Zhvillohet mbledhja e parë e KRRT-së për vitin 2008. Në këtë mbledhje janë miratuar 25 projekt-vendime për ndërtime në qytetin e Rrëshenit.

Është zhvilluar mbledhja e rradhës e KRRT-së për Bashkinë e Rrëshenit. Në këtë mbledhje janë miratuar 25 projekt vendime që kanë ardhur nga zyra e urbanistikës së kësaj bashkie. Në fillim kryetari i kësaj KRRT-je z. Gjon Dedaj, tha se po fillojmë  mbledhjen e KRRT-së, në vijim të atyre që kemi zhvilluar gjatë vitit 2007. Më tej ai tha se po bëhen hapa të vazhdueshëm në vijim të transparences, dhe për këtë c’do mbledhje do të rregjistrohet në disk elektronik, për të shmangur çdo rast konfliktualiteti. Madje një përmbledhje me vendimet përkatëse, do të publikohet edhe ne web-sitin e Bashkisë. Është e pa mundur që t’u plotësohet dëshira të gjithë atyre që kërkojnë të ndërtojnë, sepse  duhet që të mbrohen ato elementë të domosdoshëm përbërës të qytetit. Sot ka përpjekje më dinjitoze për paraqitjen vizive të projekteve që do të sillen për miratim, por në mbledhje të tjera, do të mundësohet që projektet të paraqiten me video projektor. Pas kryetarit të KRRT-së, e ka marrë fjalën Sekretarja e KRRT-së znj. Adelina Nikolli, e cila ka bërë një paraqitje të plotë për të gjitha projektet e reja që paraqiten, por edhe ata që janë të shtyra nga mbeledhjet e kaluara.

Duke i parë sipas rëndësisë, është proceduar me pikën 3 të projektit, për miratimin e studimit tërësor për ndërtimin e një Qëndre Tregtare 2 katëshe, me një kat parkim të nëndheshëm, dhe dy kulla banimi 7 katëshe, tek Ura e Jakajve. Kjo qëndër tregtare është me një sipërfaqe 3370 m2 në pronësi të z. Gjovalin Jaku. Në këtë rast projekti është paraqitur nga arkitetketi Maks Kola, i cili pasi ka shpalosur në mur të gjithë projektin. Kjo është vlerësuar si një risi, pasi të gjithë anëtarët e KRRT kanë pasur mundësinë që të gjykojnë për përmasat e këtij ndërtimi. Z. Kola tha se gjithnjë kam pasur parasysh që të ndërhyhet në zona që nuk janë të urbanizuara, për të përfituar më shumë sipërfaqe të qytetëruara. Projektin e paraqitur, z. Kola e konsideroi si një frymë të re për qytetin. Ai tha se ç’do hyrje për familjarë do të ketë garazhin e vet për makina, ndërkohë që garazhi do të komunikojë me shkallën dhe ashensorin. Duke mos patur ndërtime të tilla në Rrëshen, jam përpjekur që bëj diçka që qyteti të mos bjerë por të ngrihet, që njerëzit të mos ikin por të qënrojnë këtu. Më tej ai ka theksuar se me ndërtimin e këtij objekti, i cili do të kushtojë 1.5 milion Euro, përfitues do të jenë pronari i tokës, arka e bashkisë por mbi të gjitha do të përfitojë qyteti dhe qytetarëve.

Në lidhje me këtë pikë, kryetari i KRRT-së z. Gjon Dedaj tha se falenderoj ivestitorin dhe të gjithë ata që përpiqen për urbanizimin e qytetit tonë. Është e vërtetë që ne jemi përpjekur të nxisim ivestitorë të tjerë, për të mundësuar këto koficiente të zhvillimit infrastrukturor. Unë e mbështes këtë mundësi dhe e falenderoj z. Kola për paraqitjen e këtij projekti. Pas disa ndërhyrjeve sqaruese nga anëtarët e KRRT-së, është kaluar në votim, ku ky vendim është miratuar me të gjitha votat e anëtarëve.

Në vijim të diskutimeve është proceduar me pikën 1 të këtij projekt vendimi. Kështu pasi janë kontrolluar të gjitha proceduarat e ndjekura dhe dokumnetacioni përkatës, është kaluar në votim dhe është konfirmuar vendimi për ndërtimin Lokal plus Banesë për z. Ded Reci në afërsi të përroit të Kulmes. Anëtarët e KRRT kanë vënë si kusht për ivestitorin që të disiplinojë përroin në gjatësinë e ndërtimit të tij. Gjithashtu KRRT-ja ka miratuar kërkesën për ndërtimin e Bar-Bufe tek Ura e Sotirit ne pronësi të z. Gjergj Përgega. Si në të gjitha pikat edhe kjo ka hapur debat të gjatë pasi të gjithë anëtarët kanë qënë të vëmendshëm për të mos lejuar zënien e hapësirave publike apo lulishteve etj.

Më tej është vijuar me miratimin e disa kërkesave të tjera si shtesa pallati apo ngritje ndërtesash të reja. E vetmja pikë që është shtyrë për diskutim ka qënë për lejimin e ndërtimit të një kioske për shitjen e gazetave. Në këtë rast këshilli Bashkiak e ka miratur kërkesën e gazetashtësit dhe ja ka kaluar KRRT-së për miratimin e dhënies së lejës së përkohshme për vedosjen e një pikë shitje. Por pas diskutimeve të gjata u vendos që Zyra e Urbanistikës së Bashkisë të përcaktojë tre vënde të mundshme dhe më pas ti serviren gazetashitësit.

a.ndoja 2. 4. 08