Pjestarë të seksionit të historisë të Muzeut të Prishtinës, vizitë në Muzeun Historik të Mirditës.

 Mr. sc. Mehmet Gjoshaj dhe dhe z. Izet Brajshori në kërkim të gjurmëve të kosovarëve që kanë ardhur gjatë viteve 50-60-të.

 Marrveshjet e bashkëpunimit mes institucioneve në shtete të  ndryshme, jo gjithmonë  është e nevojshme të paraprihen nga takime zyrtarëve të krerëve të lartë, apo ceremoniale mediatike, më shumë propagandistike. Falë lëvizjes së lirë bashkëpunimi është i frytshem edhe kur ai është pa shumë bujë, aq më tepër kur shtetet  vijojnë të ndajnë të njëjtin komb. Krejt pa pritur dy ditë më parë në dyert e muzeut historik të Mirditës, kanë trokitur dy prej stafit drejtues të Muzeut Historik të Prishtinës. Ata pasi kanë hyrë në derë, pas një përshëndetje të ngrohtë mes vëllezërish, kanë kërkuar të dinë se kush është drejtuesi i muzeut Pjetër Marku. Të pranishmit në zyrën e punës së muzeut, pasi janë prezantuar me të ardhurit, janë ftuar nga drejtuesi i këtij institucioni z. Pjetër Marku për tu ulur dhe vijuar bashkëbisedimin. Të ardhurit kanë qënë pjestare të seksionit të Historisë pranë Muzeut Historik të Kosovës, Mr. sc. Mehmet Gjoshaj dhe dhe z. Izet Brajshori.

Zotërinjtë Gjoshaj dhe Brajshori, pasi kanë shkëmbyer urimet e ndërsjellta me pritësit në Muze,  janë interesuar për përmbajtjen e muzeut dhe punën që bëhet aty për evidentimin dhe përcjelljen e historisë së hershme dhe asaj të re, tek brezat e tanishëm. Z. Pjetër Marku në cilësin e drejtuesit të muzeut i ka shoqëruar historianët e Kosovës në të gjithë pavionet e këtij muzeu, duke komentuar të gjitha stendat dhe objektet historike dhe arkeologjike të gjetura në Mirditë, në kohë të ndryshme. Ata janë interesuar shumë për rrënjët e shtetit të Arbrit, figurat historike bustet e të cilëve janë dhuruar nga disa studentë të Akademisë së Arteve, periudhën e shpalljes së pavarsisë ku spikat figura e dom Nikoll Kaçorrit, aktivitetin e Padër Gjergj Fishtës, Abat Prend Doçi, e të tjera figura të ndritura të Mirditës. Më tej historianët e Kosovës janë njohur me vendbanimet e hershme të pirustëve, pasardhës të cilëve janë mirditasit e sotëm, si edhe objekte të tjera me kostumografinë etj. Për rreth një orë ata kanë vizituar të gjithë hapësirën e Muzeut Historik, ndonëse ky objekt është në proces rikuperimi dhe ristrukturimi.

Mr. sc. Mehmet Gjoshaj dhe dhe z. Izet Brajshori kanë shprehur kënaqësinë e tyre për këtë eksplorim të Mirditës ndonëse në miniaturë, dhe më tej ata kanë bërë të ditur qëllimin e vizitës në Muzeun e Mirditës.

Mr. sc. Mehmet Gjoshaj tha se ata kryesojnë një mision të rëndësishëm i cili ka për qëllim të gjejë gjurmë të shumë kosovarëve gjatë viteve 50-60 - të cilët duke mos i rezistuar terrorit serb të atyre kohëve, që kanë qënë mjaft intensive i janë drejtuar kufirit me Shqipërinë. Sipas Mr. sc. Mehmet Gjoshaj dhe dhe z. Izet Brajshori, ka disa të dhëna ndonëse disi të vakëta se në atë kohë, në Rubik kanë qënë rreth 100 kosovarë që ishin marrë në punë të detyrueshme në një kamp në këtë qytet. Ata kërkuan ndihmë për të hedhur dritë për këtë rast.

Të paranishmit dhe z. Pjetër Marku thanë se gjatë rregjimit komunist në Mirditë ka pasur kosovarë që edhe janë dënuar si rasti i z. Ymer Llugaliu dhe disa të tjerëve. Z. Pjetër Marku tha se edhe në burgun e Spaçit ka pasur të tillë, por sipas tij, listat e tyre mund të gjënden në arkivat e Ministrisë së Brëndshme, pasi varësia e burgjve dhe kampeve të internimit ka qënë pikërisht në këtë Ministri.

Z. Pjetër Marku i siguroi historianët kosovarë se do të bëntë gjithshka për të vërtetuar rastin e 100 kosovarëve që bëhet fjalë për në Rubik, ndonëse në asnjë rast nuk ishte dëgjuar një ngjarje e tillë. 

Në fund të takimit në muze, është zhvilluar edhe një takim informal me kryetarin e Bashkisë z. Gjon Dedaj. Ata e kanë informuar kryetarin e Bashkisë Rrëshen mbi përpjekjet që bën sektori i historisë dhe i gjithë stafi i muzeut të Prishtinës për të përmirësuar situatën në këtë muze, tash që kometencat kanë kaluar të plota në favor të stafit shqiptar.

Z. Gjon Dedaj i ka falenderuar për vizitën në njërin prej institucioneve vartëse të Bashkisë Rrëshen, duke i siguruar ata se edhe kolegët do të jenë të gatshëm për bashkëpunim të frytshëm mes dy muzeve. Z. Dedaj tha se është shumë efikase një bashkëpunim i tillë të zhvillohet duke bërë lidhje direkte mes institucioneve, me iniciativa të drejtuesve, duke shmangur pritshmëritë e pa nevojshme.

Mr. sc. Mehmet Gjoshaj dhe dhe z. Izet Brajshori kanë falenderuar përzemërsisht për pritjen, dhe i kanë ftuart drejtuesit e kulturës dhe të muzeut për një organizim të ditës mirditase në Prishtinë, aktivitet i cili pritet të zhvillohet brenda muajit qershor të këtij viti.

Mr. sc. Mehmet Gjoshaj dhe dhe z. Izet Brajshori kanë vijuar tourin e tyre për në qytete të tjera të vendit ku mendohet se kanë qëndruar kosovarë të larguar prej vendit të tyre rreth viteve 50-60-të.

A.    A. Ndoja.