Përkujtohet masakra e 60 viteve më parë në Qafën e Valmerit. Kryetarja e Parlamentit Topalli viziton memorialin kushtuar 14 viktimave.

 Në të hyrë të qytetit të Rrëshenit, prej disa ditësh është vendosur një vepër monumentale e cila bie në sy të cdo vizitori në këtë qytet. Një shqiponjë gjigande e vendosur në një pjedestal prej guri, mban vështrimin drejt perëndimit. Gjoksi i saj është i rrënuar nga plagët e rënda, por gjithësesi ajo qëndron krenare dhe e pa mposhtur në vështrimin e saj nga Perëndimi, si për të thënë se “edhe se ju për arsye të ndryshme na patët braktisur, unë sërish jam atje, te ju, në Perëndim, në vendin që më ka caktuar Zoti dhe Historia". Kjo vepër gjigande është punuar mjeshtërisht nga Kelvin Pjetri, një student i cili sapo ka përfunduar  Akademinë e Arteve, dhe i kushtohet masakrës komuniste të 17 gushtit të vitit 1949, i cili rezultoi me një bilanc tragjik në dëm të Mirditës dhe aspiratave të një populli drejt perëndimit. Pikërisht këtë ditë, më 17 gusht të 1949, në qafën e Valmirit, në afërsi të vëndit ku dhjetë ditë më parë ishte vrarë deputeti i Mirditës Bardhok Biba, u merret jeta 14 burrave që nuk kishin lidhje me këtë vrasje. Katër prej tyre  pikërisht Preng D.Kola "Orosh) Pjeter D.Vila "Kacinar"), Dod M.Biba "Malaj), Pjeter Paloka "Kacinar)  varen në litar, ndërsa 10 të tjerë konkretisht: Nikoll B.Bajraktari, Llesh Gj. Melyshi, Nik Ll. Bajraktari. Ndrec M.Ndoj, Preng Sh. Nikolli, Bardhok D. Gjini, Gjok, Gj. Kaci, Gjergj Beleshi, Ndoc Gj, Cupi, dhe Frrok Mati, egzekutohen me armë zjarri duke përfunduar në një gropë të përbashkët. Masakra do të vijonte me internime dhe burgosje të shumta, pa bërë asnjë dallim mes grave të moshuarve dhe fëmijëve.

 Pikërisht në përkujtim të kësaj ditë shoqata kombëtare e të përndjekurve nga rregjimi komunist oraganizoi në Rrëshen një ditë përkujtimore, me pjesmarrjen e Kryetares së Kuvëndit të Shqipërisë, znj. Jozefina Topalli, drejtuesve më të lartë të shoqatës së përndjekurve Politikë anti-komunistë Simon Miraka e Skënder Qendro, deputetëve Edi Paloka e Mark Marku, kryetarit të Bashkisë Rrëshen z. Gjon Dedaj, kryetarit të Qarkut Lezhë z. Bardh Rica etj. Takimi eshte moderuar nga z. Gjergj marku drejtues i shoqates se perndjekurve politike.

 Në fillim, rreth kësaj masakre ka folur z. Gjon N. Deda në cilësinë e kryetarit të shoqatës së Mirditës. Ai ka bërë një panoramë të gjatë të ngjarjes së rëndë, shkaqeve të saj dhe pasojave të gjata. Ndërsa z. Skënder Qendro ka qënë edhe më i ashpër në qëndrimin ndaj masakrës, por edhe qëndrimit të tashmë ndaj të persekutuarve politikë. Ai ka thënë se kemi kontribuar maksimalisht për PD-në, por nuk pranojmë që pinjollët e të kuqve të na bëjnë sërish karshëllëk edhe sot pas 20 viteve demokraci. Z. Qëndro tha se e kemi përshëndetur kualicionin Berisha-Meta pasi në ato moment na erdhi në kujtesë kënga “Duaje më shumë Shqipërinë”

 Një përshëndetje më të gjatë ka bërë kryetari i Bashkisë Rrëshen z. Gjon Dedaj i cili në mes të tjerave tha se padyshim , si per cdo kend,  te shkruash dhe te flasesh para njerezeve nevojitet teknologji intelektuale por kjo skishte pse te ndiqej  nese nuk transmetojme te verteten dhe respektin per vuajtjet, dhimbjet edhe denimet e pamerituara deri ne nivel masakre ndaj paraardheve tane.   Kanë përshëndetur edhe drejtues të tjrë dhe pjesmarrës në këtë ceremoni të cilët kanë bërë thirrje që msakra të tilla të mos harrohen, madje duke kundërshtuar devizën “falje” ndaj autorëve të masakrave të tilla, e artikuluar shumë në kohën post komuniste.

 Në fund ka përshëndetur kryetarja e parlamentit z. Jozefina Topalli e cila tha se dua të falenderoj autorët e këtij organizimi, në një përvjetor shumë domethënës sic është ai i 60 vjetorit të masakrës së Valmierit. Për këtë duhet të kemi një reflektim të thellë, një memorie të fortë. Z. Topalli tha se jemi rritur me tregimet për këto masakra, duke vënë në dukje faktin se Mirditës i rezervua një fat edhe më i trishtë derisa atë e coptuan duke i kaluar territoret e saj në rrethe të tjera. Pas takimit në sallë të pranishmit vizituan memorialin, ku ka folur z. Leke Shtinja, ndërkohë që kanë përgëzuar autorin e kësaj vepre për cilësinë e lartë në realizim.

A.   Ndoja