z. Gjon Pjetri ish kryetar i bashkisë 1996-2000, aktualisht zv/prefekt i Mirditës.

Ardhja juaj në krye të bashkisë së Rrëshenit u shoqërua me disa kriza komëtare që preken edhe Rrëshenin. Cilat ishin ato dhe si u përballuan nga pushteti vendor që ju drejtonit?

Unë e mora drejtimin e bashkisë për një mandat katër vjeçar nga viti 1996 deri në vitin 2000. Fatkeqësisht vëndi ynë gjatë kësaj periudhe kaloi në tre kriza të rënda që nuk kaluan pa prekur edhe Mirditën. Krizat më të rënda ishin:

 -Kriza e shkatërrimit të shtetit e vitit 1997.

-Kriza e vitit 1998 6-mujori i II-të (vrasja e Azem Hajdarit) e problematika që e shoqëroi.

-Kriza e vitit 1999 për pritjen e Kosovarëve.

         Krizën  e shkatërrimit të shtetit te vitit 1997 Bashkia Rrëshen e kaloi dhe e përjetoi më me pak probleme se të gjithë Bashkitë e tjera të Republikës.

         Kjo u arrit falë kulturës,ndërgjegjes së lartë të mirditorëve i menaxhimit që iu bë situatës nga Bashkia, ish Këshilli i Rrethit si dhe Këshilli Bashkiak i asaj kohe. Në atë kohë, këshilli Bashkiak përgjatë 3 muajve mblidhej çdo ditë, për të ndjekur situatën dhe për të bërë të mundur përballimin e  gjendjes me sa më pak dëme. Kontributi për këtë mandat duhet vlerësuar sepse punoi pa u lodhur e pa ndikime politike për të përballuar këtë krizë të pazakontë në historinë e shtetit Shqiptarë. Kjo u arrit nga një bashkëpunim shumë i mirë  e bashkërendim i punës me Këshillin Bashkiak e në partneritet me qytetarët e Bashkisë Rrëshen. U arrit që asnjë nga institucionet publike  të mos dëmtoheshin, siq ndodhi në Bashkitë e tjera të Republikës.

         -Viti 1998 u shoqërua me vazhdimsinë e krizës së vitit 1997 si dhe me trazirat e pas vrasjes së deputetit Azem Hajdari.

         -Viti 1999 përkon me krizën për përballimin e dyndjes masive të bashkëkombasve tanë nga Kosova drejt Shqipërisë. Këtu meriton të përmendet puna mjaft e mirë e administratës së Bashkisë  me përkushtim maksimal për pritjen, akomodimin dhe trajtimin e Kosovarëve që u instaluan në Bashkinë Rrëshen. U pritën gjithësej 4230 Kosovarë në qendrat e inprovizuara të pritjes si në Pallatin e Kulturës, pallatin e Sportit, e u sistemuan për një perjudhë prej 3 muajsh afërsisht mbi 800 frymë.

         Sistemimi i tyre u bë në këto qendra:

         1.Konvikti

         2.Shkolla e Mesme

         3.Pallati i Sportit

         4.Kopështi i fëmijëve

         5.Çerdhja e Fëmijëve

         6.Shkolla 8-vjeçare nr.2

         7.Qendra Kulturore e Fëmijëve

         8.Pallati i Kulturës

         9.Familjet e Qytetit Rrëshen si dhe 3 familje në Fshatin Jezull.

         10.Kisha Katolike ku u sistemuan 44 vetë.

Përballimi i kësaj situate të vështirë qe një eksperiencë e madhe për ne e me shumë vështirësi por edhe me kontributin e komunitetit ia dolëm mbanë me sukses.

         Vlen të theksohet kontributi real i Kishës Katolike në Mirditë në përballimin e kësaj krize. Ne bashkëpunuam dhe bashkërenduam punën me të gjithë këta faktorë për përballimin me suskes të kësaj situate të vështirë e të pazakontë për ne.

