Këshilli Bashkiak miraton strukturën dhe buxhetin e paraqitur nga kryetari i bashkisë z. Gjon Dedaj.

     Ka kaluar pa debate të mëdha mbledhja më e rëndësishme e Këshillit Bashkiak, ajo për miratimin e strukturës dhe projekt buxhetit të bashkisë për vitin kalendarik 2007. Pas më shumë se tre orë diskutimesh, qëndrimet e të gjitha krahëve politikë në këshill pothuajse

janë përafruar, por gjithësesi në fund është përdorur edhe mekanizmi i votës së hapur, për miratimin e këtyre dy komponentëve të rëndësishëm për mbarëvajtjen e punës së Bashkisë për vitin në vazhdim.

Fillimisht kryetari i bashkisë z. Gjon Dedaj, ka bërë një prezantim të detajuar për të gjitha ndryshimet si në strukturë ashtu edhe në buxhet. I gjithë prezantimi i kryetarit të Bashkisë, është shoqëruar me pamjet përkatëse me anë të një monitori. Ai ka theksuar se kërkon të mbështet nga këshilltarët e bashkisë, me qëllim që të rritet efektiviteti i punës për të qënë sa më pranë komunitetit të bashkisë së Rrëshenit.

Pas kësaj, kryetari i këshillit z. Nikolin Kaçorri ka falednderuar kryearin Dedaj për prezantimin e saktë dhe të detajuar të projektit të tij për vitin 2007.

Ai i ka ftuar këshilltarët e pranishëm që të debatojnë fillimisht në lidhje me strukturën dhe më pas me buxhetin.

z. Pashk Krepi pyeti se meqenëse është rritur numri i punonjësve, a është parashikuar edhe rritja e buxhetit për të mbuluar shpenzimet.

Ndërsa këshilltari Arjan Tusha, tha se shtimi në strukturën e policisë mundet të jetë i panevojshëm pasi numri i policëve bashkiakë bëhet i përafërt me numrin e policëve të grupit të gatshëm.

Gjovalin Reçi, sekretar i këshillit bashkiak  pyeti nëse rritja e efektivitetit të punës së bashkisë, do të bëhet duke shtuar numrin e punonjësve apo duke forcuar kërkesën e llogarisë. Një pyetje tjetër e tij kishte të bënte me faktin se sipas tij, shtimi i departamenteve do të krijonte probleme me numrin e zyrave në dispozicin të administratës, me numrin e mjeteve në dispozicion etj.

Këshilltari tjetër z Gjon Marku pyeti se pse është fshirë sektori i bujqësisë kur rreth 50 përqind e bashkisë përbëhet nga fermerë, si edhe kërkoi të dinte se me kë do të kontaktonte media në lidhje me transparencën që kërkohet në punën e bashkisë.

Gjon Dedaj në përgjigje të interesit të këshilltarëve tha se buxheti i shtuar synon që kapitalin ekonomik ta kthejmë në kapitale njerëzore me qëllim që të rritet efektiviteti në punë. Kam menduar që kapitalin finaciar ta shëndërrojmë në kapital intelektual dhe njerëzor. Në lidhje me shtimin e policisë bashkiake, Dedaj tha se kam menduar që puna e kësaj policie të shtrihet edhe jashte një 8 orëshit, pasi nevojat për këtë polici mund të jenë edhe në mesnatë. Sipas tij në lidhje me shtimin e departamenteve, do të shfrytëzohen ato zyra që janë duke përdorur një model të huaj, sipas të cilit mund të punohet në zyra të përbashkëta duke kombinuar oraret e pritjes. Duke ju referuar një pyetje në lidhje me njësinë matëse të vlerave kulturore, kryetari i bashkisë z. Gjon Dedaj, tha se do të mbledhim bordin e vlerave kulturore, ku edhe do të përcaktohet njësia matëse që ka të bëjë me efektivitetin dhe aktivitetet e lidhura me të. Në fund z. Gjon Dedaj garantoi se si kryetar, do të ofroj transparecë me mediat, gjithashtu një gjë të tillë do t’ja kërkoj të gjithë derpartamenteve.

Në diskutimet që vijuan, e mori fjalën ish kryetari i bashkisë z. Preng Toma, i cili tha se kryetari Dedaj ka paraqitur një vizion të qartë dhe bashkëkohor. Ai bëri thirrje që këshilltarët të mbështesin kryetarin në misionin e tij katërvjeçar, në drejtim të bashkisë. Gjithashtu edhe këshilltari Pashk Krepi tha se kryetarin e ka votuar populli dhe nuk ka arsye që ne të mos votojmë programin dhe strukturën e paraqitur nga ai.

Pjetër Pjetri në emër të grupimit të majtë tha se falenderojmë kryetarin për paraqitjen e detajuar të strukturës dhe të buxhetit, dhe vërejti se mospërputhjet me obsionet e tyre janë të vogla. Ai tha se ishin në mbështetje të një efikasiteti të punës së administratës, me këtë strukturë. Ai u shpreh se ishte kundër heqjes së sektorit të bujqësisë, pasi sipas tij kjo do të shkonte në dëm të asaj pjese që banon në fshat. Z. Pjetër Pjetri tha se edhe emërtimi “Sekretar i përgjithshëm” ishte disi i tepruar pasi një emërtim i tillë ishte hequr edhe nga institucione te tjera të rëndësishme të shtetit, konkretisht nëoër ministri të ndryshme. Të njëjtin qëndrim mbajti edhe këshilltari Gjon Marku.

Ndrec Biba në fjalën e tij theksoi se  Gjon Dedaj ka paraqitur një plan më të mirin të mundshëm. Ai tha se ndaj mendime të ndryshme me kryetarin, por besoj në efiçensën e punës së tij. Më tej u vijua me debate ku pala e majtë kërkoi që të bëhej një ndryshim në emërtimin e departamentit të shërbimeve duke i shtuar edhe atë të bujqësisë si edhe emërtimi “sekretar i përgjithshëm” të ndryshohet në sekretar për burimet njerëzore. Pas disa debateve të përgjithshme, u duk se qëndrimet e palëve u përafruan, dhe pas kësaj u kalua në votim të hapur. Pas votimit rezultoi se u miratua struktura përbërëse e bashkisë dhe struktura e pagave.

Më tej u kalua në debatin për buxhetin dhe listën e prioriteve të ivestimeve. Edhe ky variant u hodh në votim me ndryshimet e propozuara, votim i cili konfirmoi miratimin e buxhetit për vitin 2007.

A. N      

Webmaster@bashkiarreshen.com