Matura 2008, Rrësheni përfshihet nga festa.

Për më shumë se dy orë sheshi Abat Doçi i qytetit të Rrëshenit ka manifestuar një festë të vërtetë. Qindra qytetarë dhe banorë të zonave për rreth, kanë qarkuar këtë shesh në pritje të sfilimit tashmë të kthyer në traditë të maturantëve. Më herët gjatë ditës, Departamenti i Shërbimeve pranë Bashkisë Rrëshen, ka marë të gjitha masat që sheshi “Abat Doçi” të kishte performancën e duhur për një festë të tillë të të gjithë qytetarëve. Kështu,  në një kohë rekord janë lyer të gjitha trotuarët, pemët dhe ambientet e tjera plotësuese. Më tej, janë zëvëndësuar të gjitha llampat e djegura për të siguruar një ndriçim sa më komod. Gjithashtu Policia Bashkiake ka marrë të gjtha masat e sigurisë për sa më shumë rregull e qetësi. Në shërbim të kësaj feste ka qënë edhe Departamenti i Kulturës, dhe shërbime të tjera që Bashkia i ofron komunitetit. Vlen për tu theksuar angazhimi serioz i Policisë së Shtetit, të cilët me shërbime të përforcuara, kanë garantuar rend dhe qetësi, gjithashtu ka marrë përsipër shoqërimin dhe sigurimin e maturantëve, të cilët pas festës në shesh, i janë drejtuar një kokali në Shëngjin për të festuar gjatë gjithë natës.

Festa!

Ka qënë ora 19.00, kur 168 maturantët e këtij viti, janë mbledhur për herë të fundit në bankat e shkollës ku qëndruan për gjatë katër viteve. Nën shoqërimin e mësuesve, dhe sipas një regjie të paracaktuar nga mësuesi Bardhok Pulaj, maturantët janë ngjitur nëpër klasa me një look të veçantë, por me emocione të forta, të pa provuara asnjëherë. E qeshura shikohej në qënien e tyre, por edhe trishtimi. Një pikë loti në këto momente është i justifikuar, dhe askush prej tyre nuk mundohet  ta fshehë. Pikërisht  në këto ambiente të kësaj godine tre katëshe, këta kanë kaluar vitet e tyre më të bukura, por vjen një ditë që rrugët e tyre ndahen, për të lënë pas kujtime, kujtime pa fund……..

Rreth orës 20.00 maturantët të kapur dy nga dy për dore, shfaqen në cepin e sheshit të rrethuar nga qindra qytetarë. Sfilata e tyre shoqërohet me duartrokitje të gjata të pranishmëve. 84 çifte qarkojnë të gjithë sheshin i cili duket më i zbukuruar si asnjëherë tjetër. Të gjithë janë kujdesur deri në detaje për lookun e tyre, aq sa i gjithë sheshi shëndërrohet në një pasarelë të madhe të modës. Pas qarkimit të sheshit, maturantët vendosen rrotull obeliskut në qëndër të tij. Më tej fillon muzika, dhe për disa minuta sheshi është i maturantëve.

 Ceremonia!

 Fatbardha Reçi është maturantja që hapi ceremoninë e rastit. Në fjalën e saj ajo tha:

Të nderuar pjesmarrës!

Mirëse erdhët në festën tonë. Kaluan katër vite dhe tani në jemi gati për të marrë rrugët e jetës.

Ju faleminderit ju prindër!

Ju faleminederit ju mësues që na keni qëndruar gjithnjë pranë që ne të bëhemi dikushi në jetë. Sot ne jemi me të gëzuar se asnjëherë pasi nuk kemi patur kaq njerëz pranë, që na duan dhe na mbështesin, që jetojnë bashkë me ëndërrat tona, dhe përpiqen tu japin krahë atyre. Një duartrokitje për prindërit dhë mësuesit tanë.

Të nderuar maturantë!

 Sot sëbashku me ne janë Bashkia Rrëshen, Banka Popullore, Universiteti Europian i Tiranës, Unioni i studentëve Katolikë Shqiptarë etj. Më tej ajo ka ftuar Drejtorin e shkollës për të përshëndetur.

