Giuseppina Causa, Certifikatë Mirnjohje, në ditën e largimit pas 15 vitesh shërbim në Dioqezën e Rrëshenit.

 Rrëshen. 15 vite më parë, pikërisht në marsin e vitit 1993, në qytetin e Rrëshenit fillon të shfaqet veshja e munguar prej vitit të mbrapshtë 1967. Ndër të parat motra që erdhi në Rrëshen për të ringjallur besimin e harruar, ishte motër Giuseppina Causa e cila në pak kohë, falë përpjekjeve të të saj dhe të bashkëpunëtoreve të shumta, arriti të bëhet pjesë e domosdoshme për një komunitet i cili ishte në ditët më të vështira të tij, dhe më shumë se për c’do gjë, kishte nevojë për dashuri dhe paqë.  Vetëm  përkushtimi i motër Giuseppina Causa, dhe bashkëpunëtoreve të saj mund ta bënte. Dhe në fakt ashtu ndodhi. Motra me trup të imët dhe me një moshë të konsiderueshme, për vite të tëra u end nëpër fshatrat e Mirditës dhe të gjithë Dioqezës së Rrëshenit, duke lëshur dritë aty ku errësira kishte pushtet, duke falur dashuri aty ku urrejtja kishte zënë rrënjë, duke ringritur besimin aty ku ai ishte më i zbehtë se kurrë. Dhe kontributi i Giuseppina Causa është tashmë i prekshëm. Nuk ka qytetar që nuk e njeh motrën fjalëpakë dhe punë shumë. Nuk ka fshat që motër Giuseppina Causa nuk ka vizituar dhe kontribuar në misionin e saj të rëndësishëm, nuk ka njeri në dioqezë  që nuk ka përfituar nga shërbimi dhe lutjet e saj,  në ditët dhe në momentet më të vështira për zonën.

Dhe kur rezultati është i prekshëm, kur puna fal kënqësi me rezultate të larta, motër Giuseppina Causa ndjehet e kënaqur që ka punur dhe jetuar në këtë komunitet që ka dituar ta kuptojë, ka ditur ta përkrahë e mbi të gjitha ta falenderojë. Dhe falenderimi më i madh vjen tani kur misionin dhe punën e saj e kërkon një tjetër komunitet besimtarësh, anipse ai mund të jetë kilometra larg, mbase në një kontinent tjetër. Edhe pse ka vetëm pak orë për të qëndruar aty ku ajo kaloi 15 vite të jetës së saj, motër Giuseppina Causa të pret e qeshur dhe e lumtur, pasi me punën e saj ka mundur që të ndihmojë një komunitet të tërë, dhe falë kësaj ndihme, ka mundur që të sigurojë mirnjohje të pa fundme të qytetarëve.

Mirnjohja!

Ajo  është e pa fundme, por edhe e artikuluar në pak rrjeshta në Certifikatën e Mirnjohjes, akorduar nga Kryetari i Bashkisë Rrëshen, z. Gjon Dedaj.

‘’PËR VLERAT HUMANE TË SHPREHURA NË SHËRBIMIN E DEVOTSHËM NDAJ KOMUNITETIT CIVIL DHE FETAR NË DIOQEZËN RRËSHEN’’

Pikërisht kjo Certifikatë Mirnjohje me dedikimin e mësipërm, ju dorëzua motër Giuseppina Causa, nga kryetari i Bshkisë z. Gjon Dedaj në një ceremoni të thjeshtë mirnjohje dhe lamtumire. Z. Dedaj i shoqëruar edhe nga Shefi i Departamentit të Kulturës pranë Bashkisë Rrëshen z. Alfred Shtinja, u pritën në ambientet e misionit nga motër Giuseppina Causa dhe bashkëpunëtorët e saj. Në fillim motër Giuseppina Causa e falenderoi Kryetarin e Bashkisë z. Dedaj për përkujdesjen e tij, dhe për mbështejen që i ka dhënë komuniteti përgjatë 15 viteve të qëndrimit të saj në Rrëshen. Ajo kujtoi shkurtimisht momentin kur ato zgjodhën të vinin në Rrëshen, përkundër disa sygjerimeve për të qëndruar në vënde më afër Tiranës. Më tej, duke bashkëbiseduar, motër Giuseppina Causa foli për disa episode gjatë punës së saj, ndërkohë që nuk fshehu kënqësinë që sëbashku me motrat e tjera, kishin mundur që të bënin më të mirën e mundshme.

Kryetari i Bashkisë z. Dedaj pasi e falenderoi për punën dhe misionin e saj, vuri në dukje se ajo kishte mundur të bënte më shumë se  c’do kryetar bashkie. Ju keni bërë shumë,  pasi erdhët këtu në një moment që në fakt këtu nuk mungonte besimi, por mënyrat për të ushtruar atë, mungonin totalisht. Ky qytet do tu jetë vazhdimisht mirnjohës për atë që keni bërë, dhe kur ju të mos jeni më këtu, ne do të ndjejmë mungesën e  mallin, por do të kemi mirnjohjen për gjithshka keni bërë. Duke vijuar më tej, z. Dedaj tha se fjalët jo gjithnjë mund të shprehin mirnjohjen, por faktin që në këtë takim shoqërohem nga drejtuesit më të lartë të Bashkisë, si përfaqësues të komunitetit, tregon se falenderimi  jonë është dhe do të jetë i përhershëm. z. Dedaj vuri në dukje se ju motrat keni gjithë mundësinë për ti shërbyer imazhit të Shqipërisë në Botë, dhe Mirditës në veqanti.

Ndërsa Shefi i Departamentit të Kulturës z. Alfred Shtinja, pasi e falenderoi për ndihmën e pakursyer në ndihmë të ringritjes së besimit, vuri në dukje faktin se motër Giuseppina Causa më shumë do tu mungojë fëmijëve, të cilët kanë gjeur te ajo dorën e ngohtë, dhe ndihmën e pa kursyer.

Më pas e ka marrë fjalën motër Giuseppina Causa, e cila ka falenderuar për vizitën e drejtuesve të Bashkisë. Ajo tha se  falenderoj Zotin që më thirri për të qënë midis jush. Unë jam e kënaqur për 15 vite që qëndrova këtu, unë jam shumë e kënaqur për këtë. Motër Giuseppina Causa u shpreh e lumtur se situata ka ndryshuar shumë nga ajo ditë kur erdhi për herë të parë në Rrëshen. Duke falenderuar edhe një herë për vizitën, motër Giuseppina Causa tha se jam e bindur se motrat pasuese do të dinë të plotësojnë boshllëkun e krijuar me largimin tim, pasi unë gjithnjë do ti drejtohem zotit me lutje. Në fund, të pranishmit fiksuan disa fotografi, ndërkohë që të gjithë e uruan motër Giuseppina Causa për udhëtimin e saj drejt Brazilit. 7. 09. 08

Aleksandër Ndoja