Bashkia ivestimet drejt periferisë. Dy ndërhyrje nga të cilat periferia do ti bashkëngjitet qytetit.

 Bashkia Rrëshen prej disa kohësh vëmendjen e saj e ka drejtuar rreth perifesisë së qytetit, ku prej shumë vitesh nuk është vënë dorë. Ivestimi i fundit është fokusuar në lagjen Reç, në vëndin e qujatur “ish - pallatet e fermës”. Edhe pse kjo zonë është brënda vijave kufizuese të qytetit, pallatet kanë qënë në mes të baltës, kopshteve dhe ferrave, dhe pa ndonjë lidhje me rrugë mes njëri tjetrit. Prej disa ditësh ambienti përreth këtyre pallateve  është në rikonstruksion të plotë. Punëtorët e firmës “Krepi-shpk” janë hedhur në aksion për heqjen e mbetjeve inerte, që prej ndërtimit të këtyre pallateve. Më pas i gjithë ambienti do të shtrohet me rrugë, trotuare dhe lulishte. Drejtuesi ligjor i kësaj firme z. Pashk Krepi, thotë se ivestimi është mjaft i rëndësishëm për banorët e kësaj lagjeje të lënë në harrersë prej 18 vitesh. Në këtë kuadër po punohet me intensitet të plotë që brënda 60 ditësh kjo zonë të marrë një pamje të denjë për një qytet. Sipas drejtuesit të firmës ndërtuese, Bashkia Rrëshen ka planifikuar një fond prej 13. 2 milion lekës të reja të cilat do të ivestohen në dy faza. Faza e parë ka një fond të limituar dhe do të realizohet brënda 60 ditëve, ndërsa faza e dytë do të nisë vitin e ardhëm.

Fillimisht është hapur një rrugë e cila do të bëjë kalimin e mjeteve të vogla në oborrin e pallateve. Me mbështetjen e Policisë Bashkiake është bërë lirimi i ambienteve ku po ndërtohet rruga, duke mos shënuar asnjë problem me ata që këto ambiente edhe pse në qytet i kishin kthyer në kopshte private. Më pas është bërë betonimi i pjesëve anësore të rrugës, e cila do të mbajë pjesën e trasesë, e cila deri në këto momente është mbushur me pjesën e çakullit. Ndërsa në oborrin para pallateve punimet janë në fazën kryesore, atë të ndërtimit të rrjeteti të kanalizimeve, dhe atyre elektrike. Është pastruar ambienti rreth pallateve nga kopshtet, kotecët dhe ferrat, dhe po punohet në sheshimin e mabientit ku edhe do të hidhen shtresat e para të betonit. Pas përfundimit të plotë të investimit në fjalë edhe kjo zonë do të bëhet e denjë për të jetuar në kushte komode dhe me ambient që përcjell qytetërim.

Ndërsa një ndërhyrje tjetër e bashkisë është në një cep tjetër të qytetit, në anën e pasme të pallateve që kufizohen me ish furrën e bukës. Me një ivestim të vogël është bërë e mundur që oborri i pasëm i këtyre pallateve të sistemohet, si dhe të frenohen shkarjet e dheut. Është bërë një ndërhyrje me një mur betoni e cila konfiguron një rrugë e cila në të ardhmen me vazhdimin e saj, do të bëhet i mundur kalimi i makinave përmes një unaze e cila do të krijojë një frymarrje të domosdoshme për qytetin.

A. Ndoja