Akademik Mark Tirta, Nderi i Bashkisë Rrëshen.

 Prof.Dok. Mark Tirta i cili prej disa kohësh mban edhe titullin Akademik, ka marrë titullin „Qytetar Nderi“ i Mirditës në një ceremoni ku morën pjesë shumë qytetarë të Rrëshenit, intelektualë miq dhe të ftuar. Fillimisht akademik Mark Tirta i shoqëruar nga bashkëshortja e tij, u prit nga Kryetari i Bashkisë z. Gjon Dedaj në zyrën e tij. Z. Dedaj e ka uruar për titullin akademik, ndërkohë i ka bërë të dituar se Këshilli Bashkiak i Bashkisë Rrëshen ka votuar unanimisht për dhënien e titullit „Qytetar Nderi“. Z. Tirta e ka falenderuar për nderin që i është bërë, ndërkohë që ka theksuar se nuk do të reshtë së punuari për Mirditën, dhe vlerat e saj të pa tjetërsueshme, etnologjike dhe historike.

Më tej ceremonia është zhvendosur në ambientet e lokal “Europa” ku ishim mbledhur dhjetra pjesmarrës për të ndjekur ceremoninë e dhënies së titullit “Qytetar Nderi” për z. Mark Tirta.

Në fillim të ceremonisë z. Pjetër Marku, drejtor i Muzeut Historik të Rrëshenit, njekohesisht edhe Kryetar i Lidhjes se Shkrimtareve dhe Artisteve te Mirdites, tha se jemi mbledhur për të vlerësuar me titullin e nderuar Qytetar Nderi akademikun Mark Tirta si një prej intelektualëve më në zë nga Mirdita, i cili për shumë vite me rradhe punon dhe jeton në Tiranë. Z. Marku ka bërë një panoramë të gjatë të punës dhe aktivitetit të z. Mark Tirta.

Më pas e ka marrë fjalën z. Gjon dedaj kryetar i bashkisë Rrëshen i cili tha:

I dashur  Akademik  Mark TIRTA !

Te nderuar pjesmarres !

 Jemi sot sebashku te nderojme sa mundemi mirditorin,  evropian te palodhur, profesorin dhe Akademikun Mark TIRTA, njeriun qe ka provuar tashme se thjeshtesine e  ka ne perpjestim te drejte me diturine.

 Me siguri çdokush qe ka patur fatin   (e merituar ose jo, te dhene apo te falur), e te qenit kryetar do te donte te kishte forcen dhe vullnetin e profesorit,   i cili per me shume se kater dekada troket  shkencerisht dhe hyn brenda portave te lashtesise  me mundim dhe punë,  per te ndricuar udhet e se ardhmes jo vetem per studentet e tij por per çdo shqiptar.

 Kjo dite dhe ky takim provojne publikisht se hierarkia administrative nuk eshte zakonisht konforme me hierarkinë e vlerave të mirëfillta ndonese te dyja synojne tek hierarkia e vërtetë e shtetit, e rregulluar me Ligj por hierarkia e vertete mbetet dicka e brendshme dhe e pritshme per te vleresuar  drejtesisht meritat e fituara me ndershmëri dhe në bazë të punës !

Ndaj le te shprehim  sebashku sot se Rrëshen i vitit 1967,  (krejt koincidencialisht vitlindja e kryetarit te sotem te bashkise) mban mend kontributin e Mark Tirtes dhe të disa arsimtarëve të tjerë, të cilët nisen punen per te mbledhur visaret e kulturës popullore, me deshiren per te shkuar nje dite tej kufizimeve të propagandës dhe ideologjizimit te athershem. 

 I linduri në Orosh ,  ndjek   studimet në Tiranë dhe Shkoder për Histori – Gjuhësi dhe sherben si arsimtar më tepër drejtor shkolle e inspektor arsimi për rrethin  deri ne vitin  1967 kur ai   vendose te ngrihet nga areodromi  Mirditë  per ne lartesite  e shkences .

Sikurse shkruan miku yne i perbashket  Ndue DEDAJ , per petagogun e disa Universiteteve shqipetare dhe atij te Prishtines  z. Tirta ,  eshte e deshiruar nje  trajektore fare afer koridorit ajror te prifterimit , dhe ai i kontribuon polodhshem jetes universitaro-akademike  shqiptare dhe  behet  dijetari i shquar i etnosit shqiptare ! 

