Konferenca kulturore: “Dosja e dikaturës, tragjedia dhe Lavdia e Klerit katolik”

Libri “Dosja e Diktatures” e dr.Pjetër Pepës, është promovuar në një mënyrë të vecantë në Rrëshen si bashkëpunim i Shoqates së të përndekurve politikë Mirditë, Bashkisë Rrëshen dhe Institutit të Integrimit të ish të përndjekurve politikë. Nën emërtimin si konferencë kulturore me temën “Dosja e Dikaturës“,  Tragjedia dhe Lavdia e Klerit katolik”, kjo veprimtari studimore është ndjekur nga banorë të qytetit, intelektualë, nxënës të shkollave, antarë të shoqatës të të përndjekurve politikë etj. Konferenca është moderuar nga N/Kryetari i Shoqatës Kombetare të ish të përndjekurve Politike anti-komunistë z. Gjergj Marku.

Z. Lekë Shtinja, sekretar i përgjithshëm i shoqatës së Mirditës, tha se për realizimin e kësaj konference është punuar për më shumë se 15 ditë nga një bord i zgjedhur drejtues, i cili përbëhen nga Gjon Nikoll Deda, kryetari i degës së Mirditës, Lekësh Shtinja, Skender Qendro, kryetari i shoqatës kombëtare, Simon Miraka drejtori i Institutit të ish-përndjekurve politike. Sipas z. Shtinja është marrë kontakt me Akademinë e Shkencave ku na janë vënë në dispozicion historianë të mirnjohur si Kolec Topalli e Uran Butka. Ai tha se është zgjedhur pikërisht Mirdita për këtë konferencë për arsye të genocidit të pa shembullt në këtë trevë, por edhe për faktin se dega e Mirditës është mjaft aktive në përpjekje për të integruar sa më shumë këtë shtresë në gjirin e shoqërisë shqiptare. Dega e Mirditës ka qënë mjaft e suksesshme edhe për faktin se në çdo kohë ka bashkëpunuar ngushtë me inteligjencën e Mirditës, pa bërë asnjë dallim me bindjet partiake të tyre.

Konferencën e ka hapur z. Gjon Nikoll Deda, kryetari degës së Mirditës, ndërkohë që pas përshëndetjers së tij ka referuar z. Kolec Topalli,i cili u ndal në vecansitë e krahinës së Mirditës si krahina ku terrori ka qenë i pashembullt ashtu si dhe rezistenca e nacionalistëve të këtyre anëve. Ai ka artikuluar faktin se përse duhen hapur dosjet,që e keqja të mos përsëritet më,si dhe për të lehtësuar dhimbjet e mijëra shqiptarëve të lincuar,burgosur,vrarë e persekutuar në regjimin komunist dhe për të patur një shoqëri te integruar.

Historiani Uran Butka është ndalur më përshkrime dokumentare të asaj që ai e ka quajtur si lufta civile e zhvilluar në Shqipëri përgjatë luftës së dytë botërore,dhe ku Mirdita spikat më së tepërmi në evidentimin e këtij karakteri. Referuar materialeve të shumta ai ka deduktuar konkluzione që vijnë për herë të parë pikërisht mbi atë cfarë ka ngjarë në Mirditë gjatë Luftës së Dytë boterore,ndaj sipas tij persekucioni komunist në këtë krahinë nuk mund të shihet e trajtohet vetëm pas viteve 1944,madje gjeneza duhet kërkuar tek kjo luftë civile që u soll dhe në Mirditë nga Partia Komuniste.

Në kumtesën e tij kryetari i bashkisë Rrëshen Gjon Dedaj,e ka parë në një këndvështrim më specifik atë cfarë ka ndodhur në Mirditë dhe që mund të pasurojë këtë Dosje të madhe,duke u shprehur se: “Duke pare mirë e me kujdes, përtej ndonje  ndjesie të fortë reminishence a fillestare, ne nuk do mundemi pothuajse asnjëherë te ikim nga një kujtesë e detajeve  dhe  një pjesë e jona e di mirë, se gjërat në të vërtetë nuk janë tamam kështu sikurse na i kane servirur  ata qe duan te harrojne shkakun e nje Mirdite te ndaluar per me shume se 60 vite ne kapercyell te shekujve XX –XXI.

Perballe perpjekjeve te panderprera per  te  “spërkatur”  vendin  dhe organizimin tone politiko-social  me një substancë të panjohur neodiktature, pavaresisht vuajtjeve dhe persekutimit te thelle   kur autoritetet zyrtare mohuan të kishin dijeni për ekzistencën e  tmerrit social, persekutimin shumeformesh  dhe me shume trebrezash,  posacerisht sa lidhet me Klerin Katolik, nevojiten bashkekomunikime te tilla per nderuar viktima krejtesisht te pafajshme, pasardhes te te cileve gjenden ne kete salle, ne gjithe Mirditen dhe ne mbare Shqiperine, si kontribues per t’i shkurtuar jeten  diktatures me te ashper komuniste”... Lexo fjalimin e plote te z. Gjon Dedaj.

Konferencën e ka përshëdentur dhe kryetari i shoqatës së të përndjekurve antikomuniste Skënder Qendro dhe drejtori i Institutit të ish të përndjekurve politikë Simon Miraka,që kanë falenderuar degën e shoqatës në Mirditë për të tilla aktivitete studimore,duke kërkuar që kjo dosje e tmerrshem e krimeve të komunizmit të pasurohet dhe të mos rrijë e fshehur në errësirë, për të patur një integrim të natyrshëm dhe real të shoqërisë shqiptare në rrjedhat europiane. 

A.   Ndoja

     Gj. Marku