Meqë jemi tek kontributi i Kishës Katolike, a mund të na thoni në vija të përgjithshme se ku ka konsistuar kjo ndihmë dhe sa ka qënë ajo?

Për 4 vite ndihma e Kishës ka qenë e gjithanëshme. Në këto vite u investuan më shumë se 4 milion dollarë kryesisht në ngritjen e objekteve kishtare si Katedralja e Rrëshenit( afër 1.4 milion dollar).

Fillimi i projektit të madh të shkollës “Shën Jozefi  Punëtor”, me një vlerë 2.9 milion dollar, rikonstruksion rrugësh, varrezash, shkollash, ndihma për të varfërit dhe të ardhurit nga Kosova.

Në shenjë mirënjohje Këshilli Bashkiak i kohës shpalli qytetar nderi Mons. Anxhelo Masafra, Mons. Christoforo Palmieri. Atë Saslvatore Tussa e Atë Lino Nicolaj.

         Ky bashkëpunim i frytshëm mendoj se duhet të vazhdojë edhe në të ardhmen dhe

të jetë prioritar.

Ndërsa është vlerësuar fakti që gjatë mandatit tuaj ka pasur edhe donatorë të huaj të cilët janë ofruar për ndihmë. A mund të kujtoni disa prej tyre?

Është e vërtetë se drejtim tjetër i punës tonë kanë qenë mardhënjet me donatorët e huaj. U arrit që në Bashkinë Rrëshen  të përfitoheshin financime  e përfitime nga institucione Ndërkombëtare që asistojnë sot pushtetin lokal në Shqipëri si:

         -Shoqata e Bashkive Hollandeze( V.N.G.)

         -U.S.A.D.I (Instituti Urban Amerikan)

         Nga V.N.G ne  aplikuam të parin projekt për taksat vendore si bashki në Shqipëri, dhe përfituam asistencë të nevojshme  në trajnimin e stafit e pajisjen me bazë  materjale. Trajnimet e stafit u zhvilluan  brenda dhe jashtë vendit. U bashkëpunua dhe u vendosën lidhje të ngushta  me Bashkinë e OBDAMIT Hollandë që sollën dhe dhënjen e ndihmës  si  pajisjen me sinjalistikë vertikale rrugore të qytetit, pajisje, kompjutera  e trajnim stafi në Hollandë. U vazhdua me dhënjen  falas  të Automjetit të Pastrimit të Qytetit që funksionon edhe sot.

Sot nuk di arsyjet  se pse kjo lidhje është ndërprerë , pasi ndihma e tyre do të ishte afatgjatë për Rrëshenin. U programua puna  për fillimin e ndërtimit  të planit strategjik të zhvillimit të Bashkisë Rrëshen, program që u përfundua në vitin 2001 me sa kam informacion.

Nëse do flasim për futjen në rrjedhë normale të punës pas krizave të ndryshme, kur u arrit të realizohet kjo?

Puna efektive dhe futja në rrjedhën normale ishte  6-mujorit të II-të të vitit 1999 e vitit 2000, ku Shqipëria kaloi kriza të njëpasnjëshme e si rrjedhim edhe Bashkia Rrëshen  u fut në realizimin e plotë të funksioneve të veta në shërbim të qytetarëve.

         Vitet 1997,1998 nuk ka pasur asnjë investim  nga buxheti i shtetit. Në përgjithësi investimet  kanë filluar në 6-mujorin  e II-të  të vitit 1999 që konçidon  edhe me kohën  e largimit  të Kosovarëve  për në trojet e veta.

Është përfunduar investimi  “Ngritje e sistemimi i dy urave të Kulmes e Jakut” me F.SH.ZH. me   bashkëfinancimin  e Bashkisë në vlerën  e 2.2 milion lekëve  = 10% të vlerës së projektit.Vlera e plotë ishte 22 milion lek.

         U bë rikonstroksioni i plotë i rrugës së Pallateve të Fermës me F.SH.ZH.  me bashkëfinancim të Bashkis së Rrëshenit.

