Zhvillohet mbledhja e KRRT-së për muajin Tetor 2008. Miratohen gjashtë nga shtatë projektet e paraqitura.

 Është zhvilluar mbledhja e rradhë e KRRT-së për muajin tetor. Në këtë mbledhje, anëtarët e KRRT-së, kanë shqyrtuar një nga një, të shtatë projektet e paraqitura nga sekretaria teknike e KRRT-së, ndërkohë që gjashtë prej tyre kanë marrë viston për veprime të mëtejshme, me disa kushte të parashkruara.

Në fillim të kësaj mbledhje, kryetari i KRRT-së z. Gjon Dedaj ka vënë në dukje mungesat e disa prej anëtarëve të KRRT-së. Konkretisht kanë qënë të justifikuara mungesat e ing. Maks Kola, dhe z. Pal Kola për të cilët është lajmëruar se gjëndeshin jashtë shtetit, për arsye të ndryshme. Z. Dedaj ka vënë në dukje se edhe një ditë më parë është shtyrë mbledhja, pikërisht prej mungesave, ndonëse sigurohej korumi i nevojshëm numerik, por gjithësesi krijohej vakum për sa i përket mendimit inxhinierik, i cili është mjaft i domosdoshëm në raste të tilla. Pikërisht për këtë, është kërkuar mendimi i juristit të KRRT-së z. Fran Canga, i cili referuar ligjit ka konfirmuar se mbledhja mund të vazhdonte, edhe pse ka disa mungesa, por që sigurohej korumi i nevojshëm për vijimin e saj.

Më tej z. Dedaj ka njoftuar se i gjithë procesi i mbledhjes do të filmohej dhe të arkivohej, me qëllim që transparenca të jetë sa më e madhe, dhe çdo individ apo subjekt i interesuar të ketë mundësinë për të parë e verefikuar çdo vendim dhe mënyrat e marrjes së tyre.

Më pas Kryetari i KRRT-së z. Dedaj ka lexuar një nga një të shtatë projektet e paraqituara nga sekretaria teknike, ndërkohë që ka kërkuar konsensus që të shtohet një projekt vendim për ndërtimin e një muri pas kopshtit të fëmijëve, dhe për ndërtimin e një muri rrethues për ish – godinën e SHIK-ut, ku pritet të strehohet një shoqatë e cila merret me trajtimin e fëmijëve me aftësi të kufizuara, ndërkohë që deri tani ata kanë qënë të vendosur në ish-godinën e Degës Ushtarake. Me lirimin e godinës së Degës, pritet që aty të akomodohen fëmijët e kopshtit pa drekë, ndërsa të gjitha amientet e Kopshtit aktual të fëmijëve do të mbushen me fëmijë që trajtohen me drekë. Kjo pritet të zgjidhë përfundimisht problemim e trajtimit të fmijëve deri më moshën 6 vjeç, të cilët kanë mjaft kërkesa për tu trajtuar nga kopshti i fëmijëve.

 Pika e parë ka fokusuar diskutimet në problemin e ndryshimit të cilësimit të dhënies së lejës për ndërtimin e një kompleksi banesash 10 katësh në afërsi të vëndit të qujatu Ura e Jakut. Një vendim i till ka prodhuar shumë debat mes anëtrëve të KRRT-së dhe sekretares teknike Adelina Nikolli. Sipas anëtarëve të KRTT-së, për këtë është dhënë një herë leja e ndërtimit, ndërsa një defekt teknik mund të ishte rregulluar si një akt administrativ. Në këtë linjë ka këmbëngulur juristi i KRRT-së z. Fran Cangaj, i cili ka qënë pro korigjimit teknik të cilësimit në fjalë. Por ka kundërshtuar prerë sekretarja teknike znj. Adelina Nikolli e cila ka thënë se njëri prej formularëve ka qënë firmosur nga z. Gjovalin Jaku, dhe pikërisht për këtë ka mbetur një cilësim i tillë. Z. Gjon Dedaj  ka kërkuar që projekti të hidhet në vendim dhe pikërisht kështu ka ndodhur. Me shumicë votash është vendosur që leja e ndërtimit të objektit 9 katësh tek Ura e Jakut, ti nndyshohet cilësimi nga “Vllaznimi SHPK” tek “Ava_shpk” sipas kërkesës së ndërtuesit Ad Gjoka.

Për pikën e dytë nuk ka pasur shumë debat, ndërkohë që inxhinieri Zef Beleshi ka kërkuar që dy prej projekteve të përjashtoheshin nga diskutimi, pasi kërkonin asistence inxhinierike e cila në mbledhje e sotme ka qënë mjaf e limituar nga mungesat e shumë prej tyre. Megjithatë diskutimi ka vijuar pas paralajmërimit të kryetarit Gjon Dedaj i cili ka thënë se mund të shkrihej KRRT-ja nga mos mbledhja e saj.

Ndërsa pika 2 e Projekt vendimit u kalua pa debat pasi bënte fjalë për miratimin e lejes së ndërtimit për një ivestim publik siç është ndërtimi i një ujsjellësi të veçantë për spitalin Rrëshen.

Po ashtu pa diskutime të gjata janë kaluar pikat 3, 4 dhe 5 pasi bëhej fjalë për studime pjesore dhe për këtë KRRT do të shprehehet sërish.

Ndërsa për pikën 6 në të cilën kërkohej të miratohej një shesh ndërtimi për lokal, banesë 3 katëshe, u vendos që të thirret për të referuar autorja e atij projekti.

Po ashtu edhe për pikën e fundit pati debat të gjatë. Në këtë pikë kërkohet një studim pjesor për të ndërtuar një kënd lojrash për fëmijë, dhe një parkim automjetesh. Për këtë pati një oponencë të fortë anga ing. Zef Beleshi i cili tha se është komoditet të kesh hapësira të lira, dhe nuk është aspk mirë për ti zënë ato me ndërtime të tilla. Pas kësaj anëtarët e KRRT-së, me shumicë votash  vendosen që të kalojnë një projekt të tillë, me një ndryshim sipas të cilit, parkimi i mjeteve të jetë i hapur në natyrë.

Në fund z. Dedaj u ka kërkuar të gjithë aplikuesve të projekteve që në mbledhjet e ardhshme të vijnë me disqe elektronike dhe grafike, për ti shfaqur përmes video-projektorit, pasi tashmë bashkia e ka këtë mundësi.

A. Ndoja