KRRT, prezantohet plan i pergjithshëm rregullues si dhe kompleksin Mirdita Tower.. 

Prej disa muajsh KRRT e Bashkisë Rrëshen ka ndërprerë në mënyrë të plotë dhenien e lejeve të ndërtimit për ndërtime sporadike, shtesa pallatesh, apo ndërtime të tjera të karakterit denigrues për qytetin siq ka ndodhur për shumë vite. Një vendim i tillë do të jetë në fuqi deri kur të marrë formën e plotë ligjore Plani Rregullues i Bashkisë Rrëshen, plan i cili do të jetë një libër i fortë rregullash i cili do të disiplinojë dhe orinetojë zhvillimin e qytetit në parametra perëndimorë të kohës. Por kjo nuk ka penguar KRRT-në që të japë leje ndërtimi për banesa shumëkatëshe në tre ekstremet hyrës të qyetit. Ndërtime të tilla cilësore dhe me një dizanj të larmishëm, i kanë dhënë pamje joshëse qytetit, pikërisht në pikat më errëta të saj. Për qytetarët e vemendshëm dihet se si ka qënë hyrja në qytetin e Rrëshenit nga drejtimi lindor. Pikërisht në vëndin e quajtur ura e jakajve, tashmë janë ngritur dy kulla binjake shumë katëshe, ku janë strehuar dhjetra familje të qytetit të Rrëshenit. Por ajo që është më e rëndësishme  një ndërtim i tillë i ka dhënë një hov të rëndësishem zhvillimit infrastrukturor të zonës, si edhe urbanizimit të saj. Pikërisht në këtë vënd ku ka qënë dominuar nga kioskat dhe ndërtime njëkatëshe aspak funksionale, me ambiente gjithë baltë e pa pastëri, por strukturohet një pamje mjaft komode dhe ambiente qytetare bashkëkore.

Po ashtu në hyrjen tjetër të qytetit, në anën perendimore të tij, pikërisht tek ish stadiumi i vjetër i lojrave me dorë, po hedh shtat një kompleks gjigand ndërtimor ku është parashikuar të gjejnë strehim dhjetra familje të Rrëshenit, por do të ketë edhe dhjetra lokale dhe ambiente të tjera bashkohore, salla të ndryshme dhe zyra. Ndërtimi do të shoqërohet me një infrastrukturë bashkohore në anët e jashtme të tij dhe në ambientet përrreth. Kjo do ti japë një imazh qytetar hyrjes së qytetit, si edhe do të zbukurojë një pjesë të rëndësishme të zonës. Firma ndërtuese po punon me mjaft shpejtësi dhe sipas tyre ndërtimi do të përfundojnë brënda parametrave optimalë kohore dhe me një cilësi të lartë punimesh.

Ndërsa në mbledhjen e një dite më parë është shqyrtuar dhënia e lejesh së ndërtimit për një godinë tjetër 9 katësh e cila pritet të ndërtohet në afërsi të urës që lidh Rrëshenin me tregun e qytetit. Ndërtimi do të vendoset në afërsi të këmbës së ish urës së hershme të telave, pikërisht ku sot ka një sasi të konsiderueshme ferrash dhe ambientesh të pa shfrytëzuara. Sipas Kryetarit të KRRT-së njëherit Kryetar i Bashkisë Rrëshen z. Gjon Dedaj, bashkia Rrëshen është përpjekur të krijojë një klimë të ngrohtë bashkëpunimi me ivestitorë strategjik. Kjo rrit mundësinë për ndërtime cilësore dhe bashkohore, njëherit bëhet edhe urbanizimi i zonave përreth. Me këtë synohet që të ashtuquajturat “pika të errëta” të marrin jetë, duke bërë që qyteti nën  kontrollin e rreptë të Planit Rregullues të marrë fryme me tendencë shtrirje jashtë kufinjve tradicionalë të tij, falë tendencës gjithnjë e në rritje dhe kërkesave për ndërtime.

Pikërisht në këtë frymë KRRT-ja e Rrëshenit, nën drejtimin e kryetarit të saj Gjon Dedaj, u mblodh me dyer të hapura për publikun, ndërsa të pranishëm ishin dhe anëtarë të këshillit si dhe përfaqësues të disa investimeve serioze që priten të fillojnë në territorin e kësaj bashkie. Në këtë sens ka patur një diskutim të hapur dhe ballafaqim ideshë për disa probleme të shtruara që në hyrje të këtij takimi. Kështu në detaje u diskutua pë rplanin rregullues të bashkisë, si dhe u prezantua dhe diskutua rreth projektit të kompleksit “ Mirdita Toëer ”.

Fjalën e hapjes e mbajti z.Gjon Dedaj, i cili ndër të tjera ka shpallur idetë që përcillen në planin rregullues të bashkisë për t’iu përgjigjur në mënyrë sa më efektive administrimit të territorit të kësaj bashkie. Dhe për këtë ai ka falenderuar gjithë aktorët pjesëmarrës në këtë proces shumë të rëndësishëm,që nga studio, publikun që mori pjesë në disa takime dhe me shënimet e tyre në një libër të lënë enkas në hollin e pallatit të kulturës ku dhe është ekspozuar ky plan rregullues.

Ai ka bërë me dije se tashmë bashkia Rrëshen është në momentin e hartimit të një dokumenti të rëndësishëm që do i mbeten për vite kësaj bashkie si projekte udhërrëfyese, ashtu sikundër dokumentet e tjera fondamentalë si plani strategjik, profili, performanca online,disa botime serioze te praktikës administruese në këto tri vite, dhe së fundi dhe plani rregullues cka e vënë Rrëshenin në bashkitë avangardë të vendit.

Zoti Dedaj ka bërë një përshkrim të detajuar mbi risitë që sjell ky plan rregullues duke ritheksuar se asnjë ndërtim nuk do të jepet më jashtë këtij parametri që përcakton ky plan i bashkëbiseduar me publikun dhe tërë aktorët progresivë, ndërsa është ndalur më gjatë rreth disa pikave më thelbësore, duke açenuar edhe një hapje të re të qytetit në disa unaza, me një dyfishim sipërfaqe çka e bën këtë bashki të lidhet drejtpërdrejt në aprovimet nga KRRTSH e Republikës.

Rëndësi po i  jepet dhënies jetë të disa sipërfaqeve të “vdekura”, si dhe administrimin e pasurisë ujore, që është sinonim i mënyrës sesi veprojnë qytete moderne në gjithë botën e zhvilluar. Duke i dhënë fund anarkisë në dhënie leje ndërtimi dhe shtesa të pakuptimta pallatesh, qyteti po merr formë më të plotë si dhe rajone të tëra po kthehen në zona të bujtura urbanisht. Ndërsa ka theksuar nevojën e një studimi të imtësishëm në gjithë magjistralet që e përshkojnë Rrëshenin, që nga autostrada, Ura e Fanit, kalimin e rrugës Rrëshen-Klos etj. Janë gjithë këto oportunitete që ne duhet t’i kemi parasysh në diskutimet që do bëjmë e deri në miratimin e planit rregullues,theksoj z.Dedaj

Më pas ka bërë një prezantim të detajuar të planit rregullues arkitekt Maks Kola, përfaqësues i studio Max XII.

Pas diskutimit me slide të tij, të pranishmit kanë bërë pyetje të shumta. Fran Canga, kërkoj për të ditur në hollësisht se cila do të jetë vija urbane si dhe detaje të tjera,ndërsa ing. Pjetër Pjetri, debatoj për detyrën e projektimit si dhe për detaje të tjera. Antarët e KRRT-së e mbështetën projektin, po ashtu dhe antarët e këshillit dhe të ftuar,ndërsa është kërkuar të vazhdohet me diskutime ende më të thelluara për disa pika të tij, sidomos me kasta profesionistësh deri sa të arrihet tek miratimi i tij në këshill.

Më tej është shqyrtuar projekti për ndërtimin e kompleksit turistik “Mirdita Toëer”. Pikërisht për këtë ka relatuar gjatë Msc. Arkitekt Besar Zifla. Projekti është punuar nga studio PAS + P me qëndër në Tiranë, studio e cila është nënkotraktuar nga një studio italiane. Hap pas hapi Msc. Arkitekt Besar Zifla ka përcjellë me anë të një videoprojektori “Studimi Urbanistik Pjesor Kompleks Mirdita Tower” në hyrje të autostradës Rrëshen – Kalimash.

Të nderuar vizitorë të këtij webi që doni të njiheni me këtë ndërtim gjigand në Rrëshen ju ftoj të lexoni të gjithë të dhënat përkatëse përmes fotove të mëposhtme.

Në fund disa prej diskutantëve kanë vlerësuar punimin, duke bërë disa vërjetje për pjesën e sipërme të kullës pasi ka shënja të orientit. Të pranishmit kanë theksuar se nuk ka pse të vendosen kryqe, por duhet të duket më qartë profili i kullës mirditore. Kjo është pranuar si e drejtë nga përfaqësuesit e studios, ndërkohë që sipas tyre edhe studioja italiane e ka bërë një vërejteje të tillë. Sipas përfaqësuesve të studios kjo do të rishikohet për të bërë përmirësimet e duhura.

A.Ndoja

Gj.Marku    Rreshen. 14. 12. 09