Klubi kulturor “Mirdita”, bilanc i sukseshëm për 2009.

Fjala e Kryetarit Gjon DEDAJ

 Tiranë. Prej disa koësh zëri i mirditorëve në metropol ka ardhur duke u forcuar gjithnjë e më shumë. Një ndihmesë të madhe në këtë drejtim po jep Klubi Kulturor “Mirdita” një shoqatë tashë e njohur për aktivitetet e shumta të saj, në përmirësimim të imazhit të mirditasve, përmes aktiviteteve të shumta ku janë promovuar njerëz dhe vlera të komunitetit të mirditasve që jetojnë e punojnë në Tiranë dhe zona të tjera. Një ndihmë të konsiderueshme në këtë drejtim ka dhënë edhe komunitetit i mirditasve me banim në Mirditë, kryesisht intelektualë të njohur, njerëz të pushtetit, artit dhe kulturës.

Kjo u evidentua edhe në një aktivitet përmbyllës të vitit, ku anëtarë, drejtues, miq e ftuar të shoqatës, u mblodhën në një aktivitet në Tiranë. Në këtë aktivitet mori pjesë edhe Kryetari i Bashkisë Rrëshen z. Gjon Dedaj, i cili në përshëndetjen e tij për të pranishmit ka vënë në dukje se sfida e zhvillimit ekonomik kërkon te bashkrendojmë instrumentet e sotem te bizneseve te perbashketa dhe te qendrueshme, pse jo seri sherbimesh   dhe nje tersi zevendesuesish qe do te shmangte zevendesimin e rreziqeve.

Ndërsa Kryetarja e Klubit Kulturor “Mirdita” znj. Lindita Nikolla në një përmbledhje të gjerë të aktivitetit vjetor të kësaj shoqate ka evidentuar të gjithë aktivitetin e saj.

Sipas kryetares Lindita Nikolla, aktiviteti i deritanishën i shoqatës ka ndihmuar në promovimin e vlerave historike dhe kulturore që mbartin mirditorët dhe Mirdita. Në rrugën e formatimit të plotë të shoqatës, në përputhje me statutin e saj, e krijuar në 17/08/2007, kryesia dhe forumet drejtuese janë orientuar drejt aktiviteteve promovuese e njohëse të vlerave identitare të trevës së Mirditës si:

1. Dita e kulturës mirditore e konceptuar si një ditë e hapur kushtuar pikave identitare reference si: Mirdita në histori dhe etnokulturë, vështrim i shkurtër mbi botimet e studiuesve të ndryshëm mbi Mirditën, ekspozitë fotografike e punime artizanale etj, realizuar në qershor 2008.

2. Vlerësimi dhe cilësimi "Njeriu i vitit" të personaliteteve mirditore realizuar në dhjetor 2008, ku takimi festiv i fundvitit u shoqërua me ndarjen e vleresimeve për dhjetë intelektualëve të shquar me kontribute të spikatura nga Mirdita.

3. Takimi përkujtimor për patriotin Prend Doçi realizuar në shkurt të 2009. Aktiviteti u pasqyruar dhe në media

5. Bashkëpunimi me Bashkine Rreshen në aktivitetin e dhenies së titullit " Qytetar Nderi" i prof. Mark Tirta që është dhe kryetar nderi I shoqatës realizuar ne mars 2009.

6. Bashkepunimi në promovimin e botimit të historianit Gjetë Ndoj realizuar në maj 2009.

7. Takimi festiv i fundvitit dhe refleksione të punës realizuar në dhjetor 2009 si dhe propozime per te ardhmen.

Sipas kryetares Nikolla, kryetari i parë i shoqatës Sandër Kovaci, si dhe anëtarët e kryesisë Marte Pjetri, Ndue Tusha, Mark Rica, Bibe Doda, Kastriot Noli, Kastriot Melyshi, Ilir Marleka zgjodhën që shoqata të rritej e forcohej përmes aktiviteteve edhe pse me buxhete modeste.

Asgjë nuk do të ishte e mundur pa ndihmën e disa donatorëve të suksesshëm mirditore. Edhe takimi i sotëm mundësohet sërish nga kontributi i z. Llesh Pulajt dhe kartolinat e urimit nga Rafaela Rica.

Vetë Lindita Nikolla tha se në detyrën e kryetares së shoqatës jam përpjekur të lehtësoj procese menaxhuese e investimi të mrekullueshëm të dhjetra e qindra bashkëpatriotëve të mi, për të ruajtur të pastër dhe të vlerë shumcka që na bashkon. Në këtë cilësi, padyshim mendje e zemër hapur, do të doja t'ju parashtroja disa pika-fokus bashkëpunimi për të ardhmen.

Për të bërë të mundur eficencën mendoj se është e domosdoshme ngritja e bordit të donatorëve që do të mundësojë:

a) krijimin e buxheteve të aktivitetevedhe realizimit të transparencës në menaxhimin e tyre

b) vendosjen e aktiviteteve-prioritare nga projektet e miratuara në  kryesi duke realizuar lidhjen me kete strukturë përmes  anëtarësimit të kryetarit të bordit të donatorëve.     

Në fund  kryetarja Lindita Nikolla  bëri të njohur për të pranishmit kalendarin e aktivieteve për vitin 2010.

                Disa nga pikat më kryesore të kalendarit 2010 janë:

1)    Nxjerrja e gazetë (ose revistës) së shoqatës.

2)    Krijimi i memorjes identitare të vlerave më të spikatura kulturore – historike të zonës  së Mirditës.

 3)   Botimi"Bibliografisë së Mirditës.

 4)   Promovimi i resurseve turistike të Mirditës.

 5)  Mbështetja dhe inicimi i   nismave social – ekonomike në zonën e Mirditës.

Në fund, Lindita Nikolla tha se ky projekt do të pasurohet me kontributin Tuaj, si dhe me plane konkrete aktivitetesh të paraqitura në institucione dhe OJF të interesuara për secilën fushë.

Përgatiti: A. Ndoja