 Mirdita ka vijimesisht ne pune  dhe perfaqesim , birin e saj qe transmeton dhe  kerkon  shkencerisht jo vetem tingujt poetik te emrit te vendlindjes , por dhe arsyet per ta dashur , pelqyer e respektuar krahinen e madhe etnologjike, djalin qe mirërendit    faktet historik  e trashigimnore te etnoklultures, studiuesin qe evidenton  pasurite e saj interesante, unike dhe  jo rralle enigmatike !

 Pasi ka lindur , jetuar dhe studiuar ne krahinen më të lirë, më e panënshtruar në tërë trojet shqiptare, e vetqeverisur sipas dokeve, ligjeve dhe traditave të saj,  Prof. TIRTA  ndjek udhen e  djetarëve te huaj te cilet e  shëtitën, e vërejtën e  dëgjuan me shqisat e tyre Mirditen, kete pasuri te pamatë etnokulturore te ruajtur me dashuri, si berthame jo vetem katolike e identitetit kombëtar.

 Dhe nuk ka  e nuk do te kete mirditor  a  shqiptare te vertete  qe nuk do besonte dhe nuk do donte te perseriste permendesh sikurse  akademiku TIRTA shkruan :

“Fjala Mirditë tingëllon: trimëri, njerëz luftëtar, atdhetarizëm mosnënshtrim, energji shpërthyese, njerëz të çiltër e kurajozë, ligje dokësore, tradita të lashta të ruajtura e të përpunuara në pajtim dhe me kohët e reja moderne...ndaj edhe mendimi i sotëm intelektual mirditas duhet të rritet në kundërvënie të ashpër me gjendjen e plogështisë, kundër frymës së konfliktit, të urrejtjes, të përçarjes, të zhdukë shumë mendësi arkaike, të së kaluarës duke i zëvendësuar me norma e punë të reja ”

 Mirnjohje per  sejcilin nga  ata qe inicuan a ishin  Kryetar e antere te  Keshilli Bashkiak, Kryebashkiak  e administrator,  per nxjerrjen e vendimit  Nr.  38    date  31.08. 2005   me motivacionin " Per kontributin e spikatur ne hulumtimin dhe publikimin e etnokultures se Mirdites" pasi dhe atyre qe nuk e  kishin  lexuar vete ju mberriti hyjnisht mesazhi per shpalljen Qytetar Nderi te  Profesor Mark TIRTA   i cili shkruan :

 "...secili duhet të mendojë e të punojë me synimin ta bëjmë Mirditën një shtyllë të fuqishme të përparimit të kombit ... Mirdita e njerëzit e saj me banim në atë vend janë për t'u dashur për t'u ndihmuar, për t'u vlerësuar. Mirdita meriton shumë e ne të gjithë të larguarit e veçanërisht të gjithë biznesmenët mirditorë i jemi shumë në detyrim asaj e duhet me mish e me shpirt, me përkushtim të mendojmë e punojmë për të... Mirdita i ka dhënë kombit shqiptar shumë figura të ndritura në fushë të artit, kulturës, të luftës... si diplomatin e madh Gjon Gazulli në shek. XV, rilindasin e shquar Pashko Vasa, abatin e madh Prend Doçi, Dodë Koleci, At Shtjefën Gjeçovi dijetar e atdhetar, poeti i kombit Gjergj Fishta, kompozitori Preng Jakova, shkrimtari Kolë Jakova ...njerëz të mëdhenj, me gene Mirdite, kanë pasuruar artin, kulturën dijen...

Të ecim dhe ne në gjurmët e tyre për t'a bërë Mirditën ashtu si e meriton.. një zonjë të rëndë, të nderuar ..."

Per te gjitha keto dhe per mjaft motive te tjera qe nuk mund te permblidhen ne kete fjale , une kam sot fatin e madh  ti percjell  Akademikut  Mark TIRTA titullin  “ Qytetar Nderi “  kete  deshmi   administrative adresuar nje personi qe realizon pikërisht atë që kërkohet me ngulm, permes meritave shkencore, autonomisë  personale  dhe të përgjegjësisë qytetare ne kohe  kufizimesh dhe lirie  te kerkimit shkencor .

Lutem pranoni urimet tona me te perzermta !

Jetegjatesi dhe  suksese te metejshme Akademiku Mark TIRTJA

Zoti e bekofte  Mirditen dhe bijet e saj !

