Austriakët e landit të Vorarlberger në Austri, modernizojnë shërbimin zjarrfikës të Mirditës.

 Mirditë. 5 vjet më parë një zjarr i fuqishëm i rënë në mesnatë, shkatërroi në një kohë rekord dhjetra bisneze nga më të ndryshmet, në të ashtuquajturin treg të Rrëshenit. Dëmi ekonomik rezultoi të ishte i pa llogaritshëm, ndërsa qindra familje të cilat e kishin të lidhur jetesën me këtë treg, pësuan rrënim të rëndë të gjëndjes së tyre ekonomike. Zjarri qëndroi ndezuar për gjatë gjithë natës “i pa shqetësuar” aspak nga e vetmja makinë zjarrëfikëse e trashëguar nga vitet 80-të. Megjithëse punonjësit e saj u munduan që të përcjellin ujin në objektet që digjeshin, kjo qe e pa mundur pasi kazani i saj nuk mbante anjë litër ujë, për shkak të çarjeve të shumta dhe amortizimit total. Ndërsa sot situata është krejt ndryshe. Prej ditës së sotme, shërbimi zjarrfikës i Mirditës jo vetëm mund të përballojë çdo katastrofë sado e rëndë të jetë ajo, por shumë mirë mund t’u vijë në ndihmë edhe rretheve të tjera fqinje si Lezha, apo Kurbini. Kjo falë iniciativave private të individëve të përkushtuar nga qeveria e Landit të Vorarlberger në Austri.

Si lindi bashkëpunimi mes zjarrfikësve të Rrëshenit dhe qeverisë së Landit të Vorarlberger?

15 vjetë më parë një drejtor  një shkolle në landin Vorarlberger në Austri, i quajtur Paul Wohlgenannt në bashkëpunim me bashkësorten e tij, krijuan një shoqatë e me emërtimin “nxënësit ndihmojnë nxënësit”. E gjithë veprimtaria e tyre u përqëndrua në komunën e thellë malore të Fanit në Mirditë, ku përgjatë këtyre viteve, u mundësua rikonstruksioni në kushte optimale i pothuajsë të gjitha shkollave, në 17 fshatrat e kësaj komune. Tre ditë më parë, në qëndrën e komunës në Klos u inagurua rikonstruksioni total i shkollës së mesme “Ndrec Ndue Gjoka”, ku mori pjesë edhe ministri i Arsimit dhe shkencës z. Genc Pollo. Gjatë vizitave të shpeshta të austriakëve në Mirditë, për ta u bë e njohur edhe situata e rëndë në të cilën gjëndesh shërbimi zjarrfikësve të Mirditës. Thirrjes së austriakëve të shkollave për ndihmë për këtë sektor, i është përgjigjur shërbimi zjarrfikës i landit të  Vorarlberger në Austri, me president z Herbert Knunz. Tre vjet më parë ata sollën në Rrëshen një zjarrfikëse të vogël, por gjithësesi funksionale. Kjo përmirësoi në një farë mënyre gatishmërinë, por ajo ç’far ishte më e rëndësishme për dhuruesit austriakë, makina e dhuruar para tre vitesh ishte mirëmbajtur sipas tyre shumë mirë, madje si të kishte qëndruar në Austri.  Kjo bëri që shërbimi zjarrfikës i këtij landi, të sjellë në Mirditë një ditë parë, një automjet modern me kapacitete maksimale. Sëbashku me mjetin zjarrfikës kanë udhëtuar si dhuratë nga Austria, edhe një furgon me mjete ndihmëse në përbërje të cilave ishin dy pompa të fuqishme, të cilat në rast rreziku mund të vendosen në afërsi të vëndeve ku ka ujë, për t’a përcjellur atë në objektet që mund të kenë marrë flakë. Sëbashku me mjetet, kanë ardhur edhe shumë mjete ndihmëse, si edhe veshje të sigurisë së lartë për të gjithë zjarrfikësit, si dhe pjesë të ndryshme këmbimi për këto mjete. Ausriakët me mjetet që sollën, për më shumë se një orë kanë demonstrur teknikën në bregun e lumit Fan, për të trainuar kolegët e tyre në Mirditë. Për më shumë se një orë, një pjesë e konsiderueshme e lumit Fan i Madh është devijuar përmes tubove të mjeteve zjarrfikëse. Presioni i lartë i hedhjes ka bërë që uji të kapërcejë në anën tjëtër të shtratit të lumit. Sara, shoqëruesja shqiptare e austriakëve, sqaroi të pranishmit se në Landin Vorarlberger, të gjithë zjarrfikësit janë vullnetarë. Ata mbajnë gjithnjë me vete një tranmetues sinjali, dhe në rast alarmi paraqiten menjëherë tek shefi i tyre, ku edhe marrin situatën nën kontroll. I gjithë operacioni është ndjekur nga njëri prej stacioneve televizive më të fuqishëm në Austri, ORF. Në ceremoninë e dorëzimit të këtyre mjeteve, morën pjese kryebashkiaku i Rrëshenit z. Gjon Dedaj, n/prefekti Gjon Pjetri dhe shefi lokal i zjrrfikësve z. Gjok Gjoka të cilët  falenderuan miqtë austriakë për kontributin e madh të tyre në favor të banorëve të zonës.

A. N