Bashkia Rrëshen në “Java Europiane të Demokracisë Vendore”

-Aktivitet i zgjeruar në Hotel Tirana International-

  Bashkia Rrëshen mori pjesë në panairin e organizuar nga shoqata e bashkive të vendit në Hotel Tirana International, me rastin e Javës Europiane të Demokracisë Vendore me një stendë të posacme.

Stenda e bashkisë Rrëshen ka qenë një përmbledhje në dy pamje; anës promocionale të bashkisë,duke u mbështetur në slloganin “Mirdita në mes tre kryeqyteteve”,si dhe anës funksionale të saj, që lidhej me autonominë vendore,aktet,instrumentet, partneritetet, dhe 10 pika intriguese në “filozofia dhjetëshe!”,si dhe katër dokumenta kryesorë të një pushteti vendorë, si Plani Strategjik, Profili i bashkisë, Plani Urban dhe projekti i Turizmit, ndërsa në një vend të dukshëm është stilizuar një ekstrat i “Mirdita Aktuaristike” me autor Gjon Dedaj.  E gjitha kjo e punuar hijshëm në “studion Petani. Përmbajtja dhe stilizimi kanë bërë që shumë vizitorë, ministra, si dhe vetë kryeministri Berisha të qëndronin dhe vizitonin imtësisht këtë minipavion.

Pasi ka kaluar nëpër stendat e disa bashkive të vendit, Berisha është ndalur për disa caste tek ajo e Lacit ku është pritur nga kryebashkiaku Luigj Isufi dhe më pas tek bashkia e Rrëshenit ku është takuar me kryetarin Gjon Dedaj, duke uruar për punën e bërë.

Kryeministri Berisha pas vizitës në stendën e Bashkisë së Lacit është drejtuar menjëherë për tek stenda e Bashkisë Rrëshen. Ai filimisht ka takuar përzemërsisht Kryetarin e Bashkisë z.Gjon Dedaj duke e përgëzuar për paraqitjen pikante në këtë panaier. Më tej z. Berisha ka përshëndetur edhe stafin e Bashkisë Rrëshen i cili mundësoi paraqitjen dinjitoze në këtë takim. Z. Gjon Dedaj duke shfrytëzuar momentin e komunikimit të drejt përdrejtë me z. Berisha ju drejtua atij me fjalët: Filimisht është rradha e falenderimeve për faktin tashmë të njohur se Mirdita doli nga izolimi me rrugën e Kosovës, por edhe me ndonjë kërkesë për rrugën e Burrelit nga qyteti i Rrëshenit. Kwtu Berisha ka ndërhyrë me vendosmëri duke deklaruar: Rrugën e Burrelit do e bëjmë, do e bëjmë sapo të përfundojë projekti. Ndërkohë z. Dedaj ka vijuar duke i kërkuar Kryeministrit që Mirditën ta bëjë pjesë të jetës akademike, duke hapur këtu një filial universitar. Z. Berisha pasi është menduar pak sekonda, me të qeshur deklaroi se: atë do e bëjmë, aty do hapim një fakultet të filozofisë. Më tej z. Berisha pasi është përshëndetur me stafin e Bashkisë Rrëshen ka vijuar për tek stenda e Komunës së Shënkollit.

Më pas ai ka biseduar për disa minuta me kryetarët e njësive vendore të Kallmetit dhe Shënkollit, prefektin e Lezhës Llesh Marku, kryetarin e qarkut Bardh Rica, duke u ndalur gjërësisht rreth projekteve për të cilat ai ka thënë se ndihet i obliguar për zhvillimin e këtij rajoni.

Berisha është ndalur gjatë tek pavioni i Kamzës si dhe pavione të tjera ndërsa ka mbajtur dhe një fjalë me të pranishmit, ndërsa më pas i është dhuruar një tufë me lule me rastin e 65 vjetorit të tij.

Kryeministri pushtetarëve vendorë: sa më shumë projekte!....

  Në takimin e mbajtur me drejtues të shoqatës së bashkive dhe atë të komunave si dhe drejtues të njësive vendore në vend në Hotel Tirana International, ku ishin te pranishem dhe Ministri i Brendshem Lulezim Basha,a i i Arsimit Myqerem Tafaj, zv.ministri i brendshem F. Poni,etj, kryeministri i vendit Sali Berisha, ka dhënë porosi për një zhvillim të vrullshëm të rajoneve të vendit dhe kjo nuk mund të arrihet pa projekte. Kryeministri ka porositur pushtetarët vendorë se motoja e Qeverisë do të jetë për ta “projekte, projekte dhe sa më shumë projekte” për të zhvilluar në mënyrë të qëndrueshme territoret e tyre.

Duke bërë një analizë të gjerë të punës që bëjnë pushtetet vendore si në bashki, komuna, rrethe, apo qarqe, ai ka përgëzuar për organizimin e Javës Europiane të Demokracisë Vendore,organizim i parë i këtij lloji në Shqipëri.

Kryeministri ka përgëzuar për pjesëmarrjen e tyre në këtë eveniment të rëndësishëm ambasadorë dhe përfaqësues dipolomatikë në Shqipëri si dhe donatorë të shumtë ndërkombëatrë që kanë ndikuar fuqishëm në konsolodimin e pushtetit vendor në vendin tonë. Ndërsa duke iu drejtuar pushtetarëve vendorë ai ka thënë se Qeveria ju garanton një partneritet të shëndoshë si kusht jetik për realizimin e ëndërrës europiane, ne duhet të konsiderojmë këtë javë si “javën e demokracisë”,dhe se këto katër vite do të jenë vitet e transformimit më të madh që Shqipëria ka parë në historinë e vet.

Por Berisha është ndalur gjatë në përmirësimin e treguesve të autonomisë vendore, mënyrës së organizimit dhe rritjes së efikasitetit në shërbimet ndaj komuniteteve,dhe se për këtë do sigurojmë partneritet të vazhdueshëm në cdo fushë të veprimit tonë, duke premtuar dhe shumfishim të granteve. Ai ka theksuar se nuk mund të ketë Shqipëri të zhvilluar pa një Shqipëri rurale të zhvilluar.

Në do të krijojmë Fondin e Zhvillimit të Rajoneve, tha kryeministri, duke porositur se pushtetet vendore duhet të dijnë të operojnë me plane, projekte të sakta dhe ne si Qeveri garantojmë se cdo para ne investime do ta kalojë përmes sitës tuaj.

Si asnjëherë tjetër Berisha i ka mëshuar faktit të ndarjes së fondeve me buxhet për investime duke siguruar transparencë,shpërndarje të ndershme dhe të ekulibruar. Ka plot komuna që lihen në harresë nga buxheti, sic më treguan në Zapod të Kukësit,por ne nuk do ta lejmë këtë më tej.

Ndërkohë u ka bërë thirrje kryetarëve të njësive vendore të ultësirave të mirpresin ata banorë që vijnë nga zonat malore,duke sjellë si shembull pozitiv komunën e Shënkollit në Lezhë, komunë e cila nga 8 mijë banorë tashmë ka arritur në 18.000 dhe atje punohet shumë mirë nga ana urbane për integrimin e këtyre banorëve të ardhur nga zonat malore. Ne nuk kemi territor për të braktisur dhe Shqipërinë do e zhvillojmë harmonikisht, theksoj kryeministri.

Ndërkohë ai u ka bërë thirrje autoruiteve vendore për lëvizjet fiskale ta mirëkuptojnë atë, pasi nuk mund të lejohet më tej që e tërë ngarkesa e TVSH-së t’i bjerë mbi supe vetëm bisnesit të madh, ndërkohë që rreth 80 mijë bisnese nuk janë përfshirë në këtë mënyrë taksimi. Ju duhet të llogarisni humbjet që pësoni dhe ne do ua kompensojmë, por kërkoj zero-tolerancë nga ju për sistemin taksor, pasi rezultojnë mijëra bisnese të paregjistruara, gjë që ka sjellë shkeljen e lirisë së treguit.

E ndërkohë porosia e dytë ka të bëjë me taksën e pronës, që duhet të jetë dhe burim kryesor i të ardhurave të njësive vendore.

Duke përfunduar Beisha nuk ka harruar të theksojë se nuk do të ketë asnjë lloj diskriminimi në ndarjen e buxhetit për investime, por duhet të punohet më mirë me projekte.

  Gj. Marku

A. Ndoja