Sheshaj, një rrugë për Kishën por edhe për shumë familje, në ditën e lindjes së Krishtit.

 Fshati Sheshe këtë ditëtë shënuar të festës së Krishtlindjeve, ka përjetuar një ditë disi ndryshe në kësi rastesh. Një rrugë e hapur me kontributin e Bashkisë Rrëshen dhe të disa banorëve të këtij fshati, ka bërë të mundur që Kisha e këtij fshati të vizitohet nga besimtarë të shumtë. Ka qënë krej rast unikal që Kisha, edhe pse në qëndër të fshatit, nuk ka qënë e lidhur me asnjë rrugë, dhe për pasojë jo vetëm meshtari Atë Nikolai, por edhe të gjithë besimtarët kanë qënë të detyruar që për të shkuar në Kishë, të kalonin përmës baltës, ferrave dhe rrugëve qorre. Por kjo deri një ditë më parë kur fadromart dhe punonjësit e firmës “Kthella-Shpk” me president z. Pjetër Nikolli, i kanë dhënë fund vështirësive në këtë zonë. Por me ndërtimin e kësaj rruge e cila shkon deri të Kisha, do të jenë edhe shumë familje të tjera të këtij fshati të cilët do të përfitojnë maksimalisht nga ndërtimi i saj. Kjo sepse shumë banesa në këtë fshat të cilët deri tani kanë qënë të pa lidhur me rrugën kryesore, do të kenë mundëi që mjetet e tyre të parkohen në oborr. Edhe pse rruga nuk ka përfunduar totalisht komunikimi ka qënë shumë më i lehtë se sa pak kohë më parë. Për pasojë besimtarë të shumtë kanë mbushur ambientet e brëndshmë të Kishës, për të ndjekur meshën e drejtuar nga atë Lino Nikolai. Mes besimtarëeve të fshatit Sheshaj, kanë qënë edhe drejtuesit e bashkisë, z. Gjon Dedaj, Nok Mrruku, Alfred Shtinja, Llesh Ruci etj. Jo vetëm banorët e zonës, por edhe meshtari Nikolai, kanë falenderuar përzëmërsisht kryetarin e bashkisë z. Gjon Dedaj, i cili bëri një dhuratë kaq të cmueshme në ditën e lindjes së Krishtit.

 Atë Lino tha se cdo gjë duhen parë me sytë e mëndjes, me sytë e zemrës, dhe me sytë e shpirtit, pasi kështu na mësoi Krishti pas rilindjes.

Për të mbërritur në përfundimin e rrugës është dashur edhe mirëkuptimi i pronarëve të tokës nga ku ka kaluar gjurma e saj. Vlen për të theksuar se banorët që ka prekur gjurma e rrugës, janë treguar të gatshëm për të lëshuar nga prona e tyre, madje kanë kontribuar edhe me punë fizike që rruga të përfundojë sa më shpejt. Ata janë Gjovalin, Jak, Gjin, Frrok dhe Gjetë Ruci. Njëri prej tyre Gjovalini, thotë se Kishën tonë e ka ndërtuar me kontributin e tij një Italian, dhe ne nuk kishim se si të bëheshim pengesë për ndërtimin e rrugës që të con në Kishë. Madje ne falenderojmë bashkinë për kontributin e saj, por edhe padër Linon i cili gjithnjë ka qënë shëmbullor në realizimin e meshave në këtë fshat.

Ndërsa z. Gjon Dedaj, kryetari i Bashkisë, tha se sa më afër Kishës që të jemi, jemi më afër zotit, më afër njëri tjetrit dhe më afër paqes.

Po ashtu, për ndërtimin e kësaj rruge vetë fshati ka kontribuar në një përqindje të konsiderueshme për sa i përket vlerave monetare. Lista e kontribuesve është e gjatë, ndërsa ato më kryesorët janë Gjet Ndoka, Llesh Ruci, Petrit Ruci, Gjet Ruci, Sandër Ruci, Pjetër Paloka, Gjon Paloka, Simon Paloka, Pjetër Ndoka, Zef Ruci, Ded Ruci, Pal Ruci dhe Tom Bushi. Ky është një kontribut i vlerësueshëm i cili po aplikohet në shumë fshatra, pasi vetëm kështu do të bëhet e mundur dalja nga izolimi i gardheve të cilat rrethojnë pronat private, por më sëshumti izolojnë banesat dhe lagjet nga njëra tjetra.

Doralda Ruci