Këshilli Bashkiak.

 Detyrat dhe funksionet e Këshillit të Bashkisë

Një element kryesor për mirfunksionimin e qeverisjes vendore, është edhe Këshilli Bashkiak. Këshilli i Bashkisë Rrëshen përbëhet nga 17 anëtarë të zgjedhur përmes sistemit proporcional nga 15 subjekte politike. Në këshillin e dalë nga zgjedhjet e 8 majit 2011, fituan edhe dy kandidatë të pavarur z. Ndrec Biba dhe z. Zef Simoni. Këshilli i bashkisë me shumicë votash, miraton strukturën e administratës së bashkisë, buxhetin vjetor të saj, listën e përkrahjes sociale si edhe një sërë vendimesh të rëndësishme që kanë të bëjnë me qeverisjen lokale.

Në mbledhjen e parë pas zgjedhjeve te 18 korrik, u bë konstituimi i ketij keshilli, si edhe u zgjodhën organet drejtuese të tij. Mbledhjen e parë e drejtoi anëtari më i vjetër në moshë, z. Zef Simoni. Pasi u bë verefikimi i mandateve u kalua në

zgjedhjen e drejtuesve per kater vitet e ardhshme. Nga grupimi i djathtë u paraqit kandidatura e z. Ded Gjoka, përfaqësues i PR-së, ndersa nga kualicioni i Aleances per te Ardhmen  u paraqit kandidatura e z. Gjovalin Valca.  Pas votimit te fshehte, z. Ded Gjoka arriti të sigurojë fitoren me nje vote diference, me cilën siguroi edhe postin e kryearit të këshillit të Bashkisë. E njëjta procedurë votimi u bë edhe për zgjedhjen e n/kryetarit të këtij këshilli, ku u zgjodh znj. Madalena Nikolli përfaqësuese e PDIU. Më tej u kalua në zgjedhjen e anëtarëve për Këshillin e Qarkut në Lezhë. Pas votimit rezultoi se dy emart fitues ishin z. Zef Simoni i pavarur, dhe z. Frederik Vorfi, përfaqësues të BLD-së. Ky këshill ka edhe një sekretar i cili kordinon gjithë punën mes aparatit të bashkisë dhe këshillit. Sekretari nuk është anëtar i këshillit por zgjidhet me shumicë votash nga ky këshill. Aktualisht sekretar i Këshillit Bashkiak të Rrëshenit është z. Martin Bushpepa.