Këshlli Bashkiak miraton me shumicë votash strukturën organike të Bashkisë Rrëshen.

Këshilli i Bashkisë Rrëshen në mbledhjen e sotme ka miratuar me një numër të konsiderueshëm votash të projektit për strukturën organike, praqitur nga kryetari i Bashkisë z. Ndue Gega. Në fillim z. Ded Gjoka kryetari i këtij këshilli ka prezantuar rendin e ditës së mbledhjes, dhe më tej ka kërkuar nga këshilltarët të shprehen ndaj këtij dokumenti të rëndësishëm, i cili ka pësuar ndryshime të konsiderueshme nga ai paraardhës.

Këshilltarja Lindita Cupi ka kërkuar të ketë konsensus mes këshillit dhe kryetarit që ky projekt të merrte ok-ej, pasi ishtin diskutuar gjatë në komisionin përkatës.

Kryetari i Bashkisë z, Ndue Gega tha se ka 5-6 muaj që drejtoj bashkinë ende me departamente që për mendimin tim janë të pa ligjshëm. Në realitet shef departamenti-shefa zyre-specialist, prezantojnë një zinxhir burokratik qe barazohej në fund me asgjë. Më sakte ka drejtorë që në të vërtetë janë të pa punë. Zgjidhja që kam paraqitur nuk ka këndveshtrim politik, bashkia duhet të reduktojë edhe më shumë administratën, por kjo do të shikohet edhe në vazhdim të punës.

Z. Ndue Gega kritikoi faktin se deri tani bashkia nuk ka një zyre juridike ku duhej të filtrohen vendimet që kërkojnë konsulencë të tillë. Edhe në policinë bashkiake ka qënë e pa ligjshme një polic ne dispozicion, po ashtu edhe tre shofera, kur ka vetëm një furgon.

Këshilltari Ndrec Biba ka thënë se nuk ishte dakort me projektin e paraqitur, madje do ta votonte atë kundër, nëse nuk do të kishte konsennsus për këtë rast. Ai ka sjellë asi shëmbull për këtë bashkimin mekanik sipas tij të disa zyrave, duke i specifikuar ato rast pas rasti. Z. Biba tha se kështu nuk ka një drejtim piramidal, dhe me strukturën nuk shoqërohet faturën finaciare.

Këshilltari Zef Simoni tha se jam për votimin dhe miratimin e strukturës sic na është paraqitur, pasi kjo është kosto politike e kryetarit, ndonëse shihet qartë se këtu në këtë projekt nuk ka asgjë politike.

z. Pjetër Pjetri kryetari i këshilltarëve të majtë tha se unë konstatoj përpjekje për ti përfshirë sa më mirë të gjithë sektorët e bashkisë që të jenë sa më funksionalë. Unë jam i pa kënaqur pasi ka shumë pak shkurtime, por mendoj se kryetari i bashkisë është përpjekur që të jetë i kujdesshëm, pasi cdo largim është i vështirë në kushtet kur papunësia është e madhe. Z. Pjetri bëri thirrje që struktura të miratohet nga të gjithë këshilltarët.

Në përgjigje të diskutimeve z. Ndue Gega ka theksuar se është e vërtetë se në ndonjë rast ka bashkime mekanike, por kjo ka qënë e detyrueshme prej faktit se nuk mund të ketë shef zyre me një punonjës. Kjo mënyrë është shumë korrekte, pasi nuk mund të lejojmë department dhe përgjegjës sektori, pa asnjë punonjës.

Në fund projekti është hedhur në votim i cili ka marrë të gjithë votat e këshilltarëve, me përjashtim të një vote që ka qënë kundër dhe e para deklaruar.

Më tej janë kaluar lista e përfituesve të ndihmës ekonomike, zgjedhja e kryetarit të fshatit Tenë, si dhe është shtyrë për plotësim procedurash kërkesa e një bisnezmeni në fushën e ndërtimeve për plotësim procedurash për ndërtimin e një 13 katëshi.

   A.  Ndoja, 18 janar 2012