 Fjala e Drejtorit të Shkollës së Mesme z. Nik Nikolli!

 Mirembrema te gjitheve!

Eshte e rendesishme qe nje shoqeri pranon produktin e saj dhe behet dëshmitare e hapave te kapërcyer, ndaj ju falenderoj per pranine tuaj ketu sonte.

Te nderuar banore te Rreshenit, jane dashur 4 vjet qe ky kontingjent nxenesish te jete ketu me ju sonte i gatshem te behet pjese e zhvillimeve qe koha po ofron. Ska qene e lehte per ta dhe as per ne, te kapercejme neper veshtiresite e moshes dhe ndryshimit te brezave. Eshte dashur vullnet dhe energji  qe secili prej tyre te preke suksesin e mundshem.

Kemi qene sebashku ne kete proces, nxenes, prinder, mesues dhe institucione lokale e qendrore. Shenojme jo pak arritje dhe vlera te rendesishme, sikurse kemi edhe mosarritjet tona. Perballe pergjegjesise familjare, shoqerore, morale dhe institucionale, gjej rastin te kërkoj ndjese per ate qe nuk kemi arritur, por qe prania juaj jep garanci per monitorim dhe sukses. Smendojme se po hedhim hapa te mëdhenj, por jam i bindur se jane hapa te sigurte dhe te domosdoshem, po aq sa te veshtire.

Te dashur maturante, per ju eshte kjo nate sonte, ndaj ndjehem i privilegjuar nga fakti se per nderin tuaj jane sonte ketu banoret e qytetit te Rreshenit dhe mbeshtetesit arsimit, te cilet kane kaluar pertej se vertetes duke qene prane nesh  me shume se asnjehere. Nuk eshte pak. Eshte premise per produkt dhe cilësi, dhe jo vetem te mblidhemi ne dite te tilla,s por edhe kur kemi shqetësime, veshtiresi e probleme per te zgjidhur.

Sistemet arsimore te krijuara ne vendet e zhvilluara si Shtetet e Bashkuara te Amerikes dhe Komuniteti Europian kane krijuar shoqerine e dijes e cila eshte model mese i nevojshme per tu ndjekur, per te siguruar zhvillim, mirëqenie dhe qendrueshmeri institucionale, per te pergatitur individe te afte per veten dhe shoqerine.

Shoqëria jone ka kuptuar rendesine e edukimit dhe kete mese miri e tregon mbështetja e vazhdueshme e Bashkise Rreshen, Bankes Popullore, Universitetit Europian te Tiranes, Organizates se Studenteve te Krishtere, te cilet me programet e tyre te zhvillimit gjenden ketu sonte prane nesh me mbështetjen e tyre reale. Me lejoni qe ne emrin tuaj ti falënderoj per çka po bejne dhe ti garantoj se mbështetja e tyre do te përkthehet ne sherbim te produkteve te dijes.

Ne emrin tuaj gjithashtu falënderoj Dioqezen Rreshen, Vullnetaret e Korpusit te Paqes, Shkollen Shen Jozefi, Murgeshat, institucionet e kultures dhe medias, biznesin dhe individet arsimdashës qe kane dhene kontribut me vlere ne sensibilizimin e rendesise se edukimit. 

Ne menyre te veçante falënderoj te gjithe ata mesues qe punuan me pasion me ju dhe sebashku  bej apel qe pasioni i tyre te sherbeje per ata mesues qe nenvleresuan nevojen e rendesine tuaj.

Te dashur maturante  sot kaloni statusin e nxenesit per te cilin do keni mall dhe fitoni statusin e te rriturit vendimarres. Shfytezojeni ate ne sherbim te integrimit tuaj. 

Jam i bindur ne suksesin tuaj prandaj ju uroj mbaresi kudo ne jete.

Ate çka nuk patem mundesi tua ofronim, ofrojuani te tjereve pas jush.

Ju faleminderit!

