“Në Udhën e Vështirë të jetës”. Një libër me kujtime nga Gjon Mark Gjoni.

 Ky libër vërteton se Gjon M. Gjoni ka lindur dhe ikur në mënyrë Hyjnore.

 Prej ditës së sotme, kolanës së shumtë të librave me autorë mirditorë i është shtuar edhe një tjetër botim mjaft i rëndësishëm. Autori i këtij libri nuk jeton më, por miqtë e shumtë të tij kanë bërë që ky libër të mos mbesë në dorëshkrim, ashtu siç autori e la në ditët e fundit të jetës së tij. “Në Udhën e Vështirë të jetës” me autor Gjon Marka Gjonin, lexuesi do të gjejë të renditura një mori kujtimesh të zymta, të cilat i ka përjetuar vetë autori, por edhe një pjesë e konsiderueshme e Mirditës,  madje e gjithë Shqipërisë. Në këtë botim është përshkruar me detaje vuajtja dhe kalvari i mundimit, për qindra mirditas, menjëherë pas ardhjes në fuqi të rregjimit komunist, e autori duke qënë djali i kreut të komitetit të maleve, Mark Gjon Marku, edhe pse në një moshë të vogël, nuk kishte se si ti shpëtonte dënimit kolektiv të qindra mirditasve që nuk pranonin të viheshin në dispozicion të rregjimit.

Libri “Në Udhën e Vështirë të jetës” është botuar me mbështetjen e Karitasit Austriak, dhe nën kujdesin e veqantë të mirnjohurit atë Winsauer.

Ceremonia e prezantimit para një grupi intelektualësh u zhvillua në Rrëshen, në praninë e drejtuesve më të lartë të Caritasit austriak dhe familjarëve të ndjerit Gjon Mark Gjoni i cili për disa kohë ishte edhe deputeti i zonës së Mirditës në parlamentin Shqiptar.

Takimi është hapur nga redaktori i këtij libri, botuesi i shtëpisë “Mirdita” z. Ndue Dedaj. Ai ka falenderuar të gjithë të pranishmit për pjesmarrjen e tyre, veçanërisht padër Winsaurin për kontributinë e tij në Mirditë, dhe në veçanti për këtë libër.

Padër Winsauer, pasi ka falenderuar për punë e mirë me këtë libër, vuri në dukje se Gjon Mark Gjoni ishte një njeri i dashur, shumë punëtor, që mendonte gjithnjë për Mirditën, pa dallim. Patër Winsauer ka sjellë para të parnishmëve shumë kujtime gjatë punës me Gjonin. Në përfundim ai ka falenderuar të gjithë të pranishmit për pjesmarrjen si dhe stafin që është marrë me botimin e këtij libri.

Ndue Dedaj si redaktor i këtij libri tha, se ky libër është disi i vonuar pasi vetë autori e la në dorëshkrim. Ky është një libër që na mëson se si duhet ti vështrojmë njerëzit tanë. Ai tha se kam ndjerë shumë emocion gjatë punës me këtë libër, pasi brënda tij ishte dhimbja, kalvari dhe historia e një kohe të vështirë. Falendëroj përzemërsisht në veçanti familjen e Gjonit. Është një libër me dhimbje dhe dhe i shkruar me shpirt, ndërkohë që konsiderohet si më seriozi në radhën e librave për këtë derë.

Më tej z. Zef Shtinja ka falenderuar për pjesmarrjen, ndërkohë që ky libër ka qënë planifikuar për botim në kohën kur Gjoni ishte gjallë. Pikërisht këtë ja pati kërkuar padër Winsauer por sëmundja e rëndë la disa pjesë të pa përfunduara.

Gjon Pjetri, nënprefekt i Mirditës, tha se ky libër është një fillesë për të shkruar kujtime për derën e kapidanit të Mirditës, si një përpjekje për të rrikthyer vlerat tona, dinjitetin e humbur. Gjoni ishte deputet në një kohë të vështirë e cila përkoi me prishjen e shtetit nga ata që e persekutuan këtë derë për 50 vite.

Gjon Dedaj, kryetari i bashkisë Rrëshen tha se ndjehem i priviligjuar se kam shënimin tim këtë libër. Ky libër vërteton se Gjon Mark Gjoni ka lindur dhe ikur në mënyrë hyjnore. Udha e përshkuar nga Gjon Mark Gjoni është udha e përshkuar nga Mirdita në ato vite të vështira.

Me mjaft interes është përcjellë në këtë takim përshëndetja e bashkëshortes së ndjerit Brixhilda Gjomarku. Ajo ka falenderuar të pranishmit pasi kjo vërteton se Gjoni ka pasur shumë miq. Gjoni nuk ka qënë vetëm i yni por i gjithë Mirditës. E desh fati që Gjoni ta linte këtë libër ndonëse në dorshkrim, por ka qënë amaneti i tij që ai të përfundonte.

Më pas kanë përshëndetur edhe motrat e tij Bardhe dhe Gjylistina.

Promovimi i këtij libri ka vijuar me diskutime të shumta nga pjesmarrësit në këtë takim si Aleksandër Lala, Bardhok Filopati, Artenca Rica, Lekë Shtinja, Gjergj Marku, Preng Gjomarkaj etj.

A. Ndoja.