Pas kësaj z. Gjon Dedaj mes duartrokitjeve të pranishmëve i dorëzoi akademik Mark Tirta, Nderi i qytetit të Rrëshenit. Duke marrë titullin, z. Tirta tha se unë jam si shumë intelektualë të tjerë të vëndit, por që e ndjej vehten shumë të nderuar nga mbështetja dhe respekti që më jep Rrësheni dhe e gjithë Mirdita. E them me bindje dhe përulje të plotë se i jam shumë borxhli Mirditës sime, e për këtë nderim që më bën, nderim i cili më motivon më tepër për të bërë edhe më shumë për krahinën time ku u linda dhe u rrita. Më tej z. Mark Tirta e ka mbyllur fjalën e tij duke falenderuar kryetarin e Bashkisë, këshillin Bashkiak dhe të gjithë miqtë dhe dashamirësit e librit, dhe të kulturës, për mbështetjen dhe respektin që i kanë rezervuar gjithnjë.

z. Gjon Nikoll Deda, tha se akademik Mark Tirta i bën nder Mirditës me emrin dhe veprën e tij në shërbim të shkencës dhe etnologjisë.

Lindita Nikolla, Kryetare e shoqatës “Mirdita” me qëndër në Tiranë,  njëkohësisht edhe Kryetare e Minibashkisë nr 10 në kryeqytet, tha se vij në Mirditë si bijë e saj, por edhe për faktin se kur themi Orosh nënkoptohet Mirdita, por edhe kur themi “Mark Tirta” sërish nënkuptohet Mirdita. Znj. Nikolli tha se në kryeqytet ndjehemi mjaft të vlerësuar se kemi një mirditas të tillë përfaqësues dhe akademik si Mark Tirta. Ai është një veprimtar i palodhur i shoqatës Mirdita, shoqatë e cila ka si mision promvomin e vlerave reale të Mirditës në metropol. Lindita Nikolla vlerësoi aktin e Bashkisë Rrëshen dhe të kryetarit Gjon Dedaj, dhe në emër të shoqatës e falenderoi atë përzemërsisht për votimin unanimisht për dhënien e titullit “Qytetar Nderi” për Mark Tirtën.

Më tej, mësuesi i njohur z. Preng C. Lleshi duke i dhuruar z. Tirta disa libra të tij, tha se ndjehem i nderuar se shoku i tij i shkollës dhe me pas kolegu i tij, tashmë është kthyer në njeri i cili i bën nder Mirditës, me përpjekjet dhe punën e tij të palodhur shkencore. Më tej e kanë marrë fjalën edhe pjesmarrës të tjerë në këtë ceremoni si Martin Bushpepa, Bardhok Prenga dhe Lekë Shtinja të cilët kanë vënë në dukje vlerat dhe kontributin e z. Tirta.

Mark Mesuli një intelektual i njohur në zonën e Gjegjanit, tha se vij shpeshherë në Mirditë, pasi edhe pse zona ime administrativisht i përket Pukës, e ndjej veten mirditas se i tillë jam. Duke e konsideruar Tirtën si kollos të jetës shkencore, z. Mesuli tha se jam shumë i nderuar që marr pjesë në këtë ceremoni, dhe falenderoj Bashkinë e Rrëshenit për titullin e rezervuar për profesorin.

Drejtori i Arsimit në Mirditë tha se profesori është prezent me veprën e tij edhe në Mirditë, ndërkohë që Pashk Gjini tha se është fat që e kemi mes nesh dhe prej zonës tonë.

Djali i profesor Tirtës tha se jam shumë i emocionuar që marr pjesë në këtë respekt që i bëhet babait tim. Ai tha se të jesh djali i një akademiku, është nder por edhe përgjegjësi për të ecur në gjurmët e tij.

Bardhok Pulaj ka sjellë disa momente nga jeta akademike e prof Mark Tirtës, ndërkohë që ekonomisti Ndrec Biba i ka uruar profesorit një jetë të gjatë për prodhimtari sa më të begatë. Si anëtar i këshillit z. Biba tha se Mark Tirta i bën nder Miditës dhe është një pasuri e saj. Ai i ka ftuar edhe të tjerë intelektualë të Mirditës që nën shëmbullin e Mark Tirtës të bëjnë sa më shumë per Mirditën dhe emrin e saj.

Nikolin Kaçorri në cilësin e Kryetarit të këshillit Bashkiak tha se megjithëse një vendim i tillë është marrë nga këshilli parardhës, e çmon vendimin e tyre dhe e vlerëson Mark Tirtën si një njeri i cili i ka dhënë shumë shkencën shqiptare dhe asaj mirditore. Në këtë ceromoni ka përshendetur edhe z. Gjovalin Kadeli dhe shumë të tjerë pjesmarrës. Në fund është shtruar një koktej ku të gjithë të pranishmit kanë uruar profesorin për titullin e nderuar të Qytetarit të Nderit për Bashkisë Rrëshen.

A. Ndoja