Gjithashtu u kryen edhe këto investime:

         -Rikonstruksion i Çerdhes, Kopështit, shkolla 8-vjeçare nr.1,Shkolla 8-vjeçare nr.2,rikonstruksioni i Konviktit  të Shkollës 8-vjeçare nr.1 nga donatorët e huaj si e komunitetit Europian ,Intersos,Novib Hollandë.

         -Në vitin 2000 u krye edhe asfaltimi i Trortuarëve  nga  Ura e Kulmes  tek Ura e Jakut dhe trotuarët e ½ e rrugës Gjergj Fishta.

         -Filloi financimi i projektit të Rrugës së Sheshajve, investim që u mbyll në vitin 2001, po kështu edhe investimi i filluar  për ndërtimin e sheshit e sheshit “Abat Doçi” Rrëshen e që u finalizua  më vonë. U bë  financimi për ndërtimin e rrjetit të furnizimit  të tubacionit kryesor të qytetit që nga st. i pompave  tek depoja e deri në qendër të qytetit me 18 milion lek të reja, financuar  nga shoqata Kanadeze “CARE INTERNATIONAL”

         -Në vitin 1999 dhe 2000 u shënua rikthimi i jetës sportive në qytet pasi kishte  vite që nuk funksiononte.

         -U ngrit ekipi i volejbollit, futbollit sëbashku me ekipet zingjir.

         -U rikonstruktua  e u bë funksional pallati i sportit .

         -Një ndër sukseset e Bashkisë në ato vite qenë mardhëniet e bashkëpunimit me Dioçezën Rrëshen e në veçanti me Mons.Christoforo Palmieri si dhe bashkërendini i punës  në dobi të përmirësimit  të jetës  së qytetarëve.

         -Misioni i Kishës  ka qenë jo vëtem rigjallërimi i jetës  shpirtërore por edhe puna e madhe për nxitjen e Aktiviteteve Kulturore e arsimore për të siguruar një të ardhme për qytetin Rrëshen.

Duke qënë se ju jeni njohës i mirë i mënyrës së drejtimit të pushtetit vendor, cilat janë disa nga sygjerimet tuaja për mirfunksionimin e këtij pushteti?

         1.Përmirësimi i planit Strategjik  të zhvillimit të Bashkisë Rrëshen  ( Me fokus Rishikimi i shpenzimeve Kapitale e plotësimi i Misionit  të Këtij Plani Zhvillimi).

         2.Përfundimi e Miratimi i Planit Rregullues  të Qytetit Rrëshen.

         3.Puna me prioritete në zhvillimin e Bashkisë. Mendimi im për rioritetet është:

         -Arsimi Parashkollor, 9-vjeçar e i mesëm e nxitja e arsimit profesional.

         -Infrastruktura në qytete e 14 Fshatra të Bashkisë Rrëshen me fokus:

         a.Ndërtimin e rrjetit të  ri të Brendëshëm shpërnadarës  të ujit të pijshëm në Qytet e K.U.Z. pasi janë tejet të amortizuara.

         b.Ndërtimi i rrjeteve shpërndarëse  të ujit të pijshëm në Lagje e Fshatra që përfitojnë nga ujsjellësi i Barrgjanës.

         c.Financimi i rrugës Lidhëse me Autostradën për Qytetin Rrëshen .

         d.Ndërtimi i pritave malore në Përrenjët e Jakajve e Kulmes për të eleminuar përmbytjet e qytetit.

         e.Forcimi i strukturës Administrative e kalimi në strukturë tip të funksionimit të Bashkive Perëndimore (Me Zyrë Zhvillimi,Zyrë Ekoniomike, Zyrë Shërbimesh,Zyrë të ndihmës ekonomike-Sociale, zyra e Tatim-Taksave të Bashkisë si dhe Zyra e Planifikimit të Burimeve Njerëzore.

a. ndoja 

Rrëshen me 23/05/2007