Këshilli Bashkiak zhvillon mbledhjen e rradhës.

 Kryetari i Bashkisë z. Gjon Dedaj hedh poshtë spekulimet për Landfildin dhe kendin e lojrave.

Është zhvilluar mbledhja e rradhës e Këshillit Bashkiak me një rend dite të paracakuar dhe të bërë të njohur për të gjithë këshilltarët disa ditë më parë. Mbledhjen e ka hapur Kryetari i Këshillit Bashkiak z. Nikolin Kaçorri i cili fillmisht i ka lexuar dhe bërë të ditur për të pranishmit rendin e ditës, ku më kryesoret ishin informacion nga Komisioni i Ekonomisë për vedosjen provizore të këndit të lojrave për fëmijë, informacion dhe debat për trajtimin e mbetjeve urbane, miratimi i ndihmës ekonomike, miratimi i listës për banorët që u dëmtuan ga reshjet e pranverës, miratimi i projektit për sistemin e adresave etj.

Fillmisht këshilltari Pjetër Pjetri ka kërkuar që jashtë rendit të ditës të dëgjohen përfaqësuesit e një shoqate “Vetëm për ty Grua”, një shoqatë e cila ka si mision integrimin e mëtejshëm dhe forcimit të rolit të gruas në vendimarrje. Pothuajse të gjithë kanë qënë dakort me propozimin e z. Pjetri me përjashtim të z. Fran Marku i cili ka kërkuar që të vijohet me rendin e ditës. Me votim është vendosur që të dëgjohen gratë në emër të cilave ka folur znj. Marie Doda. Ajo ka vënë në dukje se ky rrjet grash ka punuar prej disa kohësh në këtë drejtim duke bërë fillimisht një sondazh, të mbështetur nga përfaqësuesja e institutit znj. Rovena Sorra. Znj. Marie Doda ka theksuar se kjo shoqatë ka si qëllim krijimin e një structure vullnetare e cila do të qëndrojë mes Këshllit Bashkia, Bashkisë dhe qytetarëve. Ajo ka vijuar me tej me rolin dhe organizimin e punës së kësja shoqate.

Më tej është vijuar me rendin e ditës, ku ka referuar Kryetari i komisionit të ekonomisë z. Ndrec Biba. Në një material të gjatë të përgatitur në emër të komisionit z. Ndrec Biba ka kritikuar punën e administratës së bashkisë për sa i përket transparencës në marrjen e vendimeve. Sipas tij në komision ku nga ana e bashkisë kanë ardhur shefi i dep të ekonomisë dhe ai i tatim-taksave, është paraqitur vetëm një urdhër për largimin e këndit të lojrave për shkak të moszbatimit të kontratës. Ai theksoi se në komisionin e ekonomisë nuk është sjellë akt-marrveshja mes bashkisë dhe pronarit të lodrave, duke cituar edhe dy nenet përkatëse që e detyrojnë transparencën e bashkisë para këshillit bashkiak.

I menjëhershëm ka qënë edhe reagimi i kryetarit të Bashkisë z. Gjon Dedaj. Ai ka deklaruar se “vendosja e këndit të lojrave në shesh ka qënë një lojë me këshillin”. Duke vijuar më tej ai i ka bërë të ditur këshillit se kam gjetur në dosje një vendim tuajin për heqjen e menjëhershme të lojrave nga qyteti, dhe ashtu sic thuhet tani, ndryshimin e vendit të tyre. Ai tha se nuk e dua sheshin e qytetit Rrëshen në atë gjëndje që u ka shërbyer qytetarëve. Bindja ime personale vjen që nga momenti që në xhamin e pallatit të kulturës nuk e kam gjetur emrin tim për të vijuar shkollimin e lartë, për të qënë i barabartë me shoket. Por kjo nuk mjafton, ai ka qënë një veprim i imi për të provuar se nuk kam asnjë konflikt interesi me këshilltarë apo me pronarë lodrash.  Pra, nuk mund ti shtoni vullnetit tuaj asnjë rrjesht më shumë se sa është shkruar në shkresë. Ai ka kërkuar tu referoheni shkresave duke i siguruar ata se dosja është e plotë, e kodifikuar dhe e gatshme për tu parë e hetuar nga cdo axhensi e kontrollit të zbatimit të ligjshmërisë.

Pas disa diskutimesh të tjera është kaluar në pikën e dytë të rendit të ditës. Edhe në këtë pikë ku është folur për situatën e mbetejve urbane ka referuar z. Gjon Dedaj. Përmes një video projetori z. Gjon Dedaj u ka kujtuar të pranishmëve se si ka qënë situata në hyrje të qytetit të Rrëshemit. Mbeturina që hidheshin në lumë, përbri vendit ku do të kalonte autostrada. Pamjet arkivore shfaqnin situatë mjaft të rëndë me plehra që digjeshin duke cliruar tym të zi, me përqindje të lartë ndotje. Z. Dedaj tha se është bërë një punë e madhe dhe lobim të fuqishëm për të siguruar fondin dhe të drejtën përkatëse për ndërtimin e një qëndre të trajtimit të mbetjeve urbane shumë larg qytetit. Ai vuri në dukje se për projektin e ndërtimt të landfieldit nuk është shpenzuar asnjë lek. Me dokumenta të plotë z. Gjon Dedaj hodhi poshtë tymnajën e disa individëve të cilët kishin mbushur me thashetheme, sipas të cilit bashkia ka lëvruar fondin prej 40 milionësh kur në fakt dokumentat tregonin se ishim kalur vetëm dy situacione me 25% të shumës, ndërkohë që objekti ishte marrë në dorëzim vetëm provizorisht dhe jo në mënyrë të plotë sic pretendohet. Z. Dedaj tha se nuk është normale që mbeturiant të lihen buzë gropës, por kjo ka ardhur nga mungesa e plotësimit të fondit. Sipas tij kjo situatë do të marrë fund brenda disa ditësh, sapo të behen efektive fondet përkatëse që tashme janë vënë në dispozicion. Ai tha se do të ishte e gabuar që plehrat të hidheshin në gropë kur ajo ende nuk ka përfunduar. Megjithatë kjo situata e pa kendshme edhe për pak ditë, nuk lë shije të mirë për 2000 banorë e ndonjë këshilltar, ndërkohë që aty ku kanë qënë më parë, do të linin shije jo të më mirë për më shumë se 3 milionë udhëtarë.

Pas kësaj ka pasur disa pyetje dhe komente, por që gjithësesi kanë marrë përgjithgje të plotë nga Kryetari i Bashkisë z. Gjon Dedaj. Më tej Këshilli i Bashkisë ka miratur listën e përfituesve të ndihmës ekonomike, ndërkohë që pikat e tjera të rendit të ditës janë lënë për mbledhjen e rradhës.

A.   A. Ndoja