Pas përfundimit të përshëndetjes së Drejtorit të Shkollës, e ka marrë fjalën Kryetari i Bashkisë Rrëshen, z. Gjon Dedaj i cili në fjalën e tij tha:

 Te nderuar maturante e maturant !

Te nderuar nxenes !

Te nderuar prinder  !

Te nderuar pjesmarres !

 Kam nderin dhe kenaqesine t’ju percjelle urimin tim  ne kete feste mature qe do te sherbeje  per te ndriçuar ndergjegjen tone  dhe per te na treguar rruget e pershkrueshme qe dashuria per njeri tjetrin, drejtesia dhe paqja  ne marredheniet tona te te forca jone  qytetare. .

I bindur, se tashme brezat mirditore ofrojne  marredhenie vellazerore verej se  Ju na  therrisni  per nje humanizem  te teresishem dhe solidar , te afte  per qyteterimin e bashkejeteses  te bazuar ne dinjitetin e  lirine e sejcilit.

Kam rastin  te perulem me respekt  dhe te bashkoj falenderimin tim per  te gjithe ata    qe kontribuojne per solidariteti tone  ndernjerezor dhe perpjekjes te tuaj te vyer ne kete vend,  ku sebashku  deshirojme qe marredheniet e forces  te  zevendersohen  nga marredheniet e bashkepunimit  , ndryshim te cilin mund ta beje vetem shkolla dhe shkollimi yne i vazhdueshem.

Te nderuar qytetare e qytetare !

 Na nevojitet nje pune e madhe edukative e kulturore per te mos e ulur jeten tone  ne nivelin e permases materialiste  por per tu aftesuar te jemi te afte e te pergjegjshem ne perdorim te fuqise e mundesive te zgjedhjes ne rruge te dijes dhe jetes.

 Prandaj le te jemi gjithnje bashke ne mbeshtetje te ketyre maturanteve dhe femijeve tane per te miren e perbashket dhe ne pritje qe ata te jene ndreqesit e gabimeve tona ne çdo fushe .

Edhe nje here me lejoni tju uroj mbaresi dhe suksese te gjithe Ju qe sot shenoni nje kufi te dukshem ne jeten tuaj .

Mirnjohje te gjithe nxenesve qe arriten rezultatet me te mira dhe qe do te mbeten krenaria  jone .

Ne  sherbim te vleresimit tuaj  Ju percjelle  çdo te mire Ju dhe prinderve  tuaj !

Ndersa kam privilegjin qe nxeneses me te mire  Sashenka LLESHAJ ti jap Aktet e Mirenjohjes  se bashkise RRESHEN per kete rast !

 Urime dhe faleminderit  me  konsideraten  me te larte

 Më tej z. Gjon Dedaj ka dhënë vlerësimet e Bashkisë Rrëshen për nxnësit më të mirë. Z. Dedaj tha se Bashkia Rrëshen vlerëson për rezultate të larta në maturën 2008, Sashenka Ded Lleshaj,  nr protkollit 7057 datë 18. 07. 2008. Sëbashku me çertifikatën e mirnjohjes, Bashkia ka vendosur të shtojë simbolet e saj për maturantin dhe maturantët më të mirë. Sashenka Lleshaj merr këtë simbolikë që do të ndjekë edhe maturantët e viteve të ardhshme. Ky çmim u shoqërua edhe me 50 mijë lekë të reja.

 Më tej është ftuar Drejtori i Bankës Popullore z. Aleksandër Ndoja, Banka e të cilit për 10 maturanetët më të mirë ka hapur nga një numër llogarie me nga 10 mijë lekë të reja për sejcilin. Në përshëndetjen tij, z. Aleksandër Ndoja tha se i uroj maturantët për suksese të mëtejshme në rrugën e tyre. Banka Popullore vjen në këtë aktivitet për të mbështetur këto talente të reja në zhvillimin e ekonomisë dhe shoqërisë sonë. Kjo Bankë, është prezente ne të gjithë Shqipërinë dhe në 80 shtete të tjera të botës, me 22 milion klientë dhe mbi 150 mijë punonjës. Kjo Bankë e ushtron aktivitetin e saj edhe në rrethin tonë të Mirditës. Në emër të bankës dhe grupit Societa General, përshëndes të gjithë studentët mirditorë për ezultatet e mira. Më tej z. Ndoja ka thënë se sponsorizimi dhe mbështetja e këtij aktiviteti nuk ka të bëjë vetëm me promovimin e talenteve, por tregon se kjo bankë po zhvillohet dita ditës. Të gjithë maturantëve ju uroj suksese në jetë dhe kudo. Maturantët për të cilët Banka Popullore ka hapur nr llogarie me nga 10 mijë lekë të reja për sejcilin, janë:

Sashenka Lleshaj.

Asiola Dedaj.

Amela Bazhdari.

Eneido Meço

Ustianka Gjonaj.

Fatlinda Dodaj.

Brixhilda Ndoka.

Enisgen Ndoci.

Eliola Pulaj

Arbër Pjetri.

 Në listën e sponsorve për studentët e Shkollës së Mesme Rrëshen është edhe Universiteti Europian i Tiranës i cili për tre maturantët më të mirë ka akorduar nga një bursë. Në njoftimin për katës thuhet se:

Administratori i UET z. Henri Çili, sëbashku me Bordin Akademik të Universitetit Europian të Tiranës, vendosën për dhënien e tre bursave për shkollën e mesme të Rrëshenit, nga një bursë për sejcilin fakultet të këtij universiteti. Do të përzgjidhen tre gjimnazistë në bazë të rezultateve të arrituara gjatë katër viteve, si dhe provimeve përfundimtare të maturës. Krahas këtyre rezultateve gjimnazistët do ti nënshtrohen edhe një testi të organizuar nga universiteti. Pas përfundimit të testimit, aplikanti me rezultata më të larta do të zgjedhë fakultetin që dëshiron. Ky parim do të zbatohet edhe në vijim si një kriter duhet që studenti të ketë një mesatare mbi 7. 5.

 Një çmim mjaft domethënës do të jepet nga Unioni i Studentëve Katolikë të Shqipërisë. Në akordimin e këtij çmimi prej 1000 USD, për maturanten Adela Gjikola, përfaqësuesi i këtij Unioni z. Zefian Nikolli tha:

 Të dashur maturantë, të nderuar prindër, vëllezër dhe motra!

I nderuar z. Kryetar i Bashkisë, të nderuar mësues të shkollës së mesme Rrëshen!

Kam nderin që në emër të bashkësisë botërore të krishterëve, në emër të degës së Shqipërisë, “Beslidhja e Studentëve të Krishterë Shqiptare” të paraqes për Adela Gjikola, nxënëse e Shkollës së Mesme Rrëshen, çmimin prej 1000 USD bashkë me në statujë të Shërbëtorit Hyjnor. Ky çmim i jepet nxënëses së sipërpërmendur me motivacionin: “E përzgjedhur nga nxënësit e shkollës si udhëheqëse shërbëtore, që meriton të përgëzohet për shfaqjen e cilësive të tilla të karakterit, si përulja, ndershmëria, dashamirësia, ndaj atyre që përbuzen më tepër nga shoqëria”. E vlerësuar me këtë çmim, për karakter, udhëheqje në të mirën e komunitetit. Përpara se të ftoj Adelën për të tërhequr këtë çmim, më lejoni të falenderoj drejtorin e shkollës që me pasion dhe me përkushtim ka arritur që të krijojë mardhënie e kaq të mira me organizatën tonë, pasi ajo nuk synon vetëm formimin akademik dhe intelektual të nxënësve të kësaj shkolle, por në rradhë të parë ai synon formimin e njeriut. Adela përgëzime!

Pas përfundimit të ceremonisë, sheshi Abat Doçi është përfshirë nga fishekzjarre të shumta, ndërkohë që maturantët i janë drejtuar lokalit ANTAG në Shëngjin, për të vijuar festën e cila shënon përfundimin e shkollës së mesme për 168 maturantët e vitit 2008.

 Përgatiti: Aleksandër Ndoja