FTESË

 Drejtuar të gjithë nxënësve të shkollave në Bashkinë Rrëshen dhe nxënësve mirditas në emigracion jashtë vëndit.

Bashkia Rreshen  ne vijim të përpjekjeve të saj për të qenë sa më afër  publikut, në kushtet e përdorimit gjithnjë e me te gjerë e të pandalshëm të  komunikimit elektronik, si dhe pas mjaft mesazheve dashamirese qe ka marre për webin: www.bashkiarreshen.com njofton:

 Se ka shpallur të hapur konkursin për Esenë apo Tregimin më të bukur.

Konkursi do të mbyllet më datë 5 Mars 2010 në ora 00.

Materiali i dërguar duhet te jete i permbledhur, jo me shume se dy faqe kompjuterike, material i cili do të publikohet menjëherë në faqen e Bashkisë.

Materiali do të shoqërohet me foton e autorit-es, dhe me ndonje foto tjetër shprehëse që plotëson shkrimin. Gjithashtu shkrimi duhet te përmbajë identitetin e saktë  të dërguesit, emër, mbiemër,  datëlindja  dhe adresë vënbanimi, klasa dhe shkolla që i përket.

Të gjitha shkrimet duhet të dërgohen në adresën elektronike:

 konkursi@bashkiarreshen.com

Bashkia do të caktojë nje komision përzgjeëdhës për 12 shkrimet më të mira, dhe do të vleresojë veçmas dërguesit mirditas që janë jashtë Shqipërisë.

 Pas përzgjedhjes, të  12 fituesit  nga shkollat e Bashkisë Rrëshen do të përfitojnë një udhëtim falas  në një pikë turistike  apo akademike në një bashki analoge  jashte vendit, të zgjedhur prej tyre.

 Gjatë këtij udhëtimi, të 12 fituesit do të zgjedhin fituesin e vendit të parë, i cili do të ketë në dispozicion një vlerë monetare, që bashkia do të ketë në dispozicion.

 Faqja e Bashkise në vijimesi do te publikoje periodikisht materialet e dërguara, për ti bërë ato pjesë të publikut i cili mund të dërgojë vërejtje dhe sygjerime.

 Një kopje e këtij materiali do tu dërgohet drejtorive të shkollave për të bërë një njoftim sa më të gjerë, ndërkohë që kërkohet që mësuesit e fushës të bëhen bashkëmbështetës të këtij konkurimi dashamirës.

Bashkia Rrëshen.