U zhvillua Konferenca Kombëtare me temë: Sfida dhe praktika më të mira në Decentralizim.

Bashkia Rrëshen vlerësohet për ndërtimin e Lanfieldit,bashkëpunimin me donatorët dhe websitin e saj zyrtar.

Fjala e z. Gjon Dedaj

 Më 3 mars 2011 në Hotel Tirana International, u zhvillua Konferenca Kombëtare me temë: “Sfida dhe Praktika të Mira në Decentralizim”, duke ju referuar mësimeve që vijnë nga qarqet Shkodër dhe Lezhë. Një konferencë e tilla u zhvillua me mbeshtetjen e Agjensisë Zviceriane për Zhvillim dhe Bashkëpunim SDC, programin per decentralizimin lokal dlpd, intercorporation dhe Ministrisë së Brendshme të Shqipërisë. Në këtë konferencë kanë pjesë ambasadorja e shtetit të Zvicrës znj. Yvana Enzler, zv/ministri z. Ferdinad Poni, përfaqësues të organizatave që mbështesin procesin e decentralizimit në vëndin tonë si dlpd, intercorporation, SDC, etj. Gjithashtu pjesmarrës kanë qënë drejtues të njësive vendore të qarqeve Lezhe e Shkodër. I pranishëm në këtë konferencë ishte edhe kryetari i bashkisë Rrëshen z. Gjon Dedaj. Konferenca e cila është moderuar nga Zana Vokopola, ka nisur me fjalen e hapjse nga ambasadorja e shtetit te Zvicrës në Shqipëri H. E Yvana Enzler. ajo ka theksuar se Mbështetja Zvicerane për Shqipërinë nisi në 1992 kur u hap Ambasada Zvicerane. Në 1997 u hap në Tiranë Zyra e Bashkëpunimit Zviceran (SCO-A) menjëherë pasi Shqipëria u shpall vend parësor për asistencën teknike dhe financiare Zvicerane. Zvicra po asiston tranzicionin dhe integrimin Europian të Shgipërisë nëpërmjet projekteve dhe programeve dypalëshe dhe shumëpalëshe.Me tej e ka marrë fjalën zv/ministri për pushtetin vendor z. Ferdinad Poni i cili ka bërë të njohur strategjinë e ministrisë për të realizuar sfidën më të rëndësishme atë të decentralizimit të pushtetit vendor, proces i cili ka edhe mbështetjen dhe asistencën e këtyre organizmave të rëndësishëm të specializuar në këtë fushë.

Znj. Voltana Ademi ka bërë prezent tematika në fushën e planifikimit strategjik dhe menaxhimin financiar në pushtetin vendor duke ju referuar termave afat mesëm dhe afatgjatë. Folës të tjerë kanë qënë Arben Kopliku, Djana Bejko nga dlpd, Erind Kraja nga FLAG, Arben Gjuraj kryetari i komunës Dajç, të cilët kanë bërë prezentë punën e tyre në drejtim të decentralizimit dhe sfidave që janë përpara për realizimin e këtij procesi.

Në vijim të konferencës është kaluar në prezantimin tematik në fushën e informimit dhe komunikimit përmes një dokumentari të titulluar “zyra me një ndalesë” dhe mekanizma të tjerë të informimit për një qeverisje efektive dhe të përgjegjshme.

 Gjatë diskutimve të ndryshme në këtë panel të rëndësishëm është vlerësuar kontributi i Bashkisë Rrëshen duke evidentuar si ndër praktikat më të mira, bashkëpunimin e ngushtë me organizmat ndërkombëtare dhe donatorët e huaj, ndërtimin e një landfieldi për trajtimin e mbetjeve urbane, si dhe ndërtimin e një website me cilësi të lartë në fushën e informacionit të përditësuar.

Në këtë konfrerencë e ka marrë fjalë edhe z. Gjon Dedaj i cili ka theksuar: “…Ne vijojme te mbështesim çdo iniciativ nga poshtë,  pasi dhe shoqëria civile dhe pushteti vendor  ecin në varken e interesave te perbashketa, dhe keto praktika të mira (best-practic)  jane nje zhvillim progresiv i nje pjese te Shqiperisë dhe nje kontribut i partnereve spanjollë,  francezë, zvicerianë, austriakë, për të qenë konform  dhe me sfiden europiane sa me afër qytetareve…..” Lexo fjalën e plotë….

Në fund është inaguruar hapja e ekspozitës ku janë afishuar praktikat më të mira të qarqeve Lezhë dhe Shkodër.

    a. ndoja