Kosova shtet i Pavarur. Festë edhe në Rrëshen.

 Mirdita uron Kosovën!,

 Kosovë, gëzuar Pavarësinë!

Rroftë Kosova e Lirë! E gëzofshi lirinë Vëllezër!

Janë këto disa nga parullat të shkruara në beze të gjata dhjetëra metërshe, të cilat kanë pushtuar pikat dominante të qytetit të Rrëshenit. Madje në orët e mbrëmjes sheshi “Abat Doçi” është mbushur me të rinj e të reja, por edhe me mosha të tjera të cilët janë përfshirë nga atmosfera festive. Ka qënë bashkia e Rrëshenit në bashkëpunim me Qëndrën Kulturore të Mirdits, të cilët ditë më parë kanë marrë të gjitha masat që Mirdita ti bashkohet festës mbarëshqiptare, të ditës së dielë. Gjatë gjithë ditës, qindra qytetarë të Rrëshenit janë mbërthyer pranë televizorëve për të ndjekur live rastin e shumë pritur përgjatë 100 viteve të fundit. Shumë prej tyre janë mbledhur edhe nëpër lokalet e shumta të qytetit, për të shijuar sëbashku aktin e madh të shpalljes së pavarësisë së Kosovës. Po ashtu në rrugët e qytetit dhe në ato nacionale mund të shikoje automjete të shumtë, me flamurin shqiptar që valëvitej të kapur në gabinat e tyre. Ndërsa rreth orës 17 në hyrje të qëndrës Kulturore të Rrëshenit, ka filluar muzika e cila në pak minuta ka pushtuar të gjithë qytetin. Ndërsa fëmijët e shkollës së mesme, nën drejtimin e mësuesit Bardhok Pulaj, janë bërë pjesë e një montazhi muzikor gjatë së cilit janë lexuar përshëndetje emocionuese për popullin e Kosovës, në këto momente historike për ta. I gjithë sheshi është mbushur me të rinj dhe të reja që kërcejnë nën ritmet e muzikës. Pjesë e këtij programi artistik kanë qënë edhe këngëtarët e njohur vëndas, si Gjin Dona, Kol Zefi, Fran Preçi dhe Prena Beleshi. Këngët e kënduara prej tyre kanë pasur në sfondin e tyre, luftën çlirimtare të kosovës dhe trimëritë e tyre përgjatë 100 viteve robëri. Më pas qielli i Rrëshenit është ndriçuar nga qindra fishekzjarre me të cilat qyterët e Rrëshenit kanë përshëndetur lirinë e Kosovës, pavarësinë e saj. Gjithashtu kryetari i Bashkisë z. Gjon Dedaj, me rastin e pavarësisë së Kosovës u ka drejtuar qytetarëve një përshëndjetje.

a.n