“Eveniment” me hip-hop

-Koncert i të rinjëve të Rrëshenit-

  “Eveniment” është titulluar show i organizuar në sallën e pallatit të Kulturës Rrëshen ku performuan në rrymën hip-hop grupi i ri NSA i qytetit të Rrëshenit.

Një sallë e mbushur me të rinj, dhe jo vetëm, ka përjetuar me entusiazëm përcjelljen e bukur të një kolazhi të zgjeruar këngësh të rrymës hip-hop, të punuar mrekullisht nga djemtë si dhe të masterizuar në studio profesionale në Tiranë. Janë pëlqyer këngët “A jeni gati”, “NSA kush janë?”, “Eveniment” e shumë të tjera, ndërsa të ftuar dhe grupi Street Dogs nga Durrësi, duke sjellë një bashkëpunim të shkëlqyer të grupeve të kësaj rryme muzikore të preferuar nga masa e rinisë. Pjesë e koncertit ishin dhe grupe të tjera si Potencial, 2 B, TT. Dinastia 18 dhe Rrecilba. Në këtë show, prezantuar me finesë nga gazetarja e emisioneve muzikore Lorna Hysa, përshëndetën dhe këngëtaret e reja nga Rubiku dhe Rrësheni Enida Përlala, Ilia Jahja dhe Elsa Mrruku.

Fundi i këtij show ka sjellë një entusiazëm të lartë për të pranishmit në sallë ndërsa djemtë e NSA janë kërkuar të përsëritin disa këngë si “Jena Zheni....” apo “Summer party”, që u duartrokitën dhe kërcyen gjatë nga masa e rinisë

Koncerti u organizua nën kujdesin e drejtorit artistik Gjergj Marku, sipas të cilit ky aktivitet do të shënohet si edicion i rradhës që ka në programacionin e tij ky pallat kulture për rryma të ndryshme muzikore, qoftë dhe ato që duket sikur nuk e joshin dhe aq publikun mirditor, por që në fakt ky aktivitet tregoj se spektaklet e organizuara me profesionalizëm dhe përkushtimi i të rinjëve për të qenë së më afër standarteve të pranueshme moderne, mund të jenë pjese afektive e qytetarisë mirditore.

Koncerti u ndoq me kersheri dhe nga shume emigrante, te cilet tashme pas pushimesh ne vendlindje, po u kthehen shteteve nga ata kane ardhur dhe ku punojne e jetojne.

Flavia Maca