Pashk Biba, kryetar i bashkisë Rrëshen në vitet 1992-1996.

Ju jeni kryetari i parë i bashkisë së Rrëshenit, si e kujtoni marrjen e kësaj detyre në vitin 1992?

E mora këtë detyrë në një kohë kur ende duhej që kryetari i bashkisë të kujdesesh për me bërë furnizimin e dyqaneve me bukë, ku policia duhej të mbante rradhën.  Ende ishte një kohë kur për me u furnizue më kafe në rast vdekje, duhesh me marrë letrën te ne në bashki, kur konfliktet ishim më të hapura më shumë se kurrë me rastin e fillimit të ndarjes së tokës. Ishte koha kur duhej të punonim shumë  për me krijue konceptin e vetëzhvillimit, me fut konceptin e zhvillimit kapitalist pasi ende njerëzit gjithshka e prisnin nga shteti. Presioni ishte i madh pasi të gjithë kishin dalë të pa punë nga reformat e detyruara nga ekonomia e tregut. Natyrisht që edhe neve kishim mungesën e eksperiencës së duhur, pasi nuk mund të trashëgohej apo adaptohej asgjë  nga mënyra e të drejtuarit që pasuam.

Ç’far do të veçoni si sukses gjatë drejtimit tuaj të bashkisë?

Si sukses të asaj kohe kujtoj dhe vlerësoj faktin se të gjithë anëtarët e këshillit bashkiak, ishin pa përjashtim me arsim të lartë.  Bashkëpunimi ka qënë shumë i mirë, pavarësisht krahëve politikë që përfaqësonin. Tani, për fat të keq mësohet se jo vetëm në bashkinë e Rrëshenit por pothuajse në të gjitha njësitë e qeverisjes vendore, përfaqësuesit e popullit nuk janë në nivelin e kërkuar. Gjthashtu kam merak të them se në atë kohë krijuam konceptin se rruga që nisëm ishte pa kthim, dhe se kapitalizmi ishte rruga e vetme e zhvillimit. Iniciativa private bindi shumë kënd që të heqë dorë nga shpresa për punësim nga shteti. Ne këtë e arritëm ndonëse mundësitë tona ishin të pakata.

Ju e latë këtë detyrë në vitn 1996, ndërsa u pasuat me të tjerë. Cili është mendimi juaj për secilin kryetar që ka drejtuar bashkinë e Rrëshenit?

Natyrisht unë kam respekt për të gjithë këta pasi në pjesën dërmuese është bërë zgjedhja më e mirë e mundshme. Por parë sipas etapave, nëse ne patëm vështirësitë e instalimit për herë të parë të këtij institucioni, Gjon Pjetri sipas mendimit tim, gjatë mandatit të tij u detyrua të përballet me ngjarjet e jashtëzakonshme të vitit 1997, që ishin me pasoja shumë të rënda për popullin shqiptar. Mendoj se në këto kushte bashkia është administruar mirë nga ai.

Ndërsa për Marie Bibën mund të them se ajo ka qënë e privilegjuara e forcës së vet politike për sa i përket mbulimit me fonde. Gjykoj që nuk ka qënë normale ardhja e saj në krye të bashkisë, por ardhja e Maries tregoi se unë dhe pasardhësi im Gjon Pjetri, nuk i kemi kryer mirë detyrat.

Për sa i takon Preng Tomës, mendoj që ka punuar mirë në disa drejtime sidomos me pastrimin dhe gjelbërimin e qytetit. Mund të ketë pas edhe ndonjë gabim të vogël.

Duke qënë se jeni rritur në Rrëshen, e njihni mirë problematikën e këtij qyteti, çfar do ti sygjeroni kryetarit që sapo ka marrë detyrën z. Gjon Dedaj?

Në radhë të parë duhet të theksoj se unë e kam mirëpritur në mënyrë të jashtzakonshme ardhjen e kandidaturës së tij. Përpara se ti drejtohem kryetarit aktual të bashkisë z. Gjon Dedaj, dua t’u them bashkëqyetarëve të mij, se është një prvilegj dhe vlerë e atyre që kanë arritur të zgjedhin një intelektual të atyre përmasave për ta drejtuar bashkinë përgjatë katër viteve të ardhshme. Unë do t’i sygjeroja madje do t’i kërkoja miqësisht, që në mënyrë të menjëhershme të fillojë nga zbatimi me shpejtësi maksimale të programit elektoral të paraqitur nga ai, dhe të votbesuar nga qytetarët. Ndërkohë u kërkoj të gjitha forcave politike dhe në veçanti PD-së, që ta mbështesin pa rezerva kryetarin e ri me qëllim që ai të zbatojë programin e vet në mënyrë të plotë në të mirë të të gjithë qytetarëve pa dallim bindjesh politike. 

A. N