Mbillen 100 rrënjë plepi në shtratin e lumit që përshkon fshatin Jezull.

 Mbrojtja e lumenjve është një nga prioritet e Bashkisë Rrëshen, si një element i rëndësishëm për mbrojtjen e mjedisit dhe tokës. Në këtë aspekt janë bërë shumë përpjekje, por edhe orientimi i dhënies së lejeve për ndërtime në vijat kufizuese të qytetit me lumin Zmeja, apo përrenjtë tjerë që qarkojnë qytetin, është njëri prej tyre. Ndërkohë që është në faza optimiste bashkëpunimi me delegacionin francez të “SICALA” një projekt i cili tashmë ka marrë mbështetjen e Ministrisë së Jashtme të Francës për menaxhinin e lumit Fanë, në përmirësimin e pritave dhe brigjeve të tij.

Ndërkohë që nuk është lënë pasdore bashkëpuni me Ministrinë e  Mjedisit për të realizuar dhe përfituar mbështetje për investime brigjeve të përrenjeve të Bashkisë Rrëshen. Kështu pak ditë më parë është bërë e mundur mbjellja e 100 fidanve plepi, në shtratin dhe në anët e njërit prej përrenjve që furnizon lumin e Zmesë, por që ndan përmes fshatin Jezull. Falë këtij bashkëpunimi është bërë e mundur që Bashkia të tërheqë përmes llogarisë së Ministrisë së Mjedisit, sasinë e fidanëve të plepave në fidanishten e z. Pjetër Trashaj në Lezhë. Një bashkëpunim i tillë u mundësua me mbështetjen e z. Vlash Legisi, Shefi i Seksionit te Mbrojtjes se Pyjeve, pranë Drejtorisë së Pyjeve ne Mirditë. Më pas fidanët u transportuan për në vendin ku ishte parashikuar për tu mbjellur. Kanë qënë vetë banorët e fshatit Jezull që kanë kontribur për mbjelljen e tyre, duke kontribuar me mjete finaciare për të punësuar punëtorë. Brenda një afati të shkurtër të gjithë fidanët janë mbjellur në një shtrirje prej 500 metra linear, përgjatë shtratit lumor.

Sipas ing Vlash Legisit, mbjellja e këtyre fidanëve do të përmirësojë dukshëm situatën erozive në këtë luginë, duke i pastruar nga ndotja duke i kthyer ato në më funksionalë.

A.     A. Shtinja.