Bashkia Rrëshen në aksion për reabilitimin e disa rrugëve dhe shesheve në qytet.

Rrëshen. Prej tre ditësh ka filluar puna intensive për zbatimin e disa prej ivestimve të rëndësishme në qytet, me autoritet kontraktor Bashkia Rrëshen. Pas përfundimit të proceduarve përkatëse ligjore, Kontraktuesi: “IDIPENDENT”sh.p.k.NIPT K-09112002-P,Q Rrëshen, ka filluar nga puna për ndërtimin e një rruge plotësisht të re, e identifikuar si Rruga Shtëpia e Oficerëve-Unazë. Ivestimi do të nisë pranë shtëpisë së oficerëve me lidhje në bulevardin e qytetit, ndërsa vijimi i saj do të jetë pingul me shtratin e lumit Zme. Pas kësaj rruga do të marrë një kthesë me drejtim cepin e urës kryesore që lidhet me tregun e qytetit. Rruga do të kalojë mes shtratit të lumit dhe murit rrethues të Katedrales së Rrëshenit.  Vlera totale e kontratës është në shumën  3. 300 170 lek (pa TVSH), dhe 3 960 204 lek(me TVSH). Pas përfundimit të këtij objekti, qyteti do të marrë një frymëmarrje të re për sa i përket qarkullimit të mjeteve dhe njerzve, ndërkohë që do të krijohet një komunikim i ndërsjelltë mes tregut industrial dhe atij ushqimor, i cili deri tani nuk është funksional, megjithëse janë shpenzuar miliona lekë për ndërtimin e tij. Firma INDIPENDENT prej disa ditësh ka filluar punime intensive për përfundimin e saj, brënda kushteve të kontratës. Fillimisht është hapur traseja në pjesën e parë të segmentit rrugor, ndërkohë po punohet në hedhjen e shtresave të para të çakullit dhe të inerteve të tjera.

Një ivestim tjetër i bashkisë Rrëshen, mjaft i rëndësishëm për qytetarët vijon tek pallatet e reja, në ekstremin më të lartë të qytetit, pranë lagjes “Reç”. Prej kohësh aty ka qënë krijuar një situatë aspak komode për qytetarët, banorë të këtyre pallateve. Pemët apo dhe ferrat kanë ndërprerë komunikimin mes pallateve të kësaj lagjeje. Por kjo situatë do të zgjasë vetëm disa ditë, pasi bashkia me fondet e saj dhe me forca të përqëndruara, ka nisur aksionin për ndryshimin rrënjësor të situatës. Disa mjete të rënda kanë filluar që të prishin ndërtimet pa leje, ndërsa policia bashkiake ka marrë të gjitha masat për mbarvajtjen e punës. Pikërisht në këtë vënd, vetëm pas një muaji, të gjitha pallatet do të rrethohen nga rrugët e asfaltuara dhe të ndriçuara, ndërsa sheshi para pallteve do të shëndrrohet në lulishte dhe ambiente çlodhëse. Sipas përgjegjësit të gjerbërimit pranë bashkisë Rrëshen, z. Gjovalin Jaku, të gjitha ambientet pranë këtyre pallateve pas pak kohësh do të prezantojnë një situatë të qytetëruar dhe mjaft  komode, për një jetesë sa më normale.

Po ashtu edhe në rrugën që shkon për tek stadiumi i futbollit të Rrëshenit, puna ka fillur me ritme të shpejta për reabilitimin e kësaj rruge. Na kjo rrugë do të përfitojnë dhjetra familje të cilat i kanë banesat në Kodër Jakaj. Por ajo çfar është më e rëndësishme, ka të bëjë me faktin se nuk do të përsëriten më ato pamje të rënda kur autoambulanca me të sëmurë ne gjëndje të rëndë, xhironin në baltën e madhe teksa shkonin për të çuar të  sëmurët pranë helikopterit të cilët zakonisht zgjedhin të ulen në fushën e këtij stadiumi.  Z. Ndokë Mrruku, përgjegjës i departamentit të shërbimeve pranë bashkisë së Rrëshenit, thotë se pas përfundimit të këtij ivestimi situata do të jetë krejtësisht normale. Z. Mrruku thotë se po punohet intensivisht për reabilitimin e zonës në të gjithë komponentët përbërës të saj. Në fillim është bërë sistemimi i ujrave të bardha dhe kanaleve të kullimit në raste reshjesh. Më pas po punohet me ritme të shpejta për sistemimin e të gjithë rrugës.

Por edhe sheshi pranë pikës së vjetër të karburantit të vjetër, po i nëshktrohet një rikonstruksioni të plotë. I gjithë sheshi do të shëndrrohet në një ambient me parametra cilësorë ku edhe do të shmangen edhe aksidentet e shumta në këtë zonë.

A. N