Nata e Lindjes së Krishtit, festë në sheshin “Abat Doçi” në Rrëshen. Bashkia dhe bisnezi një natë ndryshe në shesh.

Kanë  qenë krejt ndryshe festimet e natës së Krishtlindjeve në sheshin “Abat Doçi” të qytetit të Rrëshenit. Nën kujdesin e drejtpërdrejtë të Kryetarit të Bashkisë z. Ndue Gega, festimet nuk ju lanë spontanitetit apo rastësisë që në shumë raste kanë prodhur situata të pa këndshme dhe aspak qytetare, sidomos me përdorimin e lëndëve plasëse të cilat bota e qytetëruar i ka abandonuar prej vitesh.

Prej disa ditësh është punuar në këtë aspekt, dhe një pjesë e bisnezit vendas i është përgjigjur Kryetarit të Bashkisë, duke ofruar falas produketet e tyre për realizimin e një kokteji masiv në shesh. Pak orë para se të startonin festimet, disa furgonë të bisenzit vendas kanë dhuruar qindra kanoce me pije jo alkolike, por edhe dhjetra kilogramë fruta të stinës, dhe produkte të tjera. Për disa orë me rradhë punonjësit e kulturës, por edhe të Policisë Bashkiake kanë punuar me orë të zgjatura për realizimin sa më mirë të natës së lindjes së Krishtit, në sheshin Abat Doci.

Rreth orës 22. ³⁰ qindra qytetarë kanë kanë mbushur Katedralen në përcjelljen e Meshës së Shenjtë të drejtuar nga ipeshlëvi i Dioqezës Rrëshen Imzot Kristofori Palmieri. Pas përfundimit të Meshës së Shenjtë rreth orës 00. ⁰⁰ qytetarët i janë drejtuar si gjithnjë sheshit qendror të qytetit. Ata janë suprizuar kur kanë parë se një pjesë e konsiderueshme e sheshit  ka qenë e rrethuar me shirita shumë ngjyrësh, dhe brenda tij një sofër bujare e tejmbushur, ndërsa në të gjithë sheshin kumbonte muzika festive.

Me anë të një mikrofoni qyetarët janë ftuar të afrohen pranë banketit për të uruar njëri tjetrin në festën më të rëndësishme të vitit, duke ju kërkuar atyre që të jenë të kursyer në plasjen e kapsollave shurdhuese dhe aspak etike, për një qytet me njerëz të kulturuar.

Në pak minuta qindra qytetarë i janë drejtuar dhe kanë trokitur gotat me njëri tjetrin dhe me Kryetarin e Bashkisë z. Ndue Gega, duke shkëmbyer urime të përzemërta me rastin e Lindjes së Krishtit. Edhe pse në një të ftohtë mjaft të ashpër me disa gradë nën zero, ambienti është pushtuar nga kengët dhe vallet e të rinjve të cilët kanë sfiduar të ftohtin për më shumë se një orë. Më pas festuesit janë shpërndarë qetësisht dhe pa anjë incident.

          A.Ndoja

       25 dhjetor 2011