Grupet Eukaristike dhe Mariane, në ndihmë të varfërve, për festa e fundvitit.

 Edhe pse në momentet e fillimit të festës së madhe të lindjes së Krishtit, disa fëmijë të ndarë në grupe, kanë nisur një aksion për mbledhjen e ndihmave për ato më në nevojë. Ky është një organizim i Kishës Katolike me orientimin e drejtë përdrejtë të Ipeshkëvit të Dioqezës Imzot Kristoforo Palmieri. Klemetina, kryesuesja e njërit prej këtyre grupeve, thotë se që në orët e parë të ditës kemi nisur aksionin për mbledhjen e ndihmave në të gjitha lokalet dhe instititucionet e ndryshme të qytetit. Është për tu theksuar se kudo jemi mirkuptuar, dhe njerzit me mundësitë që kanë pasur kanë dhënë ndihmat e tyre, pasi neve ju kemi spjeguar se gjthshka do të kalojë në ndihmë të familjeve dhe individëve që në këto momente janë në vështirësi për të jetuar. Ajo përmend kryesisht disa individë me aftësi të kufizuara, dhe të tjerë me vështirësi të madhe ekonomike. Ndërsa Entela, bashkëshoqëruese e saj, thotë se janë dy grupe që kanë dalë në terren, grupi Marian dhe Eukaristik. Entela thotë se grupet tona drejtohen nga motër Virxhinia dhe Adriana, dhe që në mëngjes jemi porositur që të vizitojë të gjitha institucionet dhe bisnezet private, për tu bërë thirrje, për derdhur kontributin e tyre, qoftë edhe modest, në ndihmë të varfërve, që edhe ata të kënë mundësinë për të gëzuar në ditën e madhe të lindjes së Krishtit, por edhe për festën e vitit të ri. Lusila është njëra prej villnetareve të ditës së sotme. Ajo thotë se si unë, sot janë në terren edhe shumë vajza të tjera si Jonida, Brixhilda, Blerina, Armentina, Suzana, Ela, Najada, Megi etj. Ne, thotë ajo, do të vijojmë gjatë gjithë ditës duke vizituar të gjithë ata që kanë mundësi të ndihmojnë sado pak të varfrit. Më pas do të grupohemi dhe të deklarojmë të gjithë kontributin e mbledhur, ku edhe në prani të motrave Virxhinia dhe Adriana do të shkojmë tek më të varfrit e Dioqezës, për ti ndihmiar me sa kemi mundur që të mbledhim. Mendoj se kjo është një ditë e shënuar, dhe të gjithë banorët e Rrëshenit që kanë mundësi, do të ndajnë pak nga buxheti i tyre, për të ndihmuar ata më të varfrit dhe ata që kanë probleme fizike.  Jonida thotë se kemi vizituar të gjitha zyrat e Bashkisë Rrëshen, dhe këtu kemi gjetur mjaft kontribute. Ndërsa ne u kemi uruar atyre festat e fundvitit, duke u dhuruar nga një kartolinë nga Dioqeza dhe Ipeshkëvi ynë imzot Kristofori.

A. Ndoja