Merr fund situata problematike në rrugën hyrëse të qytetit Rrëshen.

Përtej debatit të gjatë dhe sqarimve të  njëpasnjëshme në lidhje me faktin nëse rruga në hyrje të qytetit  të Rrëshenit i përket për mirmbajtje Drejtorisë së Përgjithshme të Rrugëve, apo Bashkisë Rrëshen, kjo e fundit ka ndërhyrë me një fond të reduktuar për ta sjellë atë në gjendje të kalueshme për automjetet. Në fakt referuar dokumentave përkatëse Bashkia Rrëshen nuk ka asnjë detyrim finaciar kundrejt këtij segmenti, pasi ai është nën juridiksionin e DPRR, por situata e rëndë në të cilën ndodhej kjo rrugë, ishte e pa pranueshme për cilin do, aq më teper që kjo rrugë ishte edhe prezantimi i parë me qytetin. Kjo ka bërë që Bashkia të marrë masat e saj, të detyruar nga kërkesat e qyetarëve, dhe heshtje e ndërmarrjes përkatëse të rrugëve.

Këshu menjëherë pas miratimit të buxhetit të Bashkisë Rrëshen për vitin 2011 dhe konfirmimit nga ana e Prefekturës Lezhë, sektori i tenderimeve ka nisur procedurën për shpalljen e konkursit për Operatorët Ekonomikë në sistemin elektronik, pranë Axhensisë së Prokurimeve Publike (APP).

Pas procesit ligjor me nr reference 45065-03-23-2011 dhe me Fondi limit  2 091 701 (dy milion e nentedhjete e nje mije e shtateqind e nje ) lek pa t.v.sh, komisioni i Vlerësimit të ofertave të Bashkisë Rrëshen ka shpallur fituese Operatorin Ekonomik “Kthella-shpk”  referuar kriterit të paracaktuar “cmimi më i ulët”  në shumën 19 42 020 lekë.  Pra siç shihet qartë, i gjithë ivestimi që është i prekshëm nga të gjithë banorët është në masën afërsisht 2 milionë lekë të reja.

Për disa ditë rradhazi OE Kthella-shpk, ka punuar me cilësi të lartë dhe nën monitorim të rreptë të drejtuesve të Bashkisë por edhe të vetë qytetarëve të Rrëshenit, të cilët kanë qënë shumë të interesuar për këtë ndërhyrje në rrugën kryesore hyrëse në qytet.

Janë hapur kanalizimet anësore dhe në bashkëpunim me pronarë tokash janë shëmbur mure që kishin prekur hapësirën detyruses të rrugës. Pasi janë pastruar të gjitha kanalet dhe vendosur tubat përcjellës të ujrave, është mbërritur në përfundimin se rruga është e sigurtë nga kalimi i ujit mbi asfalt. Madje për këtë është kërkuar mirkuptimi i disa pronarëve të lavazheve anës rrugës, të cilët kanë siguruar se uji që ata përdorin nuk do të dalë në asfalt.

Pasi janë rikuperuar të gjitha shtresat e dëmtura, firma ka nisur me shtresat e asfaltit. Puna ka vijuar gjatë gjithë natës së shtunë për të mos penguar qarkullimin e automjeteve, fluksi i të cilave është mjaft i madh gjatë ditës. Në të gdhirë të ditës së djelë banorët e Rrëshenit kanë parë se situata e rëndë dhe mjaft problematike në të hyrë të qytetit Rrëshen ka marrë fund, madje rruga tashmë paraqet një komoditet në të udhëtuar dhe paraqitje me dinjitoze të hyrjes së qytetit Rrëshen.

18 prill 2011