KRRT-ja e Bashkisë i hap rrugën ndërtimit të dy komplekseve Rezidenciale Shërbimi dhe Banimi.

  Mbledhje e rradhës e KRRT-së tregoi se vizioni i Bashkisë për konfigurimin e mëtejshëm të qytetit, ka dale prej kohësh nga ndërtimet e thjeshta që konsistonin në shtesa pallatesh, apo ndërtesa të tjera aspak funksionale. Kështu prej ditës së djeshme KRRT-ja i ka hapur rrugë ndërtimit edhe të dy komplekseve të mëdha, njëri në hyrje të qytetit në vëndin ku ka qënë stadiumi i lojrave me dorë, dhe tjetri në pikën dominate të qytetit, në vëndin ku aktualisht ndodhet cerdhja e femijëve.

Parë në aspektin urbanistik, ndërtimi që do të bëhet në rrugën “atë Gjergj Fishta nga ivestitori Bardhok Jushi i njohur edhe për një ndërtim tejet cilësot afër Muzeut Historik në Rrëshen, por edhe për ndërtime të tjera shumë katëshe në Shëngjin të Lezhës,  është një kompleks rezidencial prej 11 katësh, ku dy katet e para do të jenë të destinuara për për lokale dhe qëndër bisnezi. Po ashtu edhe kati i 11-të do të bëhet një lokal shërbimi, me një ashensor panoramik që do të jetë vetëm për lokalin, dhe do të vendoset në anën e jashtme të tij. Ndërsa godina tjetër për të cilin u dha “OK” për studim pjesor, është një godinë banimi e shërbimi me siparfaqe 3000 m2 dhe me sipërfaqe ndërtimi në masën 1890 m2, me iveshtitor z. Mark Gjoni.

Mbeldhja e rradhës e KRRT-së është bërë në një interesim të dukshëm të faktorëve të interesuar për zhvillimin e qytetit, dhe e monitoruar hap pas hapi edhe me mjete digitale të informimit të publikut. Po ashtu për herë të parë të gjithë anëtarët e KRRT-së kanë pasur mundësinë që përmes një video projektori të shohin live në format të madh, të gjitha detajet e paraqitura nga ekspertët përkatës së studiove të projektimit. Varianti i parë  i cili i përket kompleksit të paraqitur nga ivestitori Bardhok Jushi, është mbrojtur nga inxhinieri arkitekt z. Vasil Jorgaci dhe Adrian Merjo, përfaqësues të studios së projektimit “Jorgaci” me qëndër në Tiranë, ndërsa projekti tjetër që i përket ivestitorit Mark Gjoni, është mbrojtuar nga ing Arben Hondro nga studio “Tecnoline” me qëndër po në Tiranë.

Në fillim të mbledhjes e ka marrë fjalën z. Gjon Dedaj në cilësinë e kryetarit të KRRTs-së i cili ka thënë:

Ju përshendes të gjithëve, ju falenderoj për korrektesën që mendoj që e kanë të gjithë anetarët e kësaj KRRT-je që janë këtu të pranishëm. Ne, sikurse kemi komunikuar edhe në mbledhjet paraardhëse, njoftimi ka qenë në faqen e internetit të Bashkisë, si njoftim zyrtar. Kemi rënë dakort që komunikimi të jetë elektronik, dhe për cdo rast do të kemi një disk përfundimtar, që do të shoqërojë protokollimin e kësaj mbledhje. Mund t’ju informoj paraprakisht se jemi fare afër emplementimit të studimit urban, që do të dalë në bazë të një marrveshje dhe projekti që ne po ushtrojmë me Shoqatën e Profesionistëve të Madridit, APRODEL. Personalisht mendoj se jemi në një moment që duhet të vazhdojmë atë që ju kemi premtuar qytetarëve dhe subjekteve të interesuara, për të operuar në këtë Bashki. Unë mendoj se përzgjedhja e sotme, të projekt vendimit që keni përpara, për miratim studimi urbanistik të dy objekteve ka ardhur si rezultat i dy qëllimeve kryesore që ne kemi, të ndryshojmë dhe të mbështesim ndryshimin e konceptit për qytetin, dhe të përkrahim në mënyra të denja investimet për kohën, të cilat rrisin lartësinë e ambienteve të banuara dhe të shfrytëzueshme, njëkohësisht të bëjmë një mirëstudim të sipërfaqes, për të filluar tregimin e një kujdesi maksimal për metrat katëror që ne kemi në dispozicion. Kësisoj, edhe për faktin se në problematikën që shumica e din ne lidhje me  procesin administrativ në zyrën e urabanistikës, ju informoj se sipas vendimit të Kryetarit të Bashkisë, sot në cilësinë e sekretarit të KRRT-së do të jetë z. Fran Jushi, i komaduar në këtë proces, për të parë më pas procedurat e tjera, thjesht administrative. Tani unë mendoj se ja vlen që të mbeshtesim bisnezin. Unë në këtë rast kam falenderim të posacëm për të gjitha rastet që kërkojnë   ivestime të tilla në Rrëshen. Gjithësesi jeni ju ata që do të vendosni që të fitojmë kohë, jo thjesht për një sistem fiskal efektiv të Bashkisë, por edhe për mundur që të kemi sëbashku një koherencë dhe një mardhënie të premtuar, të një mardhënie e cila do të funksionojë në mënyrë permanete duke dashur që qyteti dhe bashkia në tërësi, të kene edhe hapjen e një konkurence të ndershme. Besoj që është hapi i parë që ballafaqojmë të dyja investimet, kështu që ne kemi marrë në konsideratë edhe ndryshime që kanë mes njëritjetrit, dhe avantazhet. ne kemi përzgjedhur. Jnë dy kërkesa, ndërkohë që kemi kërkesa të tjera, por që ata nuk kanë mundur që ta kapërcejnë këtë situatë.

Më lejoni të dashur të pranishëm që t’ju lexoj projektet e paraqituera për mbledhjen e sotme.

1-Miratim studimi urbanistik pjesor, vendimi nr 8 datë 30. 06 2008, mbështetur në bazën ligjore përkatëse, dhe pas diskutimit me personat e interesuar ne dëshirojmë të diskutojmë sëbashku miratimin e studimit Urbanistik pjesor të Kompleksit Rezidencial Shërbime Banimi, tek rruga “Gjergj Fishta” qyteti Rrëshen, pranë Cerdhes së fëmijëve, me sipërfaqe 3150 m2 dhe sipërfaqe ndërtimi 2100 m2, me kërkues z. Bardhok Jushi, një ndërtetsë që shkon në 11 kate. (sheshi është Pronë Publike + Pronë Private)

2- Të diskutojmë dhe të miratojmë Studim Urbanistik Pjesor për godinë Banimi e Shërbimi 8 katëshe në qytetin Rrëshen, në perëndim të spitalit, ish Këndi i lojrave me dorë, me sip 3000 m2 dhe me sip ndërtimi 1890 m2 për z. Mark Gjoni. Sheshi është pronë private me certifikatë pronësie. Nëse përfaqësuesit ose ata që do të mbrojnë këto kërkesa i kanë materilet e tyre elektronike, ne u ofrojmë mundësinë që me anë të vidio – projektorit, ata të prezantohen.

Më pas e ka marrë fjalën z. Vasil Jorgaci i cili gjatë mbrojtjes që i bëri projektit të paraqitur nga ivestitori Bardhok Jushi, ndër të tjera ka theksuar:

Unë quhem Vasil Jorgaci përfaqësoj studion me të njëjtin emër, bashkë me Adrian Merajn. Në fillim dua të komplimetoj Bashkinë e Rrëshenit për informacionin e plotë që kishte në internet, në faqen e saj të Bashkisë, edhe për studimet e miratuara gjë që nuk e kanë as bashkitë e mëdha, si e Tiranes apo e shumë të tjerave.

Zona ndodhet në pjesën jugore të qyetit të Rrëshenit përgjatë bulevardit ‘Atë Gjergj Fishta” në pjesën e epërme të tij. Është e kufizuar nga tre faqe me rrugë. Në zonën në fjalë ka një objekt egzistues që është Cerdhja. Gjithë objekti do të këtë frymarrje. Në pamje të parë cdo gjë duket e rregullt, por në anën e pasme terreni në jug-lindje ka një disnivel 6-7 metra. Zona është e ndarë nga blloqet e banimit, është e ndarë nga rruga dhe me shkollën. Zhvillimi i kësaj zone bëhet mbi bazën e aksit të lëvizjes së bulevardit. Faktor kyq ne zhvillimin volumor të këtij qyteti, përveq rrugës kryesore ka qënë edhe lulishtja. Objekti ka një aks kompozicional dhe duket që në rrugën kryesore. Jo më kot është vendosur që në katin e 11 të ketë një Bar-Restorant paronamik, sepse përvec lartësisë që ka objekti dhe lartësisë që merr në këtë pikë, rruga krijon një lloj panorame natyrale e gjithë qyetit. Për këtë është vendosur një ashensor i jashtëm që do të shërbejë vetëm për katin e sipërm dhe që ballafaqohet me aksin e rrugës. Vlera më monumentale e saj është ky ashensor që përbën boshtin kompozicional të saj. Objekti është i trajtuar thjesht. Zhvillon dy katet e para me ambiente administrative dhe tregtare. Pjesën tjetër e ka të zhvilluar në banim.

Pas tij ka nisur mbrojtjen e projektit me ivestitor z. Mark Gjoni përfaqësuesi i ”Tecnoline” z. Arben Mandro i cili ne relacionin e tij tha:

Sheshi i ndërtimit është në hyrje të qyeti të Rrëshenit, dhe takimi i parë me qytetin do të bëhet me këtë ndërtesë . Është punuar që të krijohet një cilësi nga pikpamja tektonike sa më dinjitoze. Kërkesa e ivestitorit është që të ndërtohet një kompleks shërbimesh, tregtar dhe objekte banimi. Këeshtu që zgjidhja urbanistike është menduar të jetë një sipoërfaqe një katëshe kryesisht me funksion tregtar. Objekti kompozohet nga dy volume. Volumi i parë do të jetë një katësh dhe i dyti 8 katësh me funksion banimi. Sipërfaqja totale që është 3000 me2 është shfrytëzuar 1850 metra, ndërsa pjesa tjetër është lënë siparfae parkimi dhe gjelbërimi. Duke menduar që kjo zonë është afër spitalit civil dhe infektiv, është menduar që të mos cënohet aktiviteti tyre do të bëhen dy breza gjelbërimi që do të bëjnë ndarjen me zonën spitalore. Është menduar që për tregëti të lihet një sipërfaqe afërsisht rreth 850 m2 parkim, por edhe kati i nëndheshëm do të jetë i gjithi për parkim. Funksioni i banimit është menduar që të poizicionohet afër qëndrës së sheshit. Godina është menduar me katër apartamente në një kat, të cilat kanë mundësin e pamjeve me akset e qytetit. Këtu do të bëhen 25 dyqane me madhësi të ndryshme. Parkimi do të ketë 70 automjete. Për fasadat paraqitje dinjitoze pasi është hyrja e qyetiet. Pamje bashkëkoheore me xham, e qeramike e alumin. Banimi është i mbrojtur nga zhurmat dhe pluhuri pasi është shtyrë nga rruga. Apartamentet do të jenë të orientuara me akset kryesore të qytetit. Panormike është edhe pamja që sheh në drejtim të përroit të Kulmes.

Pas këtyre paraqitjeve, anëtarët e KRRT-së kanë bërë disa pyetje që kanë marrë përgjigje nga ekspertët, por edhe nga vetë ivestitorët. Në fund, palët e interesuara kanë dalë jashtë në pritje të vendimit të anëtarëve të KRRT-së. Votimi i tyre është bërë pa praninë e palëve që kërkonin të merrnin lejet përktëse dhe pas disa minutave është njoftuar se për të dy projektet e paraqituara është dhënë “OK” për sa i përket miratimit të studimit pjesor. 30. 06. 08

Përgatiti: A Ndoja