Ekipi i volejbollit me president të ri.

       Mjeku okulist Met Troplini merr përsipër mbështetjen finaciare për ekipin.

 Duket se skuadra e mirnjohur e volejbollit “Minatori” do të dalë nga kriza finaciare ku gjëndet muajt e fundit. Është mjeku i mirnjohur okulist z. Met Troplini i cili ka marrë përsipër bashkëfinacimin me Bashkinë Rrëshen, për të bërë të mundur që këtij ekipi ti kthehet emri dhe lavdia e viteve të shkuara. Një vendim i tillë i mjekut okulist z. Met Troplini u konfirmua sot në pritjen e organizuar në zyrën e Kryetarit të Bashkisë z. Gjon Dedaj. Në takim merrnin pjesë edhe nënkryetari i Bashkisë z. Nok Mrruku, shefi i klubit sportiv “Minatori z. Mark Kola etj.

Në fillim të takimit z. Gjon Dedaj falenderoi përzemërsisht z. Met Troplini për vëmendjen e tij ndaj ekipit të Minatorit. Një vendim i tillë vjen në një kohë mjaft të përshtatshme kur ky ekip kishte nevojë për mbështetje finaciare për të marrë pjesë në evenimentet e ardhshme sportive.

 Z. Dedaj evidentoi faktin se vendimi i z. Troplini ishte mjaft i vlerësuar në Rrëshen dhe në fushën e sportit mirditas, pasi mjeku nga Shijaku i cili ka punuar për shumë vite në Mirditë, vlerëson ekipin e Minatorit duke u bërë mbështetje për këtë ekip.

Nga ana e tij z. Met Troplini pasi falenderoi z. Dedaj për pritjen, tha se me Mirditën ishte i lidhur shpirtërisht edhe pse vetë ishte nga Shijaku dhe prej shumë vitesh punonte në Durrës. Z. Troplini tha se kishte një vlerësim të madh për ekipin e volejbollit, pasi siç kujtonte ai, prisnim me pa durim fundjavat në Rrëshen për të parë ndeshjet e volejbollit dhe emocionet e shumta që dinin të dhuronin vajzat e këtij ekipi.

Z. Troplini konfirmoi se merr përsipër faktin se nga ana finaciare ky ekip nuk do të ketë asnjë problem, vetëm kërkohet përkushtimi i vajzave për të rikthyer shkëlqimin e dikurshëm në gjurmët e një traditë për tu pasur zili. Me tej z. Troplini tha se përveç rrogës, për vajzat që do të kenë rezultate më të larta do të ketë edhe premio të shpeshta me qëllim rritjen e angazhimit të tyre. Ai tha se se në shumë raste kam mbështetur ekipin e Shijakut, dhe pas këtij qyteti ku kam lindur dhe rritur, kam zgjedhur Rrëshenin ku kam punuar për disa vite.

Edhe nënkryetari i Bashkisë z. Nok Mrruku falenderoi mjekun Troplini për mështetjen ndaj ekipit, ndërkohë vlerësoi faktin se problemet financiare kanë rënduar sëtepërmi situatën në këtë ekip. Ndërsa shefi i klubit sportiv “Minatori” z. Mark Kola, tha se mbështetja vjen në një kohë të përshtatshme, ndërkohë që vlerësoi faktin se pas kësaj rezultatet do të jenë më të larta.

Në fund, kryetari i Bashkisë z. Dedaj vlerësoi maksimalisht angazhimin e presidentit të mëparshëm z. Mark Gjoni, bisnezmen në fushën e ndërtimve për ndihmën e dhënë, po ashtu edhe bisnezmenin tjetër z. Pashk Krepi për finacimin e herëpashershëm të ekipit të Minatorit. Z. Dedaj në përfundim të takimit shprehu besimin për një bashkëpunim të ngushtë dhe rezultate të larta për ekipin e Minatorit në volejboll.

A. Ndoja