Rrësheni  në fokusin e katër studetëve të Universitetit të Tiranës.

                       Ata kishin zgjedhur këtë qytet për temën me të cilën do të mbrojnë diplomën.    

Bashkia Rrëshen e cila gjithnjë e më shumë vijon të jetë e hapur ndaj botës akademike, përdorimit të internetit, dhe zhvillimeve bashkëkohore. Pikërisht në  këtë kuadër herë pas here është vënë në fokus të faktorëve të ndryshëm  që janë pranë  këtyre zhvillimeve.

  Dy dite me pare kater studente te  Universitetit te Tiranes kane trokitur ne dyert e Bashkise Rreshen ne permbushje te nje misioni te inicuar nga fakulteti i tyre, per te mbrojtur temen e diplomes. Ata janë Dorina Keta, Jonilda Hushi, Nertila Likaj studentë të Masterit  ne Fakultetin e Shkencave Sociale –dega Gjender (Perkatesi gjinore dhe zhvillim), ndërsa  Ermal Idershaj Student ne Fakultetin Ekonomik –dega  Administrim-Biznes. Të katër studentët supervizohen nga  petagogia dr. Eliona Kulluri e cila i ka lënë të lirë studentët në përzgjedhjen e tyre, se cilën zonë të Shqipërisë do  të përzgjidhnin për të hulumtuar në këto fusha.

  Pikëpari studentët u pritën nga kryetari  i Bashkisë z. Gjon Dedaj. Biseda u shkri lirshëm edhe për faktin se vetë kryetari i Dedaj ka titullin “master” në shkenca sociale, por edhe se për shumë se 9 vite ka qënë mësues në shkollat e mesme. Studentët treguan për qëllimin e vizitës së tyre, ndërkohë  shprehën të interesuar për informacione nga më të ndryshmet  për komunitetin.  Pikërisht për këtë z. Dedaj u adresoi faqen zyrtare të bashkisë e cila ka një një informacion  të dejatuar në cdo aspekt që kërkohen. Z.  Dedaj përmendi guidat turistike, profilin e bashkisë të cilat gjenden jo vetëm si botime, por edhe mund të shkarkohen lehtë nga webfaqja.

  Më tej është pasuar me një kafe pune në një nga lokalet qytetit, ku është diskutuar për përshtypjet e para të tyre në Rrëshen. Ata thanë se nuk kishin qënë ndonjëherë në këtë qytet,  por e kishin zgjedhur me dëshirën e tyre këtë vënd.

   Takimi vijoi me një vizitë në muzeun historik  të Mirditës. Aty studentët mësuan për pirustët parardhës  të   mirditasve, për Gëziqin si qendër e shtetit të parë të Arbrit,  për  abatin e përndritur Prend Doci për të cilin vetë Ismail Qemali do të thoshte: “Ne  e  bëmë si e bëmë, Abat Doci do e bënte pa ne e më mirë se ne”. Vizita vijoi në pavione të ndryshme ku studentët u njohën me pjesë të historisë përmes gjetjeve të shumta arkeologjike. Jo pak minuta qëndruan para stendave të piktorit Pjetër Marku, përgjegjës i këtij muzeu.

Më pas katër studentët “shijuan” ambientet madhështore të katedrales. Disa fotografi  si kujtim, pse jo edhe shaka të shumta dhe “pronetim” për ditën e dasmës.

Vizita në pavionin etnografik të ansamblit “Mirdita” 

Grupi i studentëve, një nga ndalesat më impresionuese e ka patur dhe në pavionin etnografik të ansamblit “Mirdita” në pallatin e kulturës MIRDITA,për t’u njohur me historinë e këtij pallati kulture dhe vecmas të ansamblit Mirdita, mbi të gjitha cfarë ka ndodhur në bartjen e folkut dhe trashëgiminë kulturore.

Studentët kanë qenë të interesuar për veshjen etnografike të ansamblit që përfaqësonte veshjet më tipike të zonës,dhe ku përmes tyre bëhet e mundur dhe njohja e mënyrës së jetesës në shekuj të banorëve të kësaj treve me zë dhe tepër tipologjike në gjithë arealin etnografik të trevave të Shqipërisë së Epërme.

Njohja me etnografinë dhe kulturën në përgjithësi të kësaj treve, ka ardhur përmes bisedave me përgjegjësin e pallatit të kulturës Gjergj Marku,duke bërë që në ato momente vetë grupi i studentëve ta përjetonte hershmërinë e trevës jo vetëm nga interesimi përmes pyetjeve dhe përgjigjeve,por dhe duke “kuruar” vetë në njëfarë mënyre tërë veshjet tradicionale të ekspozuara, për të depërtuar në mënyrë origjinale në mënyrën e jetesës të bujtësve të kësaj krahine.

Interes të vecantë kanë përbërë veshjet ilire,dollama, xhamadanët,mënyra e stilizimit të rrobave për caste gëzimesh por dhe hidhërimesh,historitë e virgjërave burrnesha, veshjet për pjesën aristokratike dhe atë masive, veshjet e punës dhe për instrumentet e përdoura nga nga bartësit ndër shekuj.

Ndërkohë që gjithcka është shoqëruar në sfond me muzike tipike të krahinës,në një pavion që tashmë është kthyer në vendin e vizitueshëm dhe tepër kreativ. Foto të shumta me rrobat vendase nga ana e studenteve kanë qenë dhe dhurata më e bukur e marrë nga vizita në këtë krahinë.

Në fund studentët Keta, Hushi, Likaj dhe Idershaj janë shprehur mjaft të surprizuar me vizitën në Rrëshen, duke mos e fshehur faktin se kjo vizitë kishte qënë me mjaft surpriza jo vetëm për sa i përket mikpritjes, por edhe për faktin se brënda një dite janë prekur mjaft aspekte të historisë dhe prejardhjes së lashtë të kësaj treve. Madje disi i verqantë për ta ka qënë fakti se edhe pse në një qytet të vogël ndërtimet e reja 11 katëshe, dhe shumë elementë të tjerë qyetetarie i bëjnë disi sfidë situatës jo shumë të favorshme në disa aspekte.

Në fund studentët u shprehën se  mbresat qe na la gjithcka nga ky qytet jane dhe do te mbeten perjetesisht ne kujtesen tone dhe vazhdimisht do te nxisin tek ne deshiren per tu kthyer serish ne nje vizitë me te gjere, te cilen ne premtojme qe do ta realizojme shume shpejt me deshiren me te mire.

A.   Ndoja