Mbrëmja e Maturës, festë për të gjithë qytetarët e Rrëshenit.

Ja donatorët që do të mbështesin mbrëmjen festive të 18 korrikut.

 Janë plot 168 nxënës të cilët këtë vit i dhanë lamtumirën bankave të Shkollës së Mesme të Përgjithshme të Rrëshenit. Edhe këtë vit referuar traditës së krijuar ndër vite, Shkolla e Mesme, Bashkia Rrëshen, dhe donatorë të tjerë të rëndësishëm si Banka Popullore dhe Universiteti Europian i Tiranës, janë kujdesur që evenimenti i fund vitit sic është Mbremja e Maturës, e cila do të zhvillohet më 18 korrik 2008, të shëndërrohet në një festë mbarë qytetare. Për këtë janë në përvijim të gjtha masat që ky eveniment i rëndësishëm të jetë në vijim të përvojës së një viti më parë, e inicuar nga Kryetari i Bashkisë z. Gjon Dedaj, i cili edhe një vit më parë u përkujdes që kjo festë të kalonte në mënyra sa më dinjitoze dhe qytetare. Kështu edhe këtë vit, sërish Bashkia Rrëshen vijon me mbështetjen e saj, e mbështetur nga donatorë të tjerë si Banka Popullore, Universiteti Europian i Tiranës, dhe Organizata Botërore e Studentëve.

Në këtë kuadër, Banka Popullore nëpërmjet filialit të saj në Rrëshen, ka konfirmuar faktin se për 10 nxënësit më të mirë do të hapë 10 libreza depozitash me një shumë prej 10 mijë lekësh në sejcilën prej tyre. Ky nuk është rasti i parë që kjo Bankë që operon në Rrëshen, të shfaqet me shërbime të tilla ndaj publikut, pasi edhe pak kohë më parë, falë donacionit të rëndësishëm të kësaj banke, është bërë mbjellja e disa pemëve cilësore në rrugën qëndrore të qytetit, e njohur si rruga “Atë Gjergj Fishta”.  Drejtuesi i kësaj Banke për Rrëshenin, Z. Aleksandër Ndoj thotë se vetë politika e Bankës qështë që të investojë për publikun, aq më tepër kur bëhet fjala për brezin e ri.

Ndërsa donatori tjetër mjaft i rëndësishëm për Shkollën e Mesme të Rrëshenit, është Universiteti Europian i Tiranës i cili pak ditë më parë ka konfirmuar se për tre nxënësit me rezultate të larta të kësaj shkolle, do të akordojë tre bursa studimi falas, donacion i cili shkon mijëra euro. Rektori i këtij Universiteti z. Adrian Civici dhe drejtuesi tjetër Henri Cili në një pronocim për www.bashkiarreshen.com, kanë thënë se ky universitet është mjaft i hapur, dhe herë pas herë do tu vijë në ndihmë nxënësve që vijnë nga rrethet, duke i nxitur edhe shkollat që të punojnë sa më shumë në arritjen e rezultateve sa më të larta.

Po ashtu ka ofruar mbështjen e tyre edhe Organizata Botërore e Studentëve që ky evenimet i përvitshëm, të kthehet në një festë për të gjithë Bashkinë e Rrëshenit.

Në përfundim, Shkolla e Mesme e Rrëshenit falenderon përzemërsisht të gjithë ata që që e kanë mbështetur pa rezerva gjatë gjithë vitit, por edhe tani në finalizim të një vitit të suksesshëm shkollor.

Gjithashtu, kjo shkollë dhe 150 maturantët e këtij viti, ftojnë të gjithë dashamirësit e Shkollës dhe të Arsimit, për të mbështur ata nxënës që këtë vit kanë pasur rezultate të larta.

Nje feste e tille u be edhe nje vit me pare. Faqja e Bashkise ka publikuar ate, dhe per ta risjelle serish ne vemendjen tuaj, mund te klikoni ne kete link:

Matura 2007”, lamtumira festive në shesh.

 Nik Nikolli

Drejtor i Shkollës së Mesme

Rrëshen.