Bashkia kontroll të plotë në situatën e krijuar nga reshjet e ditëve të fundit.

 Situata e rëndë në veri të vëndit ku një pjesë e Shkodrës dhe Lezhës janë përmbytur nga shirat e shumtë, ka bërë që edhe Bashkia e Rrëshenit të marrë pasa parandaluese e neutralizuese ndaj efekteve negative që mund të përcillen nga një situatë e tillë. Në këtë kuadër, Kryetari i Bashkisë Rrëshen z. Gjon Dedaj me një urdhër të posaçëm ka ngritur komisionin e emergjencave të Bashkisë Rrëshen të kryesuar nga N/Kryetari z. Nok Mrruku.

Menjëherë pas ngritjes së këtij komisioni, ka nisur puna për evedentimin e zonave nga ku priten rreziqe natyrore.

Filimisht një pjesë e komisionit i kryesuar nga z. Nok Mrruku ka inspektuar rezervuarin ujmbledhës të Gëziqit, Tarazhit dhe të fshatit Sheshaj.

Theksohet se Bashkia nuk ka asnjë detyrim ligjor apo përgjegjësi ligjore për cfar ndodh në to, sepse tashmë ujmbledhesit kanë kaluar në administrim të shoqatave të ujit. Por nisur nga rreziskshmeria dhe evidentimi i faktit se nuk ka asnjë kontroll mbi to, madje shoqatat janë inaktive dhe shfaqen vetëm në sezon vaditje, Bashkia duke e konsideruar përgjegjësinë vetëm morale në ndonjë rast evident fatjeqësie, ka ndërmarrë një aksion për verefikimin e tyre.

Nga verefikimet paraprake rezulton se ne rezervuarin e Geziqit  i ndertuar në vitin 1975 janë gjëndje aktuale 300 mijë m3 uje. Ne këtë rezervuar  në të cilin janë bërë ivestime dy vite më parë, funksiononte shumë mirë valvola e sigurisë. Uji kishte arritur në kuotën e lejuar dhe më pas derdhej në tubat e sigurisë duke mos e lejuar nivelin të rritej në afërsi të buzës së digës. Në rezervuarin e Geziqit edhe pse dukej i tejmbushur situate ishte tërësisht normale. Prurjet e shumta neutralizohen nga valvola e sigurisë e cila është në kushte optimale pas një rikonstruksioni të bërë një vit më parë.

Ndërsa në rezervuarin e fshatit Sheshaj situata është më problematike. Ky rezervuar është ndërtuar në vitin 1978 dhe mbledh brenda tij rreth 760 mijë m3 ujë. Nga verefikimet e bëra rezulton se prej disa vitesh ky rezervuar ështrë në mëshirë të fatit. Argjinatura e tij ka nisur të gërryhet në shumë vënde duke krijuar të çarat ë thella në të. edhe pse tubi i shkarkimit ishte në punë niveli i tij ishte në rritje, pasi prurjet janë më të mëdha se shkarkimi. Ky rezervuar mbyllet për të akumuluar ujë në fillim të muajit mars. Edhe pse tubi i shkarkimit ishte i hapur totalisht dhe uji dilte me presion të madh, sërish niveli rritet. Por sipas specialistit z. Gjon Noka nuk do të ketë problem për fatkeqësi edhe pse një dalje e pa kontrolluar e ujit përbën rrezikshmëri të lartë për qytetet Rrëshen dhe Rubik.

 Rezervuari i Tarazhit të Epërm i ndërtuar  në vitin, 72 ka një kapacitet 400 mijë m3 ujë. Nga inspektimi i tij rezulton se nuk ka probleme dhe sasi e ujit në të ishte e pa përfillshme pasi tubat e shkarkimit ishin funksional.

Ndërsa rezervuari më i madh në Mirditë, Malaj 1 ndërtuar në vitin 1973 ka një kapacitet ujmbledhës 2. 3 milionë m3 ujë. Gjithashtu edhe Malaj 2 ndërtuar në vitin 1987 mban 790 mije m3 ujë. Sipas z. Gaspër Topollaj i cili ka inspektuar të dy rezervuaret, nuk ka ndonjë problem që mund të sjellë nevojë për alarm.

Situata e rëndë në disa banesa.

 Në mbledhjen e sotme Shtabi i Emergjencës ka raportuar mbi situatën në të cilën ndodhet Bashkia Rrëshen. Mbledhja e drejtua nga Kryetari i Bashkisë z. Gjon Dedaj. Në fillim z. Dedaj tha se të gjithë duhet të jemi të angazhuar për të përballuar situatën në të cilën gjëndemi, por për të qënë edhe më të vëmendshëm për situta të tjera që mund të pasojnë.

Z. Nok Mrruku bëri me dije se nga të dhënat e deritashme rrezultojnë të dëmtuara 9 banesa, ndërsa tre prej tyre janë të dala jashtë përdorimit. Banesa e Mark Melyshit në Kodër Rrëshen, e Bib Vokrrit në Malaj, dhe e Liza Lleshit në Lurth, janë totalisht të dëmtuara. Shtabi i emergjencës ka bërë verefikimet përkatëse dhe ka mbërritur në konkluzionin se janë të pa banueshme, ndërsa janë marrë masa për evakuimin e tyre dhe sistemimin e përkohshëm në banesa të të afërmëve të tyre.

Problem mjaft i madh është pallati i vjetër 2 katësh në afërsi të Qëndërs Kulturore. Po merren masa që banorët të sistemohen në konvikt apo në banesa me qera, pasi nga momenti në moment ai rrezikohet të shëmbet.

Probleme ka edhe në sisa rrugë si në Kodër Rrëshen, Malaj, Sheshe – Lurth etj. Po merren të gjitha masat që situata të zhbllokohet duke nënkontraktuar firma ndërtuese që posedojnë mjete të rënda. Ndërsa është ndërhyrë në lagjen Qaf-Mollë ku u në pak orë është zhbllokuar rruga e këtij fshati.

A. Ndoja.