese në fillim të muajit.

b-    Të lindurit.

c-     Të vendosur.

d-    Të shpërngulur.

e-  Të vdekur.

Si bëhet rregjistrimi si banor i bashkisë dhe qytetit Rrëshen?

Për të bërë rregjistrim pranë gjëndjes civile nevojiten këto dokumenta:

a-    çertifikatë e gjëndjes familjare e cilësuar “për leje banimi” e marrë brënda 15 ditëve.

b-    Kontratë shitblerje të banesës ose qeraje me afat 12 mujor.

c-     Kërkesë me shkrim nga kryefamiljari.

d-    Mandat arkëtimi tek finaca e bashkisë.

Afati për rregjistrime dhe ç’rregjistrime pranë zyrës së gjëndjes civile:

Rregjistrimi i lindjeve duhet të bëhet brënda 45 ditëve.

Rregjistrimi i vdekjeve duhet të bëhet brënda 10 ditëve.

Lidhja e martesave bëhët brënda 11 ditëve nga data e shpalljes.

Vendosjet dhe shpërnguljet bëhen çdo ditë.

Njoftime të rëndësishme.

      Kur një çifti shqiptar i lind një fëmijë jashtë shtetit, për ta rregjistruar pranë Gjëndjes Civile të Rrëshenit kërkohet ky dokument:

-         çertifikatë lindje të lëshuar nga nga vëndi ku lind shtetasi, e cila duhet të jetë e konfirmuar me një vulë, nga përfaqësia diplomatike e shtetit Shqiptar të atij vëndi.

Për martesat që kryhen mes emigrantëve në një shtet të huaj, dhe që kërkojnë të bëjnë celebrimin pranë gjëndje civile në Rrëshen, kërkohen këto dokumenta:

-         çertifikatë lindje me fotografi e cilësuar për “lidhje martese”

-         çertifikatë lidhje martese e përkthyer në gjashtë gjuhë të botës, e cila ndodhet në zyrat e gjëndjes civile. Ajo mund të tërhiqet nga vetë personat që bëjnë lidhje martese mes tyre, ose nga një familjar i tyre, kur është i paisur me prokurë sipas ligjit.

Procedura dhe dokumentacioni për martesa mes shtetasve shqiptarë me shtetas të huaj ose pa shtetësi.

1.     Për lidhjen e martesës, shtetasi i huaj ose personi  pa shtetësi duhet të paraqesë këto dokumenta respektivisht të shtetit të tij ose të shtetit ku ka banimin e përhershëm.

a.- çertifikatë lindje, të lëshuar jo më parë se një muaj nga data në të cilën  kërkohet lidhja e     martesës.

b.- Vërtetim që provon se nuk ka pengesë ligjore për të lidhur martesë ( sipas modeleve zyrtare të miratuara nga shtetasi përkatës)

2.     Për lidhjen e martesës, shtetasi shqiptar duhet të paraqesë këto dokumenta:

a.      çertifikatë lindje të lëshuara nga zyrat e gjëndjes civile, jo më parë se 15 ditë nga data në të cilën kërkohe të lidhet martesa, me shënimin “për lidhje martese”

b.     Vërtetim për lidhje martese, të lëshuar nga kryetari i njësisë së qeverisjes vendore, për rastet kur lidhja e martesës nuk bëhet në zyrën e gjëndjes civile ku është i rregjistruar shtetasi shqiptar.

c.     Letërnjoftim ( në mungesë, çertifikatë lindje me fotografi.

3. Mbas martesës me shtetas të huaj ose me person pa shtetësi, shtetasit shqiptar i bëhen të gjithë shënimet e nevojshme në rregjistrin themeltar, në të cilin ai vazhdon të qëndrojë i rregjistruar, për sa kohë vazhdon të mbajë shtetësinë shqiptare.

 V.O- Martesa mund të lidhet mes çiftit vetëm kur ato e kanë mbushur moshën 18 vjeç.

 Pergatiti a.ndoja