Rrëshen, “Matura 2009”, vazhdon traditën e festivitetit

  Ka vazhduar në traditën e viteve festimi mbarëqytetar për maturantët e Rrëshenit. Një ditë e pritshme, që ka mbledhur qindra qytetarë përreth sheshit “Abat Doci”, për të shijuar sfilatën tradicionale të bijëve e bijave, që tashmë ngjiten një shkallë më lart në shkollimin e tyre. Kjo ndarje ceremoniale me një shkallë arsimimi është domethënës, dhe jo vetëm për këtë fakt, por edhe si një ndarje me qytetin dhe qytetarët, në mes të cilëve kanë kaluar vitet më të bukura të rinisë për të vazhduar të jenë banorët e qytezës studentore apo dhjetëra qytezave të tilla anekënd vendit, pse jo dhe në dhe të huaj.

Bashkia Rrëshen edhe këtë vit ka treguar kujdesin e duhur që gjithcka të kalonte mbarë.

Ora 20.00 maturantët e veshur hijshëm kanë mbushur sheshin e qytetit duke sfiluar dy e nga dy përgjatë tij nën kureshtjen dhe duartrokitjen e qytetarëve. Më pas grupi i maturantëve është mbledhur përballë pallatit të kulturës ku është improvizuar skena e ceremonialit zyrtar të përfundimit të kësaj mature.

Fjalën e hapjes e mbajti presidente e shkolës, maturantja Adela Doda, e cila ka theksuar se sot po mbyllim një rrugë sa të bukur dhe të vështirë, për të hapur një tjetër më të madhe, rrugën e jetës. Vitete e shkollës së mesme kanë qenë jo vetëm vite mësimore, por më së shumti vite orientimi,edukimi, shoqërie dhe pasioni për të bërë më të bukurën e mundshme. Më tej ajo ka sjellë përshëndetje uruese për prindërit e tyre, për mësuesit e palodhur, dhe vetë shoqërinë. Ne nuk mund të harrojmë bashkëpunimin e frytshëm me drejtorinë e shkollës, bashkinë Rrëshen, drejtorinë arsimore dhe të gjithë ato institucione që kanë kontribuar për këtë shkollë.

Përshëndetje ka sjellë për maturantët dhe drejtori i shkollës Nik Nikolli, duke theksuar se shkolla e mesme cdo vit ka sjellë modele përparimi, duke shtuar numërin e nxënësve me rezultate të larta, si dhe përvoja të forta bashkëpunimi me faktorë të interesuar për të patur një shkollë të qëndrueshme, të zhvilluar dhe afinitive për cdo qytetar, për cdo familje në Mirditë.

Nga ana e bashkisë janë ndarë certifikata mirënjohjeje tejet simbolike dhe në dizajnim, lidhur ngushtë me zhvillimin e Mirditës përmes një elementi shumë krucial të këtij zhvillimi, autostradën e re dhe ambjentin shkollor, si një raport në simbiozë me njëra tjetrën.

Bashkia dha dhe tri cmime për nxënësit më të mirë, duke akorduar dhe ndihma financiare, kësaj rradhe të mbledhura nga vetë administrata si kontribute personale. Përshëndetja e kryetarit të bashkisë Gjon Dedaj është pritur me interes jo vetëm nga maturantët, por dhe banorët e shumtë në shesh, për  mesazhet përcjellëse.

Përmes fishekzjarreve, fotove të shumta dhe ndonjë loti disi të fshehur, maturantët janë ndarë si të tillë nga ky shesh, nga ky qytet, nga prindërit e tyre, miqtë dhe banorët e shumtë në një atmosferë fishekzjarresh për të vazhduar më tej një mbrëmje të bukur në një lokal privat në Shëngjin të Lezhës.

Maturantët që përfituan certifikatën e  mirënjohjes.

Fjala e kryetarit Gjon Dedaj.

Te dashur maturant  dhe maturante  2005 – 2009 !

  Kam nderin dhe kenaqesine e papershkrueshme t’ju pershendes  ne kete dite bashkimi te vertete te emocioneve  por dhe pergjegjesive te qytetarise sone. Pas kater vitesh sebashku ju zbukuroni si askush dhe si asnjehere sheshin “Abat DOCI”  jo vetem me veshjet por dhe bukuritë tuaja shpirterore  te treguara nder ne  me gezimin  dhe  lotet qe kembejme,   ndersa ju u hapni udhen maturave te tjera qe me siguri do ta zbukurojne nder vite qytetin tone te dashur .

Ju lini pas gjera qe do t’i mbani mend gjithmone...ndaj ju uroj te shkoni perpara per te  ndryshuar veten dhe ne, por dhe per te ruajtur aftesite pershtatese me mundesite e reja te zgjimit mirditor, kombetar, europian.

 Te nderuar mesues e mesuese   dhe te dashur prinder !

  I bashkuar me Ju  jo vetem ne eren e kujtimeve   por   llogjiken e  qeverisjes  se tashme  lutem pranoni falenderimin tim  me te sinqerte per kontributin tuaj qe mes veshtiresive dhe sakrificave ju i jepni qytetit, bashkise  Rreshen dhe  Mirdites ne teresi kete kontigjent te plote me energji dhe i afte te orientohet ne zhvillimet tona te sotme dhe te ardhme.

  Sigurisht qe cdo dite mature  na ve perpara  nje faqe e re pergjegjesishë, por kam bindjen se  koha do te favorizoje se kjo toke qe  na bashkon jo thjesht fizikisht ne lindje do te  na ndihmoje te ruajme komunikimin efektiv, te rrisim shkallen e arsimimit dhe  te ndjesive permes  arritjeve te deshiruara.

  Te nderuar pjesmarres !

  Bashkia Rreshen vazhdon udhen e saj te paperfundueshme,ne hapin e peste te zgjedhjeve tuaja,jo vetem per sensibilizimin e rendesise se edukimit por dhe te dhenies se  kontributeve dhe sherbimeve te saj ne kete drejtim me qellim bartjen  dhe alokimin e nje fondi te ekselences  dhe te arsiminit te larte  ne kete treve .

Besoj se jemi ne shumice te bindur  se shoqeri e dijes ku jetojme dhe nga ku do ecim, shoqeria ku vlen me shume  përulja, ndershmëria, dashamirësia  ...  evidenton  lehte   avantazhet qe  ka  MIRDITA vendlindja jone, zhvillimi dhe lavdia e seciles vijne jo vetem prej se shkuares a shtresezimeve te saj mineralo-humane, por dhe prej rrugeve te medha  qe po e pershkojne dhe do te ndertohen  se afermi  e ne te ardhmen.!

  Kjo dite mature 2009 na therret  sot  qe  kujtesën dhe vëmendjen ti  kthejmë nga shkollimi i fëmijëve pa kursyer asgjë , kjo dite eshte dhe  një apel ndaj legjislativëve, që në përgjithësi dhe specifikisht  duhet te lidhen me shkollën, diturimin, duke shmangur  përzgjedhje të dyshimta elektorale  qofte ndër  përfaqësuesit komunitarë a kuvendet  vendore.

Te nderuar qytetare e qytetare !

Botes i mungon komunikimi sepse ajo nuk eshte kujdesur sa duhet per arsimin  dhe pa to dashuria njerzore ia le vendin moskuptimit, konfliktit, pengesave dhe humbjes se pafrytshme te energjive.

Ndaj le te jemi bashke per nje kontribut dhe me te madh  edukativ e kulturor tej niveleve te  permases materialiste,  te afte e te pergjegjshem ne perdorim te fuqise e mundesive te zgjedhjes në jetë përmes rrugës së dijes.

Le te jemi gjithnje bashke ne mbeshtetje te ketyre maturanteve dhe femijeve tane per te miren e perbashket dhe ne pritje qe ata te jene ndreqesit e gabimeve tona ne çdo fushe.

Faleminderit  udhetare te perjetshem drejt dijes dhe qyteterimit !

  Përgatiti: A. Ndoja.