Kyebashkiaku i ri z. Ndue Gega fillon mandatin 4 vjecar në drejtim të institucionit.

-Nis puna intensive për përmirësimin e situatës në qytet-

Një muaj pas përfundimit të zgjedhjeve vendore ne Bashkinë Rrëshen është bërë edhe transferimi i detyrës për tek kandidati fitues z. Ndue Geg Kola i kandiduar nga kualicioni Aleanca për të Ardhmen. Konkretisht më datë 18 korrik 2011, gjatë konstituimit të Këshillit Bashkiak, është zhvilluar ceremonia e betimit të kryetarit të ri të Bashkisë Rrëshen, në prani të përfaqësuesit të Prefektit të Qarkut Lezhë z. Kastriot Kodheli, anëtarëve të Këshillit Bashkiak Rrëshen, kryetarëve të fshatrave si dhe qytetarëve të ndryshëm. Në këtë ceremoni ka marrë pjesë edhe kryetari i madatit të kaluar  z. Gjon Dedaj.

Nga ana e tij z. Ndue Gega ka vlerësuar shumë urgjente rifillimin e punës më kapacitet të plotë të institucionit të Bashkisë, sidmos pas apatisë së dukshme të një procesi të gjatë pas zgjedhor. Fillimisht Kryetari i Bashkisë z. Ndue Gega është njohur me strukturën dhe pozicionin e sejcilit prej pjestarëve të administratës dhe u ka kërkuar atyre impenjim serioz për përmirësimin e punës në zyrat e sejcilit, që qytetarët të marrin shërbimet e duhura në kushte sa më optimale.

Pikërisht për këtë është parë si nevojë imediate përmirësimi i performancës brënda institucionit, për të kaluar më tej në ndryshimin e situatës në qytet. Në pak ditë është bërë një përmirësim rrënjësor në godinë e Bashkisë dhe rreth saj. Kështu në hollin e godinës janë hequr disa ndarje të bëra për nevoja të ndryshme vite më parë. Janë shtruar me pllaka cilësore ambientet e brëndshme dhe shkallët hyrëse të saj. Gjithashtu janë hequr disa lulishte parazite shumë vjecare që qarkonin godinën. Pas kësaj është përfituar një pamje të denja për një institucion publik e qytetar.

Më tej puna ka vijuar në të gjithë hapësirën që zë qyteti dhe periferia. Është ndërhyrë me mjete dhe fuqi punëtore që i posedon vetë institucioni i bashkisë, por është kërkuar më shumë impenjim nga firma e pastrimit dhe ajo e gjelbërimit që kanë kontrata me bashkinë.

Kështu në pak ditë qyteti ka marrë pamje më të qytetëruar me heqjen e ferrave dhe pa pastërtive të tjera pas Komisariatit të Policisë, pas godinës së Gjykatës, mes spitalit dhe objekteve private. Ndërhyrje imediate janë bërë në hyrje të qytetit pranë farmacisë së vjetër, por edhe në ambientet që qarkojnë ish-shtëpinë e oficerëve dhe tregun ushqimor. Puna vijon cdo ditë në preferinë e qytetit dhe pranë tregut.

a.n   15 